測試此欄進行中

2017年2月22日 星期三

又搲到筆現金番黎

  屋企又有人拎錢去定期,不如俾我用黎搏番鋪,我俾息。今日成功搲到果筆現金番黎,金額二十萬,息率跟人仔定期差不多,每年俾番3%息俾家人,期限五年。資金將清還銀行欠款,等同平均買入0001長和、0266天德地產及0105凱聯國際酒店,因為我近期係以槓杆買入他們的。

  呢二十萬,由於成本低,而且息率已經鎖死,年期長,基本上不胡亂投資勝算頗高。分配比例為50%係0001長和,50%係0266天德地產及0105凱聯國際酒店

  0266天德地產及0105凱聯國際酒店息率有5.3%,0001長和亦有3%,光是息率淨流入1.15%,由於年期為五年,目標可以高DD,可以坐到長和重見$125(33%升幅),我當0266及0105千年不變,五年都係收息果5.3%。

  五年後應該淨收$11500息+長和重見$125=$33333,回報應有$44833。如果0001長和提早達標,或許可以再搏多一轉添。

  今日0083信和置業業績未有增派息,略感失望,不過下次增派息機會更高了。






2017年2月18日 星期六

組合加入83信和置業新成員

  今日以$12.50買入4000股0083信和置業

  0083信和置業一身現金市值只係八百億,每年收租三十幾億溢利,賣樓項目完全係贈品。稍後公佈業績,今年凈現金估計將挑戰300億元大關,我看好信和置業將增加派息甚至回購。即使派息不變但凈現金估計只會更高,防守力亦再進一步增加,0083信和置業各項目得分甚至更勝0050香港小輪。



2017年2月15日 星期三

減持405越房換入87001匯賢

  今日以$4.65減持405越秀房產信託基金,換入落後的87001匯賢產業信託,第一大持股仍為0001長和,第二大持股匯賢產業信託,第三大持股天德地產連同凱聯國際酒店。


截至20170215,目前持股:
00001  -   4000股  - $ 93.10
01382  - 15000股  - $   8.88
00105  -   4000股  - $ 22.70
00266     - 14000股     - $   8.7
00006  -     272股  - $  74.55  (月供股票)
00008     -     711股     - $   4.63  (月供股票)
01883     - 40000股    -  $   2.57
87001  - 96826股  - $   3.16 (人民幣)

組合總市值:$1281154
加上手中現金再減負債後,淨資產:$788639
2016年12月31日的淨資產:$702127,變動為+12.32%







2017年2月14日 星期二

再增持105凱聯國際酒店

  昨日再增持一手105凱聯國際酒店,增至4000股,今日405越秀房產信託基金會公佈業績,當然會留意,會決定是否換馬。




2017年2月12日 星期日

冇女冇錢冇父蔭冇橫財運

  冇女? 唔緊要,可能恭喜你添,慳番唔少呀,不過良禽擇良木而棲,你N冇的條件邊有咁易有女呀?冇女也許是成功儲錢翻身的權重因子呢!

  冇錢?濕濕碎啦,我認為冇錢的意思是真的掬不出錢來(借都借唔到真係冇錢了)。如果大家身副身家是$0蚊,你有負債空間的話也可以有錢。我舉例,我持一千萬現金同時也欠人一千萬,身副身家咪又是$0蚊。只要有能力負債,就沒什麼大不了。

  冇父蔭呢……要怪就怪投錯胎,不過我認為生為香港人已經投對胎了,該滿足!該心懷感恩每一天!如果你生於落後的地方,也許一出世就中了愛滋了?每天來回4小時擔污水飲?

  成為香港人:
700萬
70 億
=0。001

  父蔭呢D,係額外BONDS,不值得自豪,如果佢冇番咁上下料,也會天堂跌番落黎。

  冇橫財運?又係額外BONDS,不過都要你伸手出黎(下注)先有,偶爾玩玩也可,我自己有買六合彩的,不影響生活質量無礙既。

  我(們?)好好彩生為香港人!!!!
  呢度有良好醫療,我出世冇咩麻煩病跟我,慳番好多錢好多時間甚至慳左好多痛楚。
  呢度有好多好野食,食得是福,咩食材都有,養生都養得比其他國家方便同埋事半功倍。
  呢度有通街銀行通街財仔,要錢有要錢係重點重點重點重點!
  如果你冇咩特別,應該也有「信任」牌可向家人使用。(親戚少的話就蝕章了)
  使用「善意的謊言」卡,隱藏自己,會有較多著數。

  有上面幾點就算加埋冇女冇錢冇父蔭冇橫財運,都唔緊要,仲有大把人排係你後面,我諗你會睇財經BLOG已經不是殿後果D人,應該係排係我前面果堆添呀!

  小三開始由$0起步(我在這時知道錢是什麼,看到數字變大會開心)
  家庭係月光族,我自小儲起一切利是錢及零用,使用「善意的謊言」魔法卡自稱花光了(不然被家人用埋我D錢)
  身體健康和冇女冇錢冇父蔭冇橫財運
  帶埋自小儲的兩三萬,係2008—2009年中五畢業,懶左一年才去打散工,哈哈。
  2009年第二季,去申請個綜合戶口先,向家人自稱冇錢應付最低結付,開始向各家人借錢,很可惜我冇父蔭的,向父母所借不多。

  2010年,連同少量工作收入+家人借款,當時好像買了737合和公路。資產係年末升至六萬,持續使用「善意的謊言」卡成為月光族,扮下窮。
  2009—2011年喜歡食麵包皮,真心好味,又便宜(而家有時口癢會再買黎食),最重要面皮厚就可獲得,慳番成萬蚊。
  2011年向冇咁親的親戚借錢,息率3至7%間,在之前做用多次「信任」卡,達成一定次數後發生,一定要有借有還,好好彩,親戚不少,總有個有米的。使用借款谷大銀行戶口值,賑上升至二十萬。

  順帶一說,至今我都係散工一名,月入一定少於八千,部分年份平均月入更得四千元,信不信由你。
  冇穩定收入証明好麻煩冇穩定收入証明好麻煩冇穩定收入証明好麻煩,重要野講三次。申請私人貸款較難,不要緊,連番家人借款谷大銀行戶口值,漸漸你就容易申請。
  2012—2013年,一注扑中中金再生,用20萬係$5—6左右買,$10沽出,勁賺,不過有五千股長坐中伏化灰了,大幅改變以後選股方向。雖然中伏,難阻資產破頂見40萬。
  資產上升,用呢張月結單周圍申請信用卡,信用卡額在2014年為三十多萬,利用信用卡套現借了近二十萬,家人借款二十萬,自己40萬,谷大銀行戶口值至就快百萬。翌年2014,跳級升做優越理財。
  多年來,人借款持續有借有還,每次有人打算定期就會俾我攔劫!變成向我造定期,「信任」卡達成再多次數後將發生大額定存事件,長年的信用令我成功攔劫!至2014年,人借款升至30萬,因人借款愈來愈多,選股方向也更保守,於2014年,主要持有0778,0006,1038,0737,0659,0083,0002等,就是食息差+股價。
  2015年信用卡額被調升至45萬,就借多D,都係利用信用卡套現,借了近四十萬,冇穩定收入証明好麻煩用信用卡套現好方便,大約4至7%成本,同年開啟恆生抵押透支,「信任」卡將家人股票存倉我度,谷大淨值,曾一度透過恆生抵押透支,透支六十萬。信用卡套現借了近四十萬,人借款五十萬,人股票存倉五十萬,自己升至五十萬,全面戶口值高見190萬。

  我在全面戶口值190萬時申請調高信用卡額,總數升至65萬,當然也被好好使用了。2015—2016小股災略受挫,由淨值70萬跌至55萬微升結束2015年。

  2015—2016年,逐步去槓桿,信用卡套現果D很快就還清(沽出股票套現還),2016年基本是人借款和恆生抵押透支。
  進入2017年,連恆生抵押透支亦少用了,負債比率應該係使用借款以來最低的一刻。



2009向父母借了20000,0%,2012年還清。
2011向親戚借了100000,2。5%,2013年還清。
2012向親戚借了150000,2。75%,2014年還清。
2013向親戚借了200000,3%,2015年還清。
2014向信用卡套現借了100000,5。2%,2015年還清。
2014向信用卡套現借了120000,5。3%,2015年還清。
2014向親戚借了200000,3%,2016年還清。
2014向親戚借了100000,2。75%,2016年還清。
2015向信用卡套現借了108000,4。8%,2016年還清。
2015向信用卡套現借了156000,4。6%,2016年還清。
2015向信用卡套現借了87000,6%,2016年還清。
2015向信用卡套現借了83000,7%,2016年還清。
2015向恆生抵押透支600000,P%,還息。
2015向親戚借了500000,3。5%,2017年還清。
2015向恆生抵押透支600000,P%,還息,2016—2017逐步還清
2016向親戚借了150000,3。5%,2018年還清。
2017未向親戚借錢,部署中?
2017未向信用卡套現借錢,目前可借穴升至八十多萬了。
2017只剩少量恆生抵押透支,於0—100000間。
2009年淨收入約12000
2010年淨收入約11000
2011年淨收入約19000
2012年淨收入約38000
2013年淨收入約45000
2014年淨收入約40000
2015年淨收入約39000
2016年淨收入約41000
上面數據一定有D記錯左,仲有其他小型D的借款存款什麼的,也有收藏紙幣賺了。


唉,冇女冇錢冇父蔭冇橫財運,我仲可以靠人靠銀行靠腦靠自已,搵得少咪又係咁。
親戚N,如願獲得心中回報,我也賺了不少,兩者都賺。

一切吹水,不用認真,只能睇完過眼雲煙,別人的方法只能參考,家家有本……。






2017年2月10日 星期五

增持0001長和

  新一年,調整對0001長和的買入價,上調2.5元至92.5元買一次87.5元又一次,每5元增持。今日馬上以91.4元增持一手長和,現在持3500股了。0006電能實業則調整為69元,每跌4元買一次,現價繼續幾千元地月供。





2017年2月8日 星期三

減持電訊盈科及盈富基金

  今日減持了電訊盈科碎股共481股及盈富基金碎股共161股,又一次精簡組合,將佔比很低的股票剔除,套現等入266天德地產、533金利來集團或105凱聯國際酒店等等。電訊盈科仍持有711股,平均成本降至$2.66。

  早前買了266和533,今日兩只都52高。呀,我未買夠貨呢。266天德地產升多一點點的話,股息率將輕微低過105凱聯國際酒店,或會轉向增持凱聯。

  心水股票新加入51海港企業,但只打算跌穿5.5%股息率才買入,現在4.8%左右,以反映內地賣樓風險及美利大廈項目資本開支因素







2017年2月6日 星期一

增持266天德及小注金利來長坐

  雞年收了點錢,我視為額外資金,既然如此就當閒錢使用,今日以$8.44再增持266天德地產,另一方面以$3.12小注金利來13000股坐幾年(其實打算收6%息坐到曾憲梓90歲後有什麼爆邊消息)。

  金利來本業領帶或男裝業務看來都不會怎麼上升,只會平穩或平穩向下。梅縣有一住宅項目,暫看不到有發展的勢頭,會不會把心一橫賣個項目俾人算數?成間公司我只看佢的收租業務而矣,收租業務也是平平,而且人仔貶值=收少左租,不過影響不大(5%左右)。

  估計533金利來未來數年都係派$0.19至$0.21息,6%股息左右。公司負債很低,現金很多,主席很老,兒子副主席是全國政協委員短期內不會強拆縣。

  主席曾憲梓於2013年及2014年都因為身體抱恙而沒有籌辦壽宴,2014年更因心臟血管栓塞95%被醫生說「生存機會很微......只能存活3個月」。估計呢下,主席已經辦妥接班事宜。