測試此欄進行中

2018年4月30日 星期一

20180430,四月結

  四月我月供股票是恆基地產及中華煤氣,下月重新開始月供電能實業。月尾,增持了很少雲南水務。

  本月很忙,賺了不少有汗錢,都是別人找我,我都不怎麼主動了。呢個月玩支付寶P2P轉賬,拎左過百個$1.8,簡直係通縮!!買食材成本急降,全部打散買,慳左好多,仲幫其他家人買野套現,正呀。今個月仲係我出生月份,D積分係咁黎擋都擋唔住。

  仲有,上月俾人借了三萬蚊求救,今月本利返還,再加埋之前申請信用卡一堆迎新呀推薦獎勵呀,本月有近萬蚊冇汗錢入賬,當中亦包括四大支付工具賺分。

  呢個月恆生仲送左張優越理財信用卡俾我玩,我恆生信用卡信用額卡升至38元了,唔好以為升到咁高用唔著,其實都係唔夠用架,我兩下就會用到盡,我渣打每月都有15至16萬要恆生卡冚,大新果度又有每月13至14萬要恆生卡冚,我其實要(14+16) x2=60萬先可以玩到極限。


截至20180330,目前持股:
00001 - 長和     5000股  -$ 93.10
00392 - 北京控股   6000股  -$ 39.50
08008    - 新意網   94000股  -$  4.67
02318 - 中國平安   1000股  -$ 77.75
01038 - 長江基建  12500股  -$ 62.10
06823 - 香港電訊  35000股  -$ 10.34
01928 - 金沙中國    463股  -$ 45.75(月供股票)
00006 - 電能實業  10641股  -$ 58.45(月供股票)
00003 - 中華煤氣    858股  -$ 16.44(月供股票)
00012 - 恆基地產    106股  -$ 50.05(月供股票)
00257    - 光大國際  10000股  -$ 11.08
00371    - 北控水務  60000股  -$  4.60
01257    - 光大綠色   5000股  -$  7.36
00807    - 上實環境   5000股  -$  2.57
06839    - 雲南水務  10000股  -$  3.10
00772    - 閱文集團    400股  -$ 63.50(扣除家人後持有)
00700    - 騰訊控股   1175股  -$391.00(扣除家人後持有)


股票總市值:$4018135
物業供滿率:31.25%(25%已付首期+75% x12/144)
加上手上現金再減負債後,計入物業後淨資產:$1322274

對比2017年12月31日淨資產:$1175933,上升+12.44%

回帶相關貼文:

2018年4月26日 星期四

增持光大綠色及雲南水務

成個月都冇調倉,今日終加注各少許,用7.29增持3000股光大綠色及以2.98增持5000股雲南水務。

今個月的月供股票供了中華煤氣及恆基地產,在3月設定的,果陣電能實業冇跌得咁甘,否則我應該繼續供電能實業。下個月會平均月供三只,煤氣恆基電能。

電能現價吸引,但我認為還會再跌,並會穿56蚊見5%股息率,跟我入貨會仆直架。

連同月供股票新增部分,今年收息快13萬了,應該能淨收息八九萬,唉,個人因為咁懶左。手上大部分股票未來兩年亦看唔到會減派息,反而看到會增派多少息?對下半年的股息有期待,股價就冇咩期待lu,死侵侵阻人發達如殺人父母,哼。

因應即將升P,我部分抵押透支的息率會隨之上升,已經持部分持倉調去耀才玩月供計畫。

2018年4月23日 星期一

<精華2>玩冇汗錢要玩精明「卡冚卡」

  之前講到,恆生信用卡是重中之重,不能沒有,其他信用卡都要睇住恆生信用卡黎申請:

恆生信用卡可以免息免手續費「冚」以下銀行信用卡或私貸:
渣打信用卡及循環貸款
Manhattan 信用卡、私人貸款
東亞銀行信用卡及私人貸款
大新銀行信用卡及私人貸款
匯豐銀行信用卡
招商銀行一卡通      (此銀行的信用卡優惠太廢,OUT!!
交銀香港信用卡      (此銀行的信用卡優惠太廢,OUT!!
創興銀行信用卡私人貸款 (此銀行的信用卡優惠太廢,OUT!!
工商銀行信用卡 (此銀行最新的宇宙1.5%信用卡仲未有細則出,中性
永亨銀行信用卡、私人貸款 (此銀行的信用卡優惠太廢,OUT!!
大眾銀行信用卡、所有貸款 (優惠太廢,OUT!!但可冚供樓/車,中性
上海商業銀行信用卡    (此銀行的信用卡優惠太廢,OUT!!
永隆銀行信用卡私人貸款 (此銀行的信用卡優惠太廢,OUT!!
永隆財務信用卡私人貸款 (財仔唔要OUT!!

---------------------------------------------------------------------------------------------

  有了首選恆生信用卡後,我建議的亞軍次選是呢張,因為可以「卡冚卡」
大新ONE+信用卡 ,有現金回贈1%,可玩PAYME、微信、支付寶及八達通。集中玩微信。有特殊用途可以倒過來「冚」恆生卡,所以即使現金回贈輸俾渣打仍被我評為稍勝一籌

  之後是季軍,現金回贈1.5%呀,仲可以用恆生卡「冚」
渣打Simply Cash Visa 信用卡 ,有現金回贈1.5%,可玩PAYME、支付寶及八達通。集中玩支付寶。

  殿軍A有兩名,佢地輸個馬鼻係因為恆生卡「」唔到,但微信有1%賺。
花旗 Cash Back Visa 信用卡星展DBS Eminent Card信用卡有現金回贈1%,可玩PAYME、微信、支付寶及八達通。集中玩微信

  殿軍B有兩名,佢地因為可以俾恆生卡「」到,評分急升,但賺分少,或者係賺里數,唔合我,評分稍降
大新英國航空白金卡,6蚊1里數,可玩PAYME、微信、支付寶及八達通。集中玩微信
滙豐Visa Signature卡,咩分都冇,但可以建行雙幣白金卡,是另一組「卡冚卡」項目,申請呢張就要申請埋後者,不然都係廢左。


***微信極限可玩三萬,但要三張卡以上,因每卡月額度一萬,轉賬及QR轉各五千***


人的信用卡額度總有個天花板,建議各位集中申請上面五張信用卡及皇牌恆生卡,仲要盡可能打大恆生卡的信用卡額度。冇咩用果D,尤其回贈仲係0.5%以下的,CUT左佢好過。

得閒我就出個<最正信用卡組合>的文章。


回帶相關貼文:

<精華>玩冇汗錢不能沒有恆生信用卡
如何「卡冚卡」買股票?信用卡可以這樣玩
用信用卡買股票,電能實業例子


歡迎發問。


2018年4月18日 星期三

<精華>玩冇汗錢不能沒有恆生信用卡

  恆生信用卡可以「卡冚卡」,免手續費冚其他信用卡的數,又多左56日免息,唔用就笨!!!!如何用呢,見以下連續圖:





登入恆生網上理財,按「繳費服務」



捲到下面,找出「登記表格」


按入,彈出PDF檔案,按指示,輸入你其他銀行的信用卡號碼,郵寄申請。


此檔案最下面有寫,恆生能夠替你「冚」的發卡行。



我睇你地都唔明架啦,已經替你們打圈了,紅圈可以玩冇汗錢!!
以後申請信用卡,只搵紅圈的發卡行吧!!

恆生銀行另外有一頁面介紹,睇死你地都搵唔到個網頁架啦


申請成功後(約一星期後),
你其他銀行的信用卡號碼會出現在藍箭頭裡,以後可「卡冚卡」!!



回帶相關貼文: 



2018年4月15日 星期日

用信用卡買股票,電能實業例子

  例子由2016年9月開始月供電能實業(我其實已經連續供股48月以上了),由最高見78蚊,到而家收市59蚊,好慘呀!但係睇清楚先講,跌左咁多,原來有賺喎!

  以下例子連續月供19期,平均價為50蚊多D,仲賺左十九萬分,等於760蚊未兌現:


收市59蚊計:
市值177236蚊
成本152246蚊
積分760蚊

177236+760—152246=25270
         152246
17%總回報率

我供左19期,由於最尾果兩期食正截數日,我仲未還錢呀,所以暫時未俾喎!!咁如果我只計我還左錢果首17期的話,回報率會再升少少:

用了17個月或19個月賺左25270蚊。

使用的是中銀GOOD DAY卡,我當初申請時中銀卡時,我明顯不符恆地會卡的入息要求,用唔到恆地會卡玩::
GOOD DAY卡年蔪要求$48000
恆地會卡年蔪要求$150000

申請中銀卡時係2012至2013年間,我淨值有限,搬資產證明都困難呀,而家就當然易過借火啦,但近期我信貸資料庫好多動作,申請恆地會卡再排下期先了。


回帶相關貼文:
如何「卡冚卡」買股票?信用卡可以這樣玩


2018年4月11日 星期三

步入小康都係覺得好窮

上年買左樓,背了一身債,收入冚到供款好似冇咩壓力咁,之前儲落的股票又升左少少(真係少少咋),七除八扣好似仲窮左?

信用卡額而家有125萬,俾我玩到剩30萬,個個月都係,每月還full pay60萬,之前30日內又積累60萬卡數,總之信用卡日日都欠60萬又唔洗俾息月月full pay。另外35萬係私貸,仲有12至54月不等。

因為腦袋經常要記掛截數日呀優惠呀積分呀,精神都幾緊張下,信用卡玩積分每年都賺冇汗錢近三萬,零成本,都係值得!

手上400萬股票,市值400萬物業未供完,流動負債含卡數有近200萬,加埋物業供款加埋家人特低息貸款,負600萬差不多了,不過因為我仍然只用買入價計算物業價值,我計算自己只值100萬咋。

而家收入等於支出,今年是2018年,物業供到2029年尾就供完啦。假如,過多幾年仲可以繼續玩信用卡免息套現,也許數年後具備條件換大屋再玩大個槓桿或者可以收縮槓桿規模,減風險兼安心收息賺下息差平穩過日子。

多左信用卡套出來的現金流,我的資產規模波動急增,又可以擴大槓桿賺多D息差,信用卡仲賺埋分貼錢俾我賺,致近年淨資產值爆增,你地對各大支付工具玩信用卡套現歡迎發問,有錢齊齊賺,我好難寫篇超詳細教學俾你地,太多人跟風做其實只會招來封殺,呵呵!遲早都會冇分賺,我繼續把握最後賺分時光。


回帶相關貼文: 
快D透過支付寶轉賬一毫落52445845電話號碼啦,咁你就賺至少1.8啦!





2018年4月6日 星期五

支付寶信用卡套現日日賺冇汗錢

  一家4口,4個戶口,其中一條友有渣打Simply Cash Visa 信用卡玩就行,一個主卡拖三附屬卡,勁爽,年費又可以豁免,最重要係支付寶信用卡套現都有1.5%分冇額外支出或手續費。

  4個戶口就有20000蚊限額玩,每月兩萬就有300落袋,一年就3600蚊啦。

係好大隻蛤乸隨街跳!我已經努力周圍唱通街!但係冇人知呀!點解會咁?



就算你冇渣打Simply Cash Visa 信用卡,都仲有大新ONE+信用卡,年薪6萬就申請得,有1%回贈呀,一年都2400蚊啦!!


回帶相關貼文: 
快D透過支付寶轉賬一毫落52445845電話號碼啦,咁你就賺至少1.8啦!

2018年4月3日 星期二

支付寶過錢俾朋友即賺$1.8至$88

  發揮守望相助精神,多謝支付寶!!

  拿!!5月31日前喺支付寶過錢俾朋友 (P2P友情大激賞),過$0.1都得,就送你一張$1.8至$88既coupon,可以喺支付寶唔同商戶到使用,包括7-Eleven、OK便利店、百佳、一田、華潤萬家、大昌、萬寧、屈臣氏、豐澤、蘇寧、SmarTone、美心西餅、東海堂、奇華、Starbuck、美心MX、元氣壽司、優之良品、稻香集團、麥當勞、吉野家、卓悅、SASA、Colourmix、Innisfree、L’OCCITANE、Catalog、 GigaSports、I.T, Superdry, Giordano, Kate spade、海洋公園  等等

  支付寶Alipay P2P友情大激賞coupon使用期限是領取後既14天內。支付寶Alipay P2P友情大激賞上限是每日可以上限拎50次,5月31 日前最多拎100次!

  我特地開左過新電話號碼,同埋電郵。

  大家可以用支付寶過錢俾我,電話號碼是52445845過$0.1就賺$1.8,你地賺硬架,爽!!!
  我都想過錢俾人,等我賺100次$1.8電郵是ip624153@yahoo.com,用電郵傳送你的電話號碼給我,等我轉$0.1俾你。我在此對天對地發誓,過完數就刪除聯繫資料,我智慧有限,真係唔識點用你地電話號碼賺錢,不過都帶頭盔講,風險自負,你地可用新電話號碼玩,我都係用新的,果$0.1我不會發還俾你,想我俾番你就電郵給我,等我過$0.1俾番你啦

  你地可能問$1.8點用,勁簡單!!!去百佳買一兩條蕉,「支付寶俾丫」,得左!

假如你已經是支付寶用戶,簡單啦,開左個APP,搵「轉賬」,按入去輸入電話號碼52445845,轉$0.1,之後自動獲發$1.8現金劵



詳細資料可睇小斯的網誌
(上面會連結至其他網站)

冇汗錢,齊齊賺!!!

回帶相關貼文:
每日一條蕉 香蕉帶皮吃 營養不浪費

2018年4月1日 星期日

持股派息總結

00001 - 長和     5000股  -$ 93.90
末期息由1.945元增至2.07元
收息比上年增加625元

00392 - 北京控股   6000股  -$ 41.00
末期息由0.65元增至0.68元
收息比上年增加180元

02318 - 中國平安   1000股  -$ 79.80
末期息由0.631342元增至1元
收息比上年增加332元

01038 - 長江基建  12500股  -$ 64.15
末期息由1.63元增至1.71元
收息比上年增加1000元

06823 - 香港電訊  35000股  -$  9.87
末期息由0.3476元增至0.3675元
收息比上年增加697元

00006 - 電能實業  10641股  -$ 69.95
末期息由2.02元增至2.03元
收息比上年增加106元

00257    - 光大國際  10000股  -$ 11.00
末期息由0.13元減至0.12元
收息比上年下跌100元(但中期息顯著上升)

00371    - 北控水務  60000股  -$  4.38
末期息由0.06元增至0.075元
收息比上年增加900元

01928 - 金沙中國    463股  -$ 42.20
派息不變
收息持平

01686    - 新意網   94000股  -$  4.95
NA(未公布末期息
01257    - 光大綠色   5000股  -$  7.85
NA(新加入)
00807    - 上實環境   5000股  -$  2.80
NA(新加入)
06839    - 雲南水務   5000股  -$  3.21
NA(新加入)
00772    - 閱文集團    400股  -$ 72.60
NA(新加入)

00700    - 騰訊控股   1175股  -$409.60
末期息由0.61元增至0.88元
收息比上年增加317元

—————————————————————————
收息比上年增加4057元


回帶相關貼文: