測試此欄進行中

2018年12月15日 星期六

新意網高價再奪將軍澳數據中心地皮

  新意網以54億多再奪將軍澳數據中心地皮,此地皮可建樓面面積是同區數據中心地皮兩倍半,加上香港的數據中心地皮非常稀缺,估計數據中心價值只會水漲船高。

  已經是本港最大第三方數據中心供應商的新意網,將會繼續受惠,新意網於五年前於同區高價奪下的數據中心地皮已經建成並營運中,短期內亮點甚少只能依賴改造或收購增加機組,現在再下一城奪地,可謂確保了中長期的增長亮點。

  早前,新意網以7億多荃灣馬角街數據中心地皮,可建樓面面積只是呢次的10%,但公司最近業績「於2018年6月30日,集團的銀行結餘及存款為4﹒66億元」今次再重槌出擊,有喜有憂,54億多相當於新意網市值實在不小,公司現金又唔多,未來幾年派息取向成疑問。

  觀乎市場反應似乎唔錯(消息一出股價升了10%),至今我依然持有94000股新意網,是為第三大持股(第一係長建第二係電能)



2018年11月8日 星期四

長建大收購食白果,唉~

長和系聯手收購澳洲能源巨企被當地政府否決,之前佢地仲表明不反對,唉。

收購失敗即係又有現金擺係度,以李家喜歡穩定高質少政策風險的公用事業為例,基本上沒有大多選擇了

繼續在澳洲和英國收購公用事業,但多數失敗,因為李家已經在這兩市場佔不少份額了,我認為管理層未來不會放什麼資源繼續擴張。

未來應該會在歐盟找機會,或者等運到,等環球股災,等等等等,D錢而家擺係度只能慳下利息,未來增長前景不太好,唔係話管理層唔去出擊,而係一出去就被截住。


2018年11月2日 星期五

升市減北控增彈藥

今日下午以43.35減持北京控股,補充彈藥擇機增持長和系。

過去三個月賺到的錢主要都用來減負債,畢竟我不少負債都是以P計算,故沒有什麼增持行動,只透過月供股票買入,對象繼續係電能實業恆基及煤氣。


2018年10月19日 星期五

增持長和騰訊啦

嘩嘩,長和今日打穿80蚊,將早前套現的錢加注500股,79.95買入,另外減持北京控股4000股,再以279蚊加注100股騰訊。

近期忙於處理新公司,少了更新網誌,明年就應該空閒一些。


2018年10月2日 星期二

轉數快賺冇汗錢

轉數快賺冇汗錢黎啦,本來打算寫篇出來,但人地寫得仲好,又易明白,一齊睇下面網址啦

轉數快優惠合集(在新視窗開啟這個連結)

先唔好睇邊間著數勁,應先考慮自己有什麼戶口,在不開新戶口前提下去賺轉數快冇汗錢黎啦,。



2018年9月27日 星期四

冇汗錢漸漸收緊

WECHAT PAY下月將收緊至5000蚊每月
O E PAY已經收緊至10000蚊每月

以下未變:
PAY ME ,5000蚊每月
支付寶,5000蚊每月

WECHAT PAY用大新ONE+卡,10月起我一家四口賺每月200蚊。
O E PAY用渣打1.5%卡,10月起我一家四口共賺每月500蚊。
PAY ME用大新ONE+卡,10月起我一家四口賺每月200蚊。
支付寶用大新ONE+卡,10月起我一家四口賺每月200蚊。

冇汗錢總數降至1100蚊每月


2018年9月17日 星期一

減少少倉等換貨(小題:風暴山竹)

今日下午,在好消息下減持兩萬股香港電訊SS,仲剩低15000股,成本降至九個幾。套現20萬等候撈底或換馬。

昨日十號颶風信號,19年前的同日亦係十號風球,真係勾起唔少回憶,估計我鄉下親手種的十歲芒果樹(十一棵)已陣亡了(種子開始種,救命呀)

呢D災害只會上升,冰川浴化海平面上升,風暴潮就更勁。溫室效應加劇,變相潛熱上升,熱帶氣旋的強度上限提高,風速更快降雨更勁。

呢D都係好簡單的常識(我修讀地理),我本身已經一年364日都唔開冷氣機,仲會進行各類回收(不過近月回收商佢收廢膠,勁清潔的都唔收,超唔開心)。

不過得果幾條友去執行「減碳」,我根本改變唔到呢個洪流。


2018年9月6日 星期四

長和賣產俾同系,兩家有著數

長和將旗下公用項目以略低市價出售俾同系,將子公司淨現金抽走,又將長地的現金拎埋黎用,始終好過齋擺。

長地長建電能只是增持,營運風險有限,增持作價相當於8%回報左右,未計增長。

長和只是出售收益權益,擁有權都是長和,這樣計算賬面值很容易重複計算,計大左長和價值?長建長地電能買入後,怎樣入賬呢,我在奇怪是否一個資產兩份用。

我既是長和股東,亦是長建電能股東,在長和角度睇,我會贊成,因為搲左子公司錢去玩,低少少出售好過借錢輸息俾銀行丫,筆利息開支不如益下D仔仔,將來有著數亦可回購番。在長建電能角度,我都贊成,長建電能淨現金已不多,海外吸引項目又少,筆錢根本出路有限,而家都只係增持旗下公用項目的權益,風險低,又唔洗幾多行政支出和時間。

執筆時,長和連續兩日回購,呀,終於出手啦,你唔好遲D?!等你好耐喇!


2018年9月1日 星期六

20180831,八月結

  本月指數向下,但我市值在新意網反彈下,反而輕微上升了,股票冇變動,繼續收息


截至20180831,目前持股:
00001 - 長和     5000股  -$ 90.45
00392 - 北京控股   6000股  -$ 37.65
08008    - 新意網   94000股  -$  6.35
02318 - 中國平安   1000股  -$ 75.60
01038 - 長江基建  17500股  -$ 57.40
06823 - 香港電訊  35000股  -$ 10.14
01928 - 金沙中國    463股  -$ 38.30(月供股票)
00006 - 電能實業  10733股  -$ 55.05(月供股票)
00003 - 中華煤氣   1184股  -$ 16.16(月供股票)
00012 - 恆基地產    214股  -$ 41.50(月供股票)
00257    - 光大國際  10000股  -$  6.61
00371    - 北控水務  60000股  -$  4.28
01257    - 光大綠色   5000股  -$  7.74
00807    - 上實環境   5000股  -$  2.00
06839    - 雲南水務  10000股  -$  2.42
00772    - 閱文集團    400股  -$ 55.20(扣除家人後持有)
00700    - 騰訊控股   1175股  -$340.00(扣除家人後持有)


股票總市值:$4206829
物業供滿率:32.83%(25%已付首期+75% x31/288)
減去負債後淨資產:$1312164

對比2017年12月31日淨資產:$1175933,上升+11.58%

2018年8月23日 星期四

建行EYE信用卡賺分告一段落

今日已收到「建行亞洲有關信用卡的修訂」,內部提及「建行EYE信用卡」,

在修訂前,此卡可以玩支付工具賺5倍積分,即消費25000蚊獲基本25000分及額外100000分,即2%回贈。我主要用建行卡玩PAYME,下個月冇啦,要搵另一張啦。

不過,修訂後仍有0.4%基本回贈,如果你們沒有更好代替的話,仍可繼續玩。

修訂見附圖第三項。


2018年8月12日 星期日

PAYPAL要小心玩,其實你地點玩

有人被凍結左PAYPAL戶口,我想知你地提現和存款金額詳情,以下是我我提存紀錄,暫時咩事都冇喎,仲有得玩。

拿,我D數絕對係不規則,提存金額混亂,日子不定,存款後又唔係即時提走,仲咁鬼放心積累到二萬都未提走。


2018年8月8日 星期三

收息又多左,時間到股息自然來

  倉內的香港電訊中期息增加一仙,而中國光大綠色環保則首派中期息六仙,我將會增加650元股息,而早前長和則增加450元及長建增加175元,增加1275元。

  香港電訊中期業績無啥特別,末期息持平機會高,不過都係一只穩健的防守股,揸6%息繼續坐。

  中電控股近日強勢不可擋,已經92蚊,看來破100蚊快了,以後多一只100元藍籌啦,長和長建電能你地快D急起直追啦!!!中華煤氣亦將再試新高,可喜可賀,公用股什麼時候都係正確選擇。


2018年8月6日 星期一

長和系穩又增,坐得安心

  長和系的長和,長實,長建三寶都增派息,可喜可賀。可惜的是股價囉,長和股息率迫近4%真係抵仲有增長,而且佢揸外國資產,人仔貶值都唔多關事啦!

  目前持倉的所有股票都找不到像樣的減派息理由卻找到增派息的理由,所以我對今年末至明年初的股息仍相當樂觀。

  近來沒有什麼股票變動,我打算減一下信用卡負債,部署九至十月再一次加額行動先,希望2020年俾我打爆200萬信用卡總額啦(目前129.2萬),尤其係恆生及大新,真係多多都唔夠用呀!

回帶相關貼文:
長和又有動作啦

2018年8月1日 星期三

20180731,七月結

  本月市值變化不大,雖然大市下滑,股票冇變動,繼續收息


截至20180731,目前持股:
00001 - 長和     5000股  -$ 84.85
00392 - 北京控股   6000股  -$ 37.85
08008    - 新意網   94000股  -$  5.56
02318 - 中國平安   1000股  -$ 72.35
01038 - 長江基建  17500股  -$ 57.55
06823 - 香港電訊  35000股  -$ 10.30
01928 - 金沙中國    463股  -$ 39.80(月供股票)
00006 - 電能實業  10733股  -$ 55.10(月供股票)
00003 - 中華煤氣   1184股  -$ 15.82(月供股票)
00012 - 恆基地產    214股  -$ 42.80(月供股票)
00257    - 光大國際  10000股  -$  9.47
00371    - 北控水務  60000股  -$  4.68
01257    - 光大綠色   5000股  -$  7.68
00807    - 上實環境   5000股  -$  2.22
06839    - 雲南水務  10000股  -$  2.78
00772    - 閱文集團    400股  -$ 67.85(扣除家人後持有)
00700    - 騰訊控股   1175股  -$355.00(扣除家人後持有)


股票總市值:$4166836
物業供滿率:32.83%(25%已付首期+75% x30/288)
減去負債後淨資產:$1297524

對比2017年12月31日淨資產:$1175933,上升+10.34%

2018年7月29日 星期日

垃圾食物食得開心又環保呀

之前提到我食麵包皮,今日仲有正野,係蛋糕皮呀,正呀,食垃圾食到咁開心我真係異類呀!

為了營養均衡,我早上都係食十穀,再加支益力多,拿一把腰果杏仁當小食,晚上唔食飯只食生果(連皮食)。

所以只得中午食百幾克麵包皮或今次蛋糕皮,食我唔死仲KEEP到體態。(而家60KG)



2018年7月27日 星期五

長建電能業績,又收息

電能業績微升2%,意料之外,畢竟都冇咩發圍空間,現金又派到七七八八,預期電能只能向港燈埋手,搞下D土地轉換益下長實了。由於電能的業務同長建高度重疊,業績非常穩健,仲有些少增長空間,未來派息料持平微增,遠好過年金。

而長建呢,增長比電能多D,未來假設收購不成都仲有自然增長,唔會死錯人,末期息都係升架啦,如果澳洲單大鵰俾澳洲政府通過就可以再派多D息喇。

都係穩穩陣陣揸住佢地慢慢收息,最近加入持倉的煤氣都唔錯紅股除淨前16蚊,而家又16蚊,多謝四叔。

最近大市普遍下調,我D公用收息冇咩郁,重倉的新意網最近更加爆升,咩事?不過都唔沽,唔關我事啦。

電能+長建的中期息,我大約收息近兩萬。


2018年7月17日 星期二

唔還最低還款額又能保持負百萬

呢130萬信用卡額(準確係129.2萬),俾我月月玩到100萬,唔知銀行例行查信貸報告時會點諗呢......(呢條友,咁堅....)


回帶相關貼文:
能隨便負債百萬也是實力的表現


2018年7月12日 星期四

能隨便負債百萬也是實力的表現

我相當能夠負債的人,比不能負債或難以大額負債的人更具實力。

你要破百萬,好簡單,月入一萬五,月儲一萬,一百個月就得啦,都唔使九年。

但係呢,想負一百萬喎......

壞結局,
月入一萬五,搵銀行借,月薪俾夠15倍啦,咪22萬丫,你想再多D?銀行唔批你啦,再搵財仔咪又係借多20萬丫,加埋都係四五十萬,信用評級仲花哂,你想負債破百萬就只能唔還錢之餘由得佢滾大,用法定最高年利率,大約3年你就負百萬啦,不過係之前你應該已經俾人申請破產,所以未到百萬負債級就出左局啦。

中性結局要靠外人,
月入一萬五,月儲一萬,到了第七年,有現金84萬,結婚,聯名,再買樓,仲要過到壓測,俾埋什費結婚錢,仲要九成按,買400萬樓,即係負360萬,一人一半,你終於負180萬啦,恭喜,你用7年時間達標。

中性結局不結婚靠自己仍然有排都未達標,
月入一萬五,月儲一萬,申請信用卡,首張信用卡額介乎一萬至八萬左右,信用卡額備用為主,白紙一張的信用評級要慢慢執正,用信用卡交下水電煤,準時還。

次年,現金有12萬全買公用股,申請第二張,可能有五至十萬,信用卡額備用為主。

第三年,有現金12萬再買公用股及上年公用股12萬及上年股息,又去加大信用卡額及申請信用卡,估計總信用卡額不難突破20萬。

第四年,估計已有50至60萬市值的資產,用抵押透支槓桿出30萬再射到其他銀行,申請信用卡,信用評級果度睇唔到證券抵押的。銀行只會以為你有90萬,抵押透支前的最新月結單,之後再槓桿出來的30萬開儲蓄戶口再一併申請信用卡,果一刻,神鬼都唔知你有30萬負債,順利又可提升總信用卡額,可能升到30萬左右,成功買入將錢射回,即係撒佢資。

第五年,可以接下銀行電話推銷的私貸,借15萬月平息0.2%應該冇問題啦,借款全買公用,呢一年又儲左12萬,又買公用啦,資產多左又可以申請多張信用卡,升到35萬左右冇咩問題,咁你應該手持90萬左右資產,35萬信用卡額,15萬私貸,40萬抵押透支額度。

第六年,還清私貸又儲左12萬,加埋股息,都係90至100萬資產,在一百萬的一刻去加大信用卡額再申請信用卡都SO EASY,信用卡額破40萬甚至50萬都冇問題,你信用評級咁好,又淨資產近百萬,好客呀!呢個時候,你即時玩信用卡套現又借私貸,都係負60至70萬,你的抵押透支不出現在信用評級,你都唔算負百萬,呢個結局,推演至第六年都未能夠隨隨便便負百萬,但係你的淨資產值卻已經係百萬級。

你話,負百萬仲難過搵百萬,我地要敬佩負百萬的人,我一直都認為「你欠銀行百幾萬呀」係好勁好厲害,最利害係銀行信你喎,願意批百萬俾你,呢樣野分分鐘有錢都買唔到。

所以,當你地聽見人地話有一百萬,不必葡萄,你也許可串佢,那麼你能夠負一百萬嗎?手持一百萬都唔能夠由銀行借番一百萬走,叻個屁

目前我總信用卡額已暴漲至130萬(光是恆生都38萬...),另有少量私貸,我隨時隨地可以挾帶私逃130萬走,我最喜歡用呢幾句串我D大學生同學,而我只係中五畢業,真係串到佢地反擊不能,我好希望有更多人做到。

渲洩一下情緒,皆因我身邊太多高學歷,知道我學歷後仲自以為高人一等。


回帶相關貼文:
月入一萬,十年不變,怎樣破百萬?

2018年7月4日 星期三

長和又有動作啦

長和將增持WIND TRD餘下股權,作價220億,不便宜亦不昂貴,觀乎長和手持大筆現金,料對盈利增長有幫助,但負債亦會上升,都係好過咩都唔做。

長和本已經是該公司大股東,再增持的話,我相信都係有普通市民睇唔到的內部消息,佢身為大股東睇住盤數咁耐再拍板全購,唔會死錯人。

我仍然重點持有長和系,係呢度俾D長和系小股民信心,我沒有沽,仲有增持長和系添呀,希望下份成績表好好睇睇,俾番D信心落股價度啦。


2018年7月3日 星期二

20180702,六月結

  本月市值變化跟隨大市下滑,無計啦,貿戰嘛,另買了5000股長江基建。月供股票是恆基地產及中華煤氣電能實業

  本月繼續很忙,正準備新業務中。


截至20180703,目前持股:
00001 - 長和     5000股  -$ 83.20
00392 - 北京控股   6000股  -$ 38.20
08008    - 新意網   94000股  -$  4.65
02318 - 中國平安   1000股  -$ 72.20
01038 - 長江基建  17500股  -$ 54.80
06823 - 香港電訊  35000股  -$ 10.02
01928 - 金沙中國    463股  -$ 41.95(月供股票)
00006 - 電能實業  10733股  -$ 54.55(月供股票)
00003 - 中華煤氣   1184股  -$ 15.02(月供股票)
00012 - 恆基地產    214股  -$ 41.50(月供股票)
00257    - 光大國際  10000股  -$ 10.14
00371    - 北控水務  60000股  -$  4.73
01257    - 光大綠色   5000股  -$  8.20
00807    - 上實環境   5000股  -$  2.52
06839    - 雲南水務  10000股  -$  2.70
00772    - 閱文集團    400股  -$ 73.70(扣除家人後持有)
00700    - 騰訊控股   1175股  -$393.80(扣除家人後持有)


股票總市值:$4131413
物業供滿率:32.29%(25%已付首期+75% x14/144)
加上手上現金再減負債後,計入物業後淨資產:$1267821

對比2017年12月31日淨資產:$1175933,上升+7.81%

回帶相關貼文:

2018年6月28日 星期四

天呀!又送錢呀!


天呀!又送錢呀!今次係O! ePay x PayPal

我日日玩八達通自動增值賺分,每日勁賺55蚊呀,但轉出超過$5000之後就要俾0.5%手續費,得番每日$32.5,賺少截呀!!!

而家由O! ePay轉出,竟然不受「轉出超過$5000」影響,$0蚊手續費!OH NO!!!!我的天!!首次由O! ePay轉出200蚊以上仲有50蚊醒俾你,地上有金執呀!!!!

我當然一收到風,已經連爬帶走仆倒去啦,PayPal我一早就註冊好,什麼都登記哂,銀行戶口呀,信用卡呀,早起的鳥有野食~~~~

我馬上由O! ePay轉出1000到PayPal,PayPal即秒收到,馬上在PayPal按提現,三至五工作天就成功收款啦,冇汗錢~冇汗錢~冇汗錢~

目前每日由O! ePay轉出PayPal的限額為7999,我每日八達通自動增值都去唔到八千啦,限額超級夠用呀!!!!!不過呢~大家唔好玩咁盡,將O! ePay的提現任務全部射波射哂PayPal做呀,PayPal作為跨國企業,查可疑交易分分鐘仲勁,玩PayPal呢,每次金額都要亂七八糟就最好,又唔好成日提現,積存一段時間先轉走啦,唔好要人地白做,目前我建議每月轉三萬幾蚊俾PayPal好了,之後在PayPal分三次提走。

咁樣,我的冇汗錢每月增加左150蚊,就只係因為兩個公司間的決策和合作


目前未找到關於PayPal的提現上限:

冇記錯的話,PayPal註冊好麻煩,有需要先出教學啦~(認證銀行戶口時,要等PayPal存入少量金錢到你銀行戶口,你輸入番PayPal存了幾多錢........

回帶相關貼文:



2018年6月27日 星期三

東亞銀行送錢呀!!

東亞銀行信用卡:網上結餘轉戶計劃 賺高達HK$200現金回贈

不管你有冇東亞銀行信用卡都睇下,這是智慧呀!!反正睇下又唔會睇壞眼!!



拿,唔好以為你張東亞銀行信用卡的限額小就玩唔到!!!

假設你:
東亞銀行信用卡額為20000,截數日為21號
恆生銀行信用卡額為20000,截數日為26號
截至今日,兩卡結欠為零

我假設信用卡額各得20000,數字夠親民喇掛~

1,上網登記左先,假設6月27日開始進行
2,登入東亞銀行網上銀行,按「繳款」> 賬單」>商戶分類選銀行及信用卡服務」>「選咩發卡銀行」> 之後寫你自己果張恆生銀行信用卡號碼」>「賬戶寫你張東亞銀行信用卡
3,金額寫19000東亞會扣你19000及950手續費
4,東亞銀行信用卡於6月28日會有19950結欠
5,恆生銀行信用卡於6月29日收到東亞銀行繳款,由升至19000淨現金
6,恆生銀行信用卡於6月29日即日設定繳款」到東亞卡,金額19950
7,恆生銀行信用卡於7月3日19000淨現金降到950結欠
8,7月3日東亞銀行收到繳款恆生,由19950結欠回到結欠
由於第一階段時間太急,東亞銀行信用卡限額低的人只能在第一階段玩一次



七月第二階段:

1,7月3日,東亞銀行信用卡為結欠,恆生銀行信用卡950結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月4日會有19950結欠
5,恆生銀行信用卡於7月5日收到東亞銀行繳款,由950結欠升至18050淨現金
6,恆生銀行信用卡於7月5日即日設定繳款」到東亞卡,金額19950
7,恆生銀行信用卡於7月6日18050淨現金降到1900結欠
8,7月7日東亞銀行收到繳款恆生,由19950結欠回到結欠


1,7月9日,東亞銀行信用卡為結欠,恆生銀行信用卡為190結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月10日會有19950結欠
5,恆生銀行信用卡於7月11日收到東亞銀行繳款,由1900結欠升至17100淨現金
6,恆生銀行信用卡於7月11日即日設定繳款」到東亞卡,金額19950
7,恆生銀行信用卡於7月12日17100淨現金降到2850結欠
8,7月13日東亞銀行收到繳款恆生,由19950結欠回到結欠


1,7月16日,東亞銀行信用卡為結欠,恆生銀行信用卡為285結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月17日會有19950結欠
5,恆生銀行信用卡於7月18日收到東亞銀行繳款,由2850結欠升至16150淨現金
6,恆生銀行信用卡於7月18日即日設定繳款」到東亞卡,金額19950
7,恆生銀行信用卡於7月19日16150淨現金降到3800結欠
8,7月20日東亞銀行收到繳款恆生,由19950結欠回到結欠
9,東亞銀行信用卡7月20日收到6月的950手續費返還及20蚊冇汗錢!!
0,東亞銀行信用卡於7月21日,由結欠升至970淨現金。

7月23日,東亞銀行信用卡為970淨現金恆生銀行信用卡為380結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月24日會有18980結欠
5,恆生銀行信用卡於7月25日收到東亞銀行繳款,由3800結欠升至15200淨現金
6,恆生銀行信用卡於7月25日即日設定繳款」到東亞卡,金額18980
7,恆生銀行信用卡於7月26日15200淨現金降到3780結欠
8,7月27日東亞銀行收到繳款恆生,由18980結欠回到結欠


7月26日,東亞銀行信用卡為結欠恆生銀行信用卡為378結欠
2,登入東亞銀行網上銀行.........金額寫12000,交恆生銀行信用卡
3,東亞會扣你12000及600手續費
4,東亞銀行信用卡於7月27日會有12600結欠
5,恆生銀行信用卡於7月28日收到東亞銀行繳款,由3780結欠升至8220淨現金
6,恆生銀行信用卡於7月28日即日設定繳款」到東亞卡,金額12600
7,恆生銀行信用卡於7月29日8220淨現金降到4380結欠
8,7月30日東亞銀行收到繳款恆生,由12600結欠回到結欠

7月30日,東亞銀行信用卡為結欠恆生銀行信用卡4380結欠
1,登入東亞銀行網上銀行.........金額寫12000,交恆生銀行信用卡
2,東亞會扣你12000及600手續費
3,恆生銀行不要設定繳款」到東亞卡
4,東亞銀行信用卡於7月31日會有1260結欠
5,恆生銀行信用卡於8月1日收到東亞銀行繳款,由4380結欠至7620淨現金

7月玩左六輪,合共100000蚊,玩盡哂,YO!!!
19000、19000、19000、19000、12000、12000
=100000

8月1日,東亞銀行信用卡為12600結欠恆生銀行信用卡7620淨現金
東亞銀行信用卡於8月20日收到7月的5000手續費返還及100蚊冇汗錢!!
8月20日,東亞銀行信用卡由12600結欠減至7500結欠
8月21日,用恆生銀行馬上即日設定繳款」到東亞卡,金額7500
8月23日,東亞銀行信用卡收到恆生銀行繳款,由7500結欠回到結欠
8月23日,恆生銀行信用卡120淨現金
(我會等到最後一日先交,東亞我最遲9月17日交,恆生最遲10月21日左右交啦,咁快還錢都冇著數ge)

120淨現金=第一期20元及第二期100元回贈

你地覺得要我要用幾多智慧先度到上面D賺錢方法俾你地呢?!?!

而在現實世界,我的東亞卡及恆生卡的限額本來就遠超100000,所以根本係唔洗做到咁緊湊.........


回帶相關貼文:

我的信用卡文章其實就像遊戲攻略本,玩信用卡玩到打機一樣丫,快快把我個BLOG加入到書籤和我的最愛啦,我會定期更新~齊齊做銀行的敵人!!點擊下周圍的廣告的話就更加十卜十卜,多謝支持了~!

東亞銀行信用卡網上結餘轉戶計劃中伏位(新視窗開啟)
東亞銀行信用卡卡冚卡解鎖限額問題(新視窗開啟)
東亞銀行信用卡服務收費概覽(PDF檔案)

2018年6月26日 星期二

貿易戰入貨,長江基建

買定D公用收息股,大手買入5000股,$57.8,持股增至17500股,為組合第一大權重股。我諗,中期而言,希望係正確的選擇啦。

2018年6月21日 星期四

冇現金!但你有一堆信用卡

  「機會到了,冇現金!」相信人人都出現過,以下係一個極端例子,假設當時你所有信用卡都是零結欠:

用到極限的條件如下:
一家四口,4個戶口,1張主卡拖3張附屬卡
建行卡、花旗卡及星展卡總額各80000或以上
渣打卡總額90000以上
大新卡額是渣打卡、建行卡、花旗卡及星展卡總和
恆生卡額等於大新卡

最完美的卡總額是這樣

花旗卡總額80000(Cash Back Visa 信用卡)
建行卡總額80000(eye信用卡)
星展卡總額80000(DBS Eminent Card信用卡)
渣打卡總額90000(Simply Cash Visa 信用卡)
大新卡額330000(One+信用卡)
恆生卡額330000
     990000

套現前準備,更改截數日到最完美組合
花旗卡、建行卡星展卡及渣打卡截數日更改為11號
大新卡截數日更改為6號
恆生卡截數日更改為1號

套現程序開始:
1,花旗卡、建行卡星展卡先申請3張附屬卡
2,一家四口,開4個微信戶口,各自綁定自己名的信用卡
3,主卡微信戶口綁定上述四銀行信用卡
4,家人ABC微信戶口各自綁定上述四銀行信用卡附屬卡ABC
5,4個微信戶口各自玩套現,上限30000一個月。
6,家人A轉賬各5000到BC我,套出15000
7,家人A用QR轉賬各5000到BC我,套出15000
8,我及家人BC都係咁做
9,家人ABC及我微信戶口都有30000現金,按提現,成功套出12萬
(建議把錢提現到中國或恆生銀行)

此時,花旗卡、建行卡星展卡各負40000,
之後到渣打卡玩支付寶:


1,渣打先申請3張附屬卡
2,一家四口,開4個支付寶戶口,各自綁定自己名的渣打信用卡/附屬卡
3,4個支付寶戶口各自玩套現,上限5000一個月。
4,家人ABC轉賬5000到隨便一戶口,A轉B,B轉C,C轉我
5,家人ABC及我戶口都有5000現金,按提現,成功套出2萬
(建議把錢提現到中國或恆生銀行)

此時渣打負20000,
之後渣打卡玩八達通(但不玩日日增值):

1,登入渣打網銀,按電子錢包,按O易俾,登記資料

2,可以用渣打卡轉賬25000到O易俾程式
3,轉25000過去,在O易俾按轉到銀行
4,被收取100蚊手續費,成功套出24900
(建議把錢提現到中國或恆生銀行)

此時渣打卡增至負45000:


1,你1月28日完成上述所有套現,你套了164900元

2,你2月28日完成上述所有套現,你再套了164900元
3,大約在3月8日為花旗卡、建行卡星展卡及渣打卡找數164900
4,3月7日用大新卡「冚」花旗卡、建行卡星展卡及渣打卡,大新負164900
5,你3月28日完成上述所有套現,你再套了164900元
6,大約在4月8日為花旗卡、建行卡星展卡及渣打卡找數164900
7,4月7日用大新卡「冚」花旗卡、建行卡星展卡及渣打卡,大新負329800
8,你4月28日完成上述所有套現,你再套了164900元
9,5月2日用恆生卡「冚」大新卡恆生負164900
10,大約在5月8日為花旗卡、建行卡星展卡及渣打卡找數164900
11,月7日用大新卡「冚」花旗卡、建行卡星展卡及渣打卡,大新負329800
12,你5月28日完成上述所有套現,你再套了164900元
13,6月2日用恆生卡「冚」大新卡恆生負329800
14,你地計下套左幾多錢???????????仲係免息套現添!!!正呀!!!

注意大新卡「冚」卡有1%手續費,但花旗卡、建行卡星展卡及渣打卡玩套現又有1%回贈,呵呵,抵銷左喎~~~~



玩埋PAYME的話:
最完美的卡總額是這樣
花旗卡總額80000
建行卡總額80000
星展卡總額80000
渣打卡總額130000
大新卡額370000
恆生卡額370000
    1110000