測試此欄進行中

2018年6月28日 星期四

天呀!又送錢呀!


天呀!又送錢呀!今次係O! ePay x PayPal

我日日玩八達通自動增值賺分,每日勁賺55蚊呀,但轉出超過$5000之後就要俾0.5%手續費,得番每日$32.5,賺少截呀!!!

而家由O! ePay轉出,竟然不受「轉出超過$5000」影響,$0蚊手續費!OH NO!!!!我的天!!首次由O! ePay轉出200蚊以上仲有50蚊醒俾你,地上有金執呀!!!!

我當然一收到風,已經連爬帶走仆倒去啦,PayPal我一早就註冊好,什麼都登記哂,銀行戶口呀,信用卡呀,早起的鳥有野食~~~~

我馬上由O! ePay轉出1000到PayPal,PayPal即秒收到,馬上在PayPal按提現,三至五工作天就成功收款啦,冇汗錢~冇汗錢~冇汗錢~

目前每日由O! ePay轉出PayPal的限額為7999,我每日八達通自動增值都去唔到八千啦,限額超級夠用呀!!!!!不過呢~大家唔好玩咁盡,將O! ePay的提現任務全部射波射哂PayPal做呀,PayPal作為跨國企業,查可疑交易分分鐘仲勁,玩PayPal呢,每次金額都要亂七八糟就最好,又唔好成日提現,積存一段時間先轉走啦,唔好要人地白做,目前我建議每月轉三萬幾蚊俾PayPal好了,之後在PayPal分三次提走。

咁樣,我的冇汗錢每月增加左150蚊,就只係因為兩個公司間的決策和合作


目前未找到關於PayPal的提現上限:

冇記錯的話,PayPal註冊好麻煩,有需要先出教學啦~(認證銀行戶口時,要等PayPal存入少量金錢到你銀行戶口,你輸入番PayPal存了幾多錢........

回帶相關貼文:



2018年6月27日 星期三

東亞銀行送錢呀!!

東亞銀行信用卡:網上結餘轉戶計劃 賺高達HK$200現金回贈

不管你有冇東亞銀行信用卡都睇下,這是智慧呀!!反正睇下又唔會睇壞眼!!



拿,唔好以為你張東亞銀行信用卡的限額小就玩唔到!!!

假設你:
東亞銀行信用卡額為20000,截數日為21號
恆生銀行信用卡額為20000,截數日為26號
截至今日,兩卡結欠為零

我假設信用卡額各得20000,數字夠親民喇掛~

1,上網登記左先,假設6月27日開始進行
2,登入東亞銀行網上銀行,按「繳款」> 賬單」>商戶分類選銀行及信用卡服務」>「選咩發卡銀行」> 之後寫你自己果張恆生銀行信用卡號碼」>「賬戶寫你張東亞銀行信用卡
3,金額寫19000東亞會扣你19000及950手續費
4,東亞銀行信用卡於6月28日會有19950結欠
5,恆生銀行信用卡於6月29日收到東亞銀行繳款,由升至19000淨現金
6,恆生銀行信用卡於6月29日即日設定繳款」到東亞卡,金額19950
7,恆生銀行信用卡於7月3日19000淨現金降到950結欠
8,7月3日東亞銀行收到繳款恆生,由19950結欠回到結欠
由於第一階段時間太急,東亞銀行信用卡限額低的人只能在第一階段玩一次



七月第二階段:

1,7月3日,東亞銀行信用卡為結欠,恆生銀行信用卡950結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月4日會有19950結欠
5,恆生銀行信用卡於7月5日收到東亞銀行繳款,由950結欠升至18050淨現金
6,恆生銀行信用卡於7月5日即日設定繳款」到東亞卡,金額19950
7,恆生銀行信用卡於7月6日18050淨現金降到1900結欠
8,7月7日東亞銀行收到繳款恆生,由19950結欠回到結欠


1,7月9日,東亞銀行信用卡為結欠,恆生銀行信用卡為190結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月10日會有19950結欠
5,恆生銀行信用卡於7月11日收到東亞銀行繳款,由1900結欠升至17100淨現金
6,恆生銀行信用卡於7月11日即日設定繳款」到東亞卡,金額19950
7,恆生銀行信用卡於7月12日17100淨現金降到2850結欠
8,7月13日東亞銀行收到繳款恆生,由19950結欠回到結欠


1,7月16日,東亞銀行信用卡為結欠,恆生銀行信用卡為285結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月17日會有19950結欠
5,恆生銀行信用卡於7月18日收到東亞銀行繳款,由2850結欠升至16150淨現金
6,恆生銀行信用卡於7月18日即日設定繳款」到東亞卡,金額19950
7,恆生銀行信用卡於7月19日16150淨現金降到3800結欠
8,7月20日東亞銀行收到繳款恆生,由19950結欠回到結欠
9,東亞銀行信用卡7月20日收到6月的950手續費返還及20蚊冇汗錢!!
0,東亞銀行信用卡於7月21日,由結欠升至970淨現金。

7月23日,東亞銀行信用卡為970淨現金恆生銀行信用卡為380結欠
2,登入東亞銀行網上銀行.........金額寫19000,交恆生銀行信用卡
3,東亞會扣你19000及950手續費
4,東亞銀行信用卡於7月24日會有18980結欠
5,恆生銀行信用卡於7月25日收到東亞銀行繳款,由3800結欠升至15200淨現金
6,恆生銀行信用卡於7月25日即日設定繳款」到東亞卡,金額18980
7,恆生銀行信用卡於7月26日15200淨現金降到3780結欠
8,7月27日東亞銀行收到繳款恆生,由18980結欠回到結欠


7月26日,東亞銀行信用卡為結欠恆生銀行信用卡為378結欠
2,登入東亞銀行網上銀行.........金額寫12000,交恆生銀行信用卡
3,東亞會扣你12000及600手續費
4,東亞銀行信用卡於7月27日會有12600結欠
5,恆生銀行信用卡於7月28日收到東亞銀行繳款,由3780結欠升至8220淨現金
6,恆生銀行信用卡於7月28日即日設定繳款」到東亞卡,金額12600
7,恆生銀行信用卡於7月29日8220淨現金降到4380結欠
8,7月30日東亞銀行收到繳款恆生,由12600結欠回到結欠

7月30日,東亞銀行信用卡為結欠恆生銀行信用卡4380結欠
1,登入東亞銀行網上銀行.........金額寫12000,交恆生銀行信用卡
2,東亞會扣你12000及600手續費
3,恆生銀行不要設定繳款」到東亞卡
4,東亞銀行信用卡於7月31日會有1260結欠
5,恆生銀行信用卡於8月1日收到東亞銀行繳款,由4380結欠至7620淨現金

7月玩左六輪,合共100000蚊,玩盡哂,YO!!!
19000、19000、19000、19000、12000、12000
=100000

8月1日,東亞銀行信用卡為12600結欠恆生銀行信用卡7620淨現金
東亞銀行信用卡於8月20日收到7月的5000手續費返還及100蚊冇汗錢!!
8月20日,東亞銀行信用卡由12600結欠減至7500結欠
8月21日,用恆生銀行馬上即日設定繳款」到東亞卡,金額7500
8月23日,東亞銀行信用卡收到恆生銀行繳款,由7500結欠回到結欠
8月23日,恆生銀行信用卡120淨現金
(我會等到最後一日先交,東亞我最遲9月17日交,恆生最遲10月21日左右交啦,咁快還錢都冇著數ge)

120淨現金=第一期20元及第二期100元回贈

你地覺得要我要用幾多智慧先度到上面D賺錢方法俾你地呢?!?!

而在現實世界,我的東亞卡及恆生卡的限額本來就遠超100000,所以根本係唔洗做到咁緊湊.........


回帶相關貼文:

我的信用卡文章其實就像遊戲攻略本,玩信用卡玩到打機一樣丫,快快把我個BLOG加入到書籤和我的最愛啦,我會定期更新~齊齊做銀行的敵人!!點擊下周圍的廣告的話就更加十卜十卜,多謝支持了~!

東亞銀行信用卡網上結餘轉戶計劃中伏位(新視窗開啟)
東亞銀行信用卡卡冚卡解鎖限額問題(新視窗開啟)
東亞銀行信用卡服務收費概覽(PDF檔案)

2018年6月26日 星期二

貿易戰入貨,長江基建

買定D公用收息股,大手買入5000股,$57.8,持股增至17500股,為組合第一大權重股。我諗,中期而言,希望係正確的選擇啦。

2018年6月21日 星期四

冇現金!但你有一堆信用卡

  「機會到了,冇現金!」相信人人都出現過,以下係一個極端例子,假設當時你所有信用卡都是零結欠:

用到極限的條件如下:
一家四口,4個戶口,1張主卡拖3張附屬卡
建行卡、花旗卡及星展卡總額各80000或以上
渣打卡總額90000以上
大新卡額是渣打卡、建行卡、花旗卡及星展卡總和
恆生卡額等於大新卡

最完美的卡總額是這樣

花旗卡總額80000(Cash Back Visa 信用卡)
建行卡總額80000(eye信用卡)
星展卡總額80000(DBS Eminent Card信用卡)
渣打卡總額90000(Simply Cash Visa 信用卡)
大新卡額330000(One+信用卡)
恆生卡額330000
     990000

套現前準備,更改截數日到最完美組合
花旗卡、建行卡星展卡及渣打卡截數日更改為11號
大新卡截數日更改為6號
恆生卡截數日更改為1號

套現程序開始:
1,花旗卡、建行卡星展卡先申請3張附屬卡
2,一家四口,開4個微信戶口,各自綁定自己名的信用卡
3,主卡微信戶口綁定上述四銀行信用卡
4,家人ABC微信戶口各自綁定上述四銀行信用卡附屬卡ABC
5,4個微信戶口各自玩套現,上限30000一個月。
6,家人A轉賬各5000到BC我,套出15000
7,家人A用QR轉賬各5000到BC我,套出15000
8,我及家人BC都係咁做
9,家人ABC及我微信戶口都有30000現金,按提現,成功套出12萬
(建議把錢提現到中國或恆生銀行)

此時,花旗卡、建行卡星展卡各負40000,
之後到渣打卡玩支付寶:


1,渣打先申請3張附屬卡
2,一家四口,開4個支付寶戶口,各自綁定自己名的渣打信用卡/附屬卡
3,4個支付寶戶口各自玩套現,上限5000一個月。
4,家人ABC轉賬5000到隨便一戶口,A轉B,B轉C,C轉我
5,家人ABC及我戶口都有5000現金,按提現,成功套出2萬
(建議把錢提現到中國或恆生銀行)

此時渣打負20000,
之後渣打卡玩八達通(但不玩日日增值):

1,登入渣打網銀,按電子錢包,按O易俾,登記資料

2,可以用渣打卡轉賬25000到O易俾程式
3,轉25000過去,在O易俾按轉到銀行
4,被收取100蚊手續費,成功套出24900
(建議把錢提現到中國或恆生銀行)

此時渣打卡增至負45000:


1,你1月28日完成上述所有套現,你套了164900元

2,你2月28日完成上述所有套現,你再套了164900元
3,大約在3月8日為花旗卡、建行卡星展卡及渣打卡找數164900
4,3月7日用大新卡「冚」花旗卡、建行卡星展卡及渣打卡,大新負164900
5,你3月28日完成上述所有套現,你再套了164900元
6,大約在4月8日為花旗卡、建行卡星展卡及渣打卡找數164900
7,4月7日用大新卡「冚」花旗卡、建行卡星展卡及渣打卡,大新負329800
8,你4月28日完成上述所有套現,你再套了164900元
9,5月2日用恆生卡「冚」大新卡恆生負164900
10,大約在5月8日為花旗卡、建行卡星展卡及渣打卡找數164900
11,月7日用大新卡「冚」花旗卡、建行卡星展卡及渣打卡,大新負329800
12,你5月28日完成上述所有套現,你再套了164900元
13,6月2日用恆生卡「冚」大新卡恆生負329800
14,你地計下套左幾多錢???????????仲係免息套現添!!!正呀!!!

注意大新卡「冚」卡有1%手續費,但花旗卡、建行卡星展卡及渣打卡玩套現又有1%回贈,呵呵,抵銷左喎~~~~



玩埋PAYME的話:
最完美的卡總額是這樣
花旗卡總額80000
建行卡總額80000
星展卡總額80000
渣打卡總額130000
大新卡額370000
恆生卡額370000
    1110000


2018年6月17日 星期日

終於「的起心肝」玩碎股

  碎股成本低,贏率高,只係D時間成本同埋精神成本高D囉........

  近日終於走去一通開戶口,好快,15分鐘左右,之後第日就玩得,我馬止PPS左一萬去玩,而家已經買左20只啦,都仲有3500蚊未買完。

  我唔會咁極端,全部買1股,多數買到250蚊成本以上600蚊成本以下啦,我順手等你地供股呀,如果你地二供一,而我得一股冇得玩供股咪乞米?!?!我買多些少,仲可以冇咁樣衰添!

  預期呢10000蚊玩碎股,年回報率或高達33%(計入手續費後),有得玩又有得食呀,而家我炒左老闆魷魚,自己做小老闆,實蛇到D時間去股東大會飲飲食食啦,呵呵~

  10000蚊買齊哂D藍籌,之後會再加碼,會玩埋D老牌良心港股,果D係普通主板的股仔,都唔知買唔買得齊........會買下大昌集團呀,生力啤呀果D囉......

  識得玩,識得賺,一萬蚊食一世都得丫,呢個簡直係無分貴賤的冇汗錢呀!!我特地開左個新BLOG,集中寫碎股,我下半年將會親身收集各股票的股東大會資料,為大家開闢新財路!!!

你將轉移至其他網誌:
碎股收藏家

2018年6月13日 星期三

長和系終於有動作啦,擬收購澳洲APA Group

  「長實集團(01113.HK)、長和(00001.HK)、長江基建(01038.HK)及電能實業(00006.HK)聯合公布,確認就由長實、長建及電能組成財團或長實獨自收購APA Group全部已發行合訂證券」

  澳洲APA Group 曾經於2014年與長和系爭奪澳洲天然氣配氣商Envestra失敗,當時長江基建持有Envestra約17.46%權益,APA Group持有Envestra約33%權益。爭奪戰中長江基建出價1.32澳元,APA Group則出價1.31澳元。

  今日,長和系出手把當日的對手吞下。

  不過觀乎澳洲APA Group的股價走勢,似乎成功機會不大,長和系出價11澳元,澳洲APA Group受消息刺激,單日上升20%,報10澳元,仲有一成風險溢價。




2018年6月10日 星期日

人工唔加又要繼續撈就只能...........

只好找尋自己長處了.......
1,興趣(自小有收藏紙幣,面值加兩三成買入,而家面值加兩三倍
2,吹水(起個BLDG賺丁點兒廣告錢)

不過最實用似乎係.......
如果你沒有借貸,你可以從零開始培養良好的信用評分,呢方面可謂所有人的起跑線都一樣。訂下目標,集中申請最多回贈及最多功能的信用卡,不能看小呢D小功夫,日後借唔借到便宜錢靠過去多年功夫喇!!

而家想整靚個信用評分簡直容易過幾年前啦,你地可以玩支付寶套現八達通套現,先唔好理有冇分賺,但都已經零成本長期使用信用卡,之後將套來的現金期期準時還款,兩三下就信用評分ABC級啦!!

過一段日子就可以利用信用卡年資,及之前積累的信用評分,主動申請加大信用卡額,逐張申請,半年至一年一次就差不多,同時也可申請其他新信用卡。

其實,大約四五年,你已經可以申請左四五張卡,呢四五張卡亦可能已經各加大一次信用卡額了,月入一萬應該都可以將自己的信用卡總額打到幾十萬,如果配合資產證明(如藍籌股一堆),更可能迫近百萬級(我用五年打到去125萬)

重申,年費可打電話取消,電話錄音黎,唔洗真人對話!!

玩信用卡唔係鼓勵消費,我從來都是低消費一族!我覺得銀行在我身上賺唔到多少錢囉,呵呵!另外,在我積極打大個信用卡總額時,並沒有料到現在D支付工具會如此好賺錢!!!

當你有需要借錢,即時叫停你D支付工具套現,一陣間就能回到特高餘額狀態,你的信用卡變得總額又大可用額又高信用評分又靚,一定有平錢俾你借,你會在此刻贏下沒有準備整靚信用評分的人,佢地此時可能仍在搲頭好難借平錢。而你,就先贏左呢個機會/時機!

我當初叫做,窮得只剩下A級信用評分!我由第一次借私貸到而家,平均實際年利率從不超過5%,即月平息0.24%以下,唔明白有部分年青人月平息0.48%都覺得便宜,比我月入更高的人更便宜到月平息0.12%,果D係咩?(如果我唔係炒散的話應該可再便宜D,目前我的私貸平均實際年利率3.9%左右

你初初窮,但你可以用時間為未來準備,係為左節省未來借錢的利息成本,係賺緊未來的冇汗錢!我認為係香港,冇先天支持的情況下老老七七去賺錢,又唔用工具輔助......只會慢慢成為金字塔底層。(而家我隨便就可運用呢125萬信用卡總額周圍玩,係信用卡領域傲視同

今日路經曾經流連的麵包店,買左一包麵包皮你食嗎?會食嗎?你能鼓起勇氣買嗎?還有......別以為會肯買肯賣,部分麵包店你俾幾多對方都唔賣,佢話用黎丟的!!!


回帶相關貼文:

月入一萬,十年不變,怎樣破百萬?
今個月開展新事業
信用卡好好玩
2,我的信用卡限額牛市一浪高一浪
1,我的信用卡限額牛市一浪高一浪


2018年6月7日 星期四

月入一萬,十年不變,怎樣破百萬?

  唔洗施法術,甚至唔洗用腦,全部買2800盈富基金盈富基金平均年回報8%,你月入10000蚊,月支出壓到4000蚊(我極端D可以壓到2000蚊),好簡單用EXCEL算一下:


第120個月就有112萬啦!!如果玩埋槓桿,再賺下冇汗錢,再翻一下都唔難,我就係咁上下,不過我初初月入6500到後期15000,平均也差不多10000,都係按上表進行投資(但不是買盈富基金),加左不少槓桿~

回帶相關貼文:
2018年6月4日 星期一,今個月開展新事業


2018年6月4日 星期一

今個月開展新事業

  話說我一中五畢業先閒置一年才打工,大約打左就快十年工啦!初初數年都係最低工資囉,唉!第五年就獨立出黎做窗簾安裝師傅,呢行十之有九都係四五十歲,我係好少有。唔好以為「師傅」就高人工呀,我呢行每單工程計,由於唔係日日有工開,一個月咪得十幾二十單,圍起都係一萬蚊一月。

  最近呢幾年純粹只係D老師傅死的死,走的走,再加身體損耗,師傅供應每年下跌,令我工作量年年微升,在每單工程費不變下因量升而人工多左,上個月大約萬五蚊啦。

  不過D老闆們都唔肯加每單工程費,我食哂D體力活(師傅身體損耗搬唔郁果D工程),最近進入臨界點,太累人啦,唔撈啦,我驚自己比師傅更快要換關節呀!

  而家同朋友湊份各半,自立門戶,此前我已積累大筆被動收入作後盾,一年前左右亦已經衝入樓市,半腳踩入人生勝利組(其實買左樓就叫人生勝利組係幾時出現

  做到6月中就可以休息下啦,7月先開業。

  睇番我初初打工,原來都幾少人工:
2008年9月至2011年4月:每月都係6500仲要唔包食,果陣信不信由你,我2蚊買樓下麵包皮食,其實幾好味架。
2011年5月至2013年5月:改為最低工資定於時薪$28,咪又係每月6500又唔包食,呢排用步行減輕交通費。
2013年6月:獨立出來,以每單工程費計,由於工作數量不穩定,每月7500至10000蚊,好左好多。
2015年起:多左人信任我找我開工,此刻都係睇有幾多工程,每月10000至15000蚊。
2016至2017年:偶有大工程,有的話,個別月份高達五六萬,其他月份咪都係10000至15000蚊
2017年至今:工程量上升,平均萬五蚊一個月,身體損耗上升
2018年6月起:????

  打工賺有汗錢至今,出汗換取120萬左右啦,汗水真係好唔值錢呀,最近幾年光是股票收息賺價都差不多120萬,如果長和再生性D就.......哈哈!(未計其他冇汗錢)

   我一D都唔特別,賺到D錢傻傻的丟去收息,搵錢又唔係多,慳就真係好慳,初初打工為慳交通費行成粒鐘路唔坐車,順手由85KG減到60KG,當賺埋健身錢。

  如果你都係十幾二十幾歲,要去到手持百萬資產其實不難亦不易,我初初就一味慳,之後就收息收息收息,借家人錢賺息差,再之後就周圍鑽研冇汗錢,我一直當有汗錢是副業,最終係靠資產養回我。

  既然你會睇到我個BLOG,你做百萬富翁都只係時間問題而已,祝你們財運昌隆呀~