測試此欄進行中

2019年12月4日 星期三

20191203,十一月結

截至20191203,目前持股:
00001 - 長和     5500股 -$ 68.75
08008 - 新意網   90000股 -$  5.04
02318 - 中國平安   1000股 -$ 88.65
01038 - 長江基建  17500股 -$ 52.70
01928 - 金沙中國    463股 -$ 36.60(月供股票)
00006 - 電能實業  10791股 -$ 54.70(月供股票)
00003 - 中華煤氣   6340股 -$ 14.74(月供股票)
00012 - 恆基地產   8125股 -$ 37.15(月供股票)
00257 - 光大國際  23760股 -$  6.03
00371 - 北控水務  55000股 -$  3.83
01257 - 光大綠色  10000股 -$  4.33
00700 - 騰訊控股   1175股 -$328.60
00086 - 新鴻基公司 10000股 -$  3.40

股票總市值:$3088597

2019年11月7日 星期四

渣打每月25000電子錢包套現

O易PAY手續費冇得避,下一帖子將會發個渣打每月25000蚊電子錢包套現的支付寶版本,就唔怕手續費啦,正!!!
(不過受制於年上限十萬蚊)










2019年11月1日 星期五

20191101,十月結

截至20191003,目前持股: 
00001 - 長和     5500股 -$ 72.50 
01686 - 新意網   90000股 -$  5.81 
02318 - 中國平安   1000股 -$ 90.45 
01038 - 長江基建  17500股 -$ 56.45 
01928 - 金沙中國    463股 -$ 38.45(月供股票) 
00006 - 電能實業    352股 -$ 55.95(月供股票) 
00003 - 中華煤氣   6340股 -$ 15.22(月供股票) 
00012 - 恆基地產   8125股 -$ 39.25(月供股票) 
00257 - 光大國際  23760股 -$  5.93 
00371 - 北控水務  55000股 -$  4.10 
01257 - 光大綠色  10000股 -$  4.38 
00700 - 騰訊控股   1175股 -$320.80 
00086 - 新鴻基公司 10000股 -$  3.39 

股票總市值:$3259498

2019年10月3日 星期四

20191003,九月結

截至20191003,目前持股:
00001 - 長和     5500股 -$ 69.50
08008 - 新意網   90000股 -$  5.83
02318 - 中國平安   1000股 -$ 90.20
01038 - 長江基建  17500股 -$ 53.15
01928 - 金沙中國    463股 -$ 35.65(月供股票)
00006 - 電能實業  10791股 -$ 53.20(月供股票)
00003 - 中華煤氣   6340股 -$ 15.20(月供股票)
00012 - 恆基地產   8125股 -$ 37.10(月供股票)
00257 - 光大國際  23760股 -$  6.03
00371 - 北控水務  55000股 -$  3.95
01257 - 光大綠色  10000股 -$  4.54
00700 - 騰訊控股   1175股 -$325.00
00086 - 新鴻基公司 10000股 -$  3.40

股票總市值:$3183328

2019年9月29日 星期日

新意網互換物業好兆頭

新意網業績後公布和母公司新地互換物業,雖然仲要倒貼幾億,但吞併果座工廈業權意義大。

新鴻基物流中心(沙田)目前俾新意網租左一半,意味日後做左業主就可以一腳伸走其他租戶,用黎做埋數據中心,變相以工廈價增持數據中心,有著數。

另外,仲令新意網自己更專注本行,D收租物業只會拉低自己估值,早D甩手仲好。


香港短期內已無什麼數據中心專有地賣,之前的好野已經俾新意網中標哂,有個好老豆出手都霸道D。換言之,除左D唔見得光的大公司要自營數據中心(匯豐中移?),絕大部分都要靠新意網了。


最後啦,新意網仲特地係業績講派息不減喎,我作為小股東,好開心,好開心你講到咁白咁有信心咁款。


目前持有新意網(01686.HK)九萬股。




2019年9月19日 星期四

花旗CITI PAY ALL已變為免息套現

早前提及的花旗繳款新功能可以玩賺分,話咁快果個手續費已經上調至1%,即係同最高回贈果張卡睇齊。

不過唔緊要,因為我每次都玩50蚊尾數,由於系統計算關係,我都仲有0.5蚊賺......當然我不是為了果丁點兒啦,我從來的目的都係想在信用卡搲D現金流俾我玩,而家計仲係零息,我一樣會做。

如果你做10000蚊套現,等於每月有10000蚊現金流入,並於1.5個月後流出,假設月月都做而且準時到期還款,你部收銀機應該長駐20000蚊係度。

呢20000蚊玩下D無風險投資,定期一年都賺400蚊掛,我就用黎周圍投資或者現金儲備怎麼都好啦,一定會搲出黎玩。

20000蚊我會買長建,之後再槓桿50%,變成30000蚊長建收息,我實際上1蚊本錢都冇出過!




2019年9月9日 星期一

業績全出爐,今年收息一覽

00001 - 長和     5500股 -$ 3.17
01686 - 新意網   90000股 -$ 0.165
 02318 - 中國平安   1000股 -$ 1.85人民幣
 01038 - 長江基建  17500股 -$ 2.43
 01928 - 金沙中國    463股 -$ 1.99(月供股票) 
00006 - 電能實業    342股 -$ 2.8(月供股票) 
00003 - 中華煤氣   6276股 -$ 0.35(月供股票) 
00012 - 恆基地產   6018股 -$ 1.8(月供股票)  
00257 - 光大國際  23760股 -$    0.25
 00371 - 北控水務  55000股 -$    0.19
01257 - 光大綠色  10000股 -$ 0.145
00086 - 新鴻基公司 10000股 -$ 0.26
 00700 - 騰訊控股   1175股 -$    1.00

今年收息109757.17,沒有計算紅股及特別股息。



2019年9月6日 星期五

沒有「苦盡」如何「甘來」

別以為人地30歲有樓就係有錢仔有父幹有運氣,其實可能只係你沒有捱出黎,層樓漸行漸遠。

一命二運三風水,
四積陰德五讀書。

大家係香港人,一命就算合格啦,唔會成身寄生蟲,有水有野食,氣候宜人,當然你要頂級就再投胎吧.....希望你唔會出世在家畜裡面.....

二運都OK丫嘛,基本上香港人就算拎綜援都係全球資產淨值表的上層人士,金字塔中上層。

三風水呢,香港唔係地震帶,打風又有菲律賓台灣頂住,火山都冇個,面向南海,真係背山面海,正啦。

頭3個被動因素都咁好,其實真係個優良的創富地。無奈係彈丸之地競爭大,大到令人精神扭曲,以為自己迫唔到上去就係地底泥,其實香港的地底泥仍然屬於金字塔的中層,真不可思議。

你食最低工資,仍然係屬全球薪金中上層,只恨身在福中不知福。

我其實咪又係食最低工資長大的,又冇父幹,D表堂兄弟姊妹個個學歷好過我。我畢業出黎做200蚊一日真係做黎為咩?不過我都係慳慳慳,每日仲有170蚊剩,每月咪月供股票3500蚊,借下錢槓桿下D公用股房託股,不知不覺個倉愈來愈大。

好多野係要仆過去實踐下先會實現,唔好見到人每日洗30蚊點樣做人,當你去實際做下,原來30蚊日都冇咩分別姐,甚至25蚊20蚊都得得地喎,就更有動力做落去。(當自己減肥)

呢個時候會想起新加坡,近排佢一定好開心,居然香港班人成日搵我呢個一黨專政的國家做參考甚至想移民過黎,明明我呢度駡下人都打你幾鞭,世界變......

我呢,就一半係實幹一半係槓桿,槓桿果一半要多謝哂D人老老實實定期存款入銀行,銀行先可以將果筆錢借左俾我,我先可以實現彎道超車,如果個個都月供股票,銀行都唔會低息借錢俾我,我也許還在拉牛上樹...




2019年9月2日 星期一

20190901,八月結

8月增持了一萬股光大國際。

截至20190901,目前持股:
00001 - 長和     5500股 -$ 68.30
08008 - 新意網   94000股 -$  5.29
02318 - 中國平安   1000股 -$ 89.90
01038 - 長江基建  17500股 -$ 52.85
01928 - 金沙中國    463股 -$ 35.60(月供股票)
00006 - 電能實業    342股 -$ 52.20(月供股票)
00003 - 中華煤氣   6276股 -$ 17.68(月供股票)
00012 - 恆基地產   6018股 -$ 36.50(月供股票)
00257 - 光大國際  3760股 -$  6.15
00371 - 北控水務  55000股 -$  4.12
01257 - 光大綠色   5000股 -$  4.80
00086 - 新鴻基公司 10000股 -$  3.31
00700 - 騰訊控股   1175股 -$324.80


2019年8月28日 星期三

寒冬將至,點算一下冇汗錢

O易俾,4個戶口用渣打卡1.5%玩,每月套40000蚊,賺600蚊,手續費25X4戶口=100蚊

支付寶,4個戶口用大新卡1%玩,每月套20000蚊,賺200蚊,手續費0蚊

微信支付,4個戶口用大新卡1%玩,每月套4000蚊,賺40蚊,手續費0蚊

Payme,1個戶口用渣打卡1.5%,3個戶口用大新1%玩,每月套20000蚊,賺225蚊,手續費0蚊

每月225+40+200+500=965蚊每月。
剛好每日有31蚊用,慳慳地都夠食。

現有股票倉(含槓桿部分)
約370萬,大約收息4%,年收15萬,當中約10萬支付利息,差額每年自動幫我減槓桿。真係等救命咪出呢5萬用下囉,我冇女冇病冇娛樂,唔驚!

自住樓之前以出血為代價分間了一個套房,咁的市道料叫租力稍微下跌,應該每月都收到五千蚊掛...俾下家用和水電煤管理費都冇咩剩。

另外以目前股票倉規模計算,尚有近180萬撈底額度使用,但計及愈撈愈低的旋渦效應,當佢得100萬就穩陣D。

仲有信用卡總額149萬5千,必要時可以卡冚卡吊命或衝去撈底,理論上可操作100萬出黎互冚,期間成本為7%左右,可以一路冚到見曙光的一日。(我會撈公用或收租股,收息冚下D利息,用差額作為時間成本等股票翻身日)




2019年8月26日 星期一

跌市再入貨光大國際

唉,見光國今日見52週低,係咁E,5.94增持7000股啦…

總股數升至20760股。

我自己都好環保架,會做分類回收,所以對環保企業特別有好感,而且國家喜歡面子,環保就是面子工程,衰極有限,繼續持有唄。

長建早前玩轉倉,我直接沽出再買入唔小心賺了差價,不過由於總持股不變,我就沒有多講了。現在長建有下試50蚊勢頭,唉,我來幫手買入!50蚊相當於幾年前的價位了。

我目前持股組合僅恆地會比較受政治局勢影響,但估計影響不大,始終搞完一輪,只會令土地供應更少,造地速度更慢,世事往往係你想佢跌佢就升,所以當不少人想向下攬炒,最後也許向上爆煲。


2019年8月25日 星期日

信用卡額如外掛技能

舉例,打機呀!主角有100血,你可以理解為有100現金,咁主角另有技能「即使血歸零也不會死亡,當血量跌穿透支值才告死亡」

顯而易見,透支值=信用卡額。

由於主角使用自身所有血量及透支值為抵押品交給神明,獲得每回合總血量6%回復的效果。而透支值每回合會附加5%扣血效果。假設透支值同為100血。當不需要技能時可取回抵押品。

主角自己100血可獲每回合6%回復
主角透支值100血亦獲每回合6%回復
同時,透支值附帶每回合5%扣血。

100x6%+100x6%-100x5%
=6+6-5
=7(每回合回7點血)

負100血的情況下,大約10回合後就負30,假設呢一刻取回抵押品唔用技能,血量馬上升至170血,假如你有大招要發動需要高血量為發動條件,咁你而家就做到,相當於等級低的玩家積累了之前好一陣子的點數,一口氣跳級擊殺BOSS。

所以,大家唔好只係老老柒柒儲錢買股票投資,咁都唔夠用,你還是會被人超前,例如會俾我爬頭。

(我打手遊是會積極培養「奶媽」角色,有回血,護盾,反傷,控制,輔助等能力)
(課金玩家多是倒錢升爆攻擊能力輾斃BOSS,我零課金玩家就一味反彈啦護盾啦之後回血啦,慢慢磨死BOSS)


2019年8月21日 星期三

增持長和

早前設立了買賣盤,穿65蚊買一手長和,早前長和閃穿65蚊(好忙,冇睇,心中無股了),我都係收到存倉通知先知道買左。

長和跌到就快4厘息,咁穩陣,又買定D,而家香港的收租股都唔多穩陣啦,睇下新城市廣場,睇下太古,又唔想買咁多中資股蝕哂股息稅,又唔想睇多幾只股票,只好在現有持股清單進入增/減持了。

之後其實連公用股都一般般咋,中電和港燈利潤管制下調,長建長和電能又俾脫歐陰霾籠罩緊,昨日黎業績的煤氣都頂唔得順啦,賴香港本地需求跌大陸增長少,大行仲話佢2022年要減派息,嚇到今日插左成蚊。

鉅哥最近D新收購都食柴,黎緊D經濟都麻麻地,說不定可以去撈人地底,希望長建之後有新收購成功啦,等你增派息呀!


長和持股上升至6000股。
恆基地產今個月又月供左兩萬幾蚊。

近期真係嫌時間唔夠用,我想要分身呀......


2019年8月18日 星期日

買輸硬的保險想輸少當贏

買保險十之有九點九都冇咩機會中招,除非你......

大部分保險回報大約3至4%,如果冇咩咩掛勾果D,唔好玩埋D投連險,都唔明佢寫咩。

一筆全繳最下策,因為保險你交左第一筆都賠全額,咁快俾哂錢做咩?年繳或月繳為上策,相信99%人都咁做。

之後,揀邊間保險,我相信冇人去慢慢揀,你地就撞彩吧啦,基本上同質性高,相差不大。

我們能夠做的只是想俾少D和遲D俾,儘量找一間能夠刷卡付款,仲有分賺,通常保險商都會跟銀行合作,會出聯營卡,有更多積分。

以東亞富通信用卡為例,有2倍積分,即大約0.8%回贈,以年繳10000,平均年回報3%,25年為例,25年果日大約52萬3千。(總回報209.38%)

咁如果你每次都有0.8%回贈,年繳變成9920元(總回報211.07%)
由於你刷卡有56天免息期,累計有25次,即係果10000元有1400日(3.84年),未完。恆生卡可以冚東亞卡,假設銀行條款不變,成功再延長54天,1400日變成2750日(7.53年),以定期存款3%每年重新定期一併計算,

10000元x3%的7.53次方。
變成12493元。

總成本由250000保費降至248000再降至245507元(總回報由209.38%升至211.07%再升到213.21%)

(買保險都係果句,輸梗免問,除非你死快D)
(部分保險商接受親身刷卡,咁你用花旗就有1%,但條例隨時變,如果呢間保險商幾年後不接受親身刷的話又扑X啦)

「並無計算紅利變動部分」


2019年8月16日 星期五

816全民提款日應先部署後發動

首先我要講佢地真係冇準備,吹水得個玩字,拿,應該咁樣:

咁多人想攬炒呢,應該都預左移民,其實又想移民又想打殘香港好簡單丫,如果找我作為例子參考,5年都150萬信用卡額啦!

黑衣陣營咁多人,一萬人應該有掛,留得青山在呀喂,現在先學下嘗膽先,撐5年,努力打大自己個信用卡額。

呢一萬人有高學歷的,可能真係打到150萬,一般學歷都50萬掛,平均100萬計,一萬人5年後積累100億信用卡額。

未完喎,仲有班醫生律師,200萬額都得啦,不過你地係咪真係離開香港先?睇佢地都應該口講XYZ卻繼續在香港挖金,所以唔計佢地啦。

部署提款前,再申請私人貸款,不問息率,每人借50萬,再信用卡㩒哂果100萬,月供股票支付工具買金,怎麼都好,一定㩒到。

大家約定邊日一齊著草,每人150萬走佬,去台灣避世。香港就會在一個月黎料,事先放風俾大鱷狙擊,金融體系突襲,積累150億壞賬再加外敵,由財仔外匯一路燒埋上銀行,雖然150億香港一定頂到,但果D拆息同新貸款有排都未醫好。

而家呢班人叫你地提走自己儲蓄喎,有風用咩!你地咪又一陣間入番落去!

全民提款喎,一招「本機沒有現金供應」都打殘哂,冇腦。你咪去分行排隊囉!



2019年8月13日 星期二

條命又升值了

恆生380000
渣打300000
東亞140000升至340000
大新132000
花旗120000
中銀120000
安信50000
星展43000
建銀10000

截至2019年7月尾為129萬5千
去到8月中將變為149萬5千

搲哂D信用卡額足夠我去東南亞避世。
我曾經認為我自己的信用卡卡額已經衝上天花板,畢竟我冇收入證明嘛,原來高處未算高,多謝幾大銀行咁睇得起我。

經濟向下了,我有可能30歲前打到個額去200萬嗎?只得番1年半時間。

因可用額一下子上升20萬,估計我的信用評級或會加分,因為信貸使用率變相下降,也許令我於今年底出現一次主動加額的機會。


2019年8月11日 星期日

香港快當機了



電腦曾經威風一時,但隨時間過去漸漸慢下來,有些塵埃進入內部機件,磁碟機也積累不少垃圾,令電腦的運行變慢。

此電腦需要更新時,往往需時頗長,更新時還會因不相容頻頻彈出視窗,而且電腦也舊了,藏了不少惡意程式。

近期,一項模組執行背景更新,涉及防火牆,惡意程式和防毒程式在背景較勁,電腦特別慢,使用者用到燥燥地,指令排山倒海地輸入電腦,惡意程式也不忘神助攻。
電腦的運行更慢,開始連鍵盤滑鼠都慢起來,但使用者的指令仍然蜂擁而至,中間還添加數之不盡的「F5」(重新整理)。

最後,電腦當機了。

重置電腦,找回更新前的「還原點」,把電腦回到模組執行背景更新前
(由於最终結果防火牆更新失敗,惡意程式得以繼續留存電腦,但即使最终防火牆成功,亦不保證能刪除惡意程式)

---------------------------------------

目前,電腦已經運行至「由於更新出現問題,本次更新已經中止,請排期下次更新(而且對話框只有「確定」鍵)」但此時「使用者仍然不斷輸入指令及重新整理」。



2019年8月5日 星期一

東亞信用卡又貼錢俾你玩啦!

東亞卡又送錢啦,今次仲可以玩到20萬額,正呀,識得玩跟我玩,張卡得幾萬額一樣可以玩殘佢架。




一齊睇舊文啦,玩法不變,只係日期變左,我諗我唔洗畫公仔畫出黎吧,有唔明儘管問啦!


舊文:  東亞銀行卡冚卡又送錢俾你啦


2019年7月26日 星期五

花旗手機APP信用卡套現仲有分賺

發現新大陸?!

呢排測試花旗CITI PAYALL功能,發現用來交「租金」等同轉賬,用花旗CASH BACK卡有1%回贈,手續費只係0.68%,居然有0.32%俾我賺。

目前我正在實測,暫未知透過此途徑賺分上限幾多,亦未知有冇其他使費,所以我暫不會出教學文。

有呢張花旗卡恭喜你,快D趁佢...賺鑊金。


2019年7月19日 星期五

20190718 ,半年結

最近各位好嗎?我呢排時常收到來信問我電子支付購冇汗錢,當中不少把微信限額降至1000蚊也算到我頭上,真是令我發文意欲急跌哦...  > . <

早前已將電能實業一萬股套現,再以月供股票形式逐漸轉到恆基地產,現在恆基地產持倉市值已經升至第六位,公用地產類收息股票鐵膽佔66.67%。

截至20190718,目前持股:
00001 - 長和     5500股 -$ 76.85
08008 - 新意網   94000股 -$  6.84
02318 - 中國平安   1000股 -$ 94.10
01038 - 長江基建  17500股 -$ 62.25
01928 - 金沙中國    463股 -$ 40.90(月供股票)
00006 - 電能實業    342股 -$ 57.50(月供股票)
00003 - 中華煤氣   6247股 -$ 17.68(月供股票)
00012 - 恆基地產   5503股 -$ 43.50(月供股票)
00257 - 光大國際  13760股 -$  7.29
00371 - 北控水務  55000股 -$  4.44
01257 - 光大綠色   5000股 -$  5.26
00086 - 新鴻基公司 10000股 -$  3.68
00700 - 騰訊控股   1175股 -$356.60

股票總市值:$3478731

2019年5月22日 星期三

煤氣再破頂,繼續套現換阿媽

今早煤氣再強勢突破高位,已超越早前我訂下19.5元的減持位,今早以19.62又搣走了1000股,仲有五千幾股,如果煤氣唔好咁強,呢五千幾撐到除淨後就十送一變成六千股,咁我就可以搣6次啦。

下次等煤氣突破20.2元(除淨前股價)先考慮再減持一手。

本月,以月供恆基形式投入了2萬蚊,都是用煤氣套現的資金打落去。

以目前股息率,煤氣跟佢歷史最低股息率都仲有距離,所以都未算最癲,看來我還可以順利搣哂我果5或6手煤氣了。



2019年5月16日 星期四

月供恆基,小注新鴻基公司

今個月是轉供恆基的首個月,月供價47蚊,話咁快而家48蚊,仲諗住浸浸幫忙下等我45或46蚊月供,最後恆基仲咁堅。

呢個月睇中美吹水,吹跌左個市,但我手中大部分都係公用股,恆指呢2000點跌幅好像與我無關。早前減持的資金買左10000股新鴻基公司,係86號呀唔係16號,見佢又插到三個幾,去到有七厘息,就丟三萬零坐下貨啦,佢吹左N年的UA到底上市未呀?唉...

雖然近期恆基冇咩明顯調整,仲升左添,除非預期股息下跌,否則下月仍然繼續月供,煤氣則再升到19.5考慮再減磅換恆基。


2019年4月5日 星期五

核心持股剔除電能

昨日再以56.6元大手減持電能實業,持股量跌穿一手500股的程度了,煤氣就升到19.5元再搣走一手。

升至近3萬點後累計套現近60萬,股票倉變相縮水了。


2019年4月2日 星期二

大市又邁一步,增持現金

今日以開市價19.10再減持煤氣1000股,持股降至6577股。另再以開市價54.60減持電能實業1000股,套現約七萬元。

煤氣真係好強勢,19蚊都穿埋,好貴呀,又唔係年年增長兩三成呀,等佢回到廿幾倍市盈率就重啟月供煤氣,目前升一截就搣少少沽出。

電能實業未來亮點太小,鉅哥又冇咩表示,等閒升D就逐步搣走電能,漸漸將佢剔出核心持股,恆基地產預料會取而代之成為我核心持股。


2019年3月28日 星期四

2019最新的支付工具現金流

除恆生及大新外的信用卡一家4口總額120000蚊以上
用作高回贈的八達通增值的信用卡一家4口總額80000蚊以上
大新卡用在轉移負債,一家4口總額200000蚊以上
恆生卡用在轉移負債,一家4口總額200000蚊以上
平均每位家人的信用卡額15萬即可,其中必須各有上述一項信用卡而卡額不應低於建議總額的25%,不然操作麻煩。
卡冚卡不需要一定冚自己名的卡數,冚人地都得,靈活有彈性,當然如果每位家人都特高卡額仲好玩。

O易PAY提現月限額10000,一家4口就40000蚊。(用渣打1.5%卡增值,月賺150x4蚊)
微信增值月限額5000,一家4口就20000蚊。
PAYME增值月限額5000,一家4口就20000蚊。
支付寶增值月限額5000,一家4口就20000蚊。
總額100000蚊。

第一個月套左上述10萬
第二個月仲用緊果五十幾日免息期暫不用還,我又套左10萬。累計20萬擺係我戶口。

第三個月將第一個月D數轉哂去大新卡,一家4口大新卡負10萬,仲有1000蚊手續費,我馬上調撥支付工具的回贈支付(我每月1200蚊)交左果筆手續費唔洗煩先,我馬上又去套10萬,累計30萬啦。

第四個月將第二個月時套現果筆卡數轉去大新,大新卡由負10萬變成負20萬,仲有新果筆1000蚊手續費,又馬上用回贈支付,而第一個月套現果筆錢仲用緊大新果五十幾日免息期唔洗還。轉哂D數俾大新我又去套10萬啦,累計40萬。

第五個月,第一個月果筆數轉左俾大新後,終於大新到期找數,將呢筆馬上射俾恆生卡,之後大新卡又空出限額來,我將第三個月套現果筆卡數交俾大新,大新卡由負20萬變成負10萬再變回負20萬,之後我又去套10萬,累計50萬。

第六個月,第二個月果筆數轉左俾大新後,終於大新到期找數,將呢筆馬上射俾恆生卡,之後大新卡又空出限額來,我將第四個月套現果筆卡數交俾大新,大新卡由負20萬變成負10萬再變回負20萬,之後我又去套10萬,累計60萬。

第七個月,第一個月果筆數轉左俾大新後已經轉左去恆生卡度,終於恆生到期找數,我施施然從現金60萬取出10萬繳付,套現額降至50萬。不過,還款後恆生卡空出10萬額,我將即將到期的第二個月卡數的數由大新轉去恆生,之後我又去套10萬,重返60萬。

之後一直loop,運算結果係你個現金戶口長駐50至70萬,第7個月後累積到50至60萬之後不斷套10萬又現金還10萬。

以上例子已實際操作,我一直用緊呢五六十萬無本生利,用回贈冚手續費,仲拎去買公用股收下息。不過,你前提係有真實人頭去玩,如果唔用佢地名下信用卡玩,你可以申請附屬卡玩,年費可以打電話豁免,年費可以打電話豁免,年費可以打電話豁免,年費可以打電話豁免....


2019年3月26日 星期二

月供股票變更,主力供恆基

早前,已經酌量減持煤氣2000股,目前最新仍持有7577股,恆基地產就升至1904股了。

恆基地產身上全是寶,雖則我對佢投得美利道項目感憂慮,但身上眾多的寶貝足夠踢走呢個因素。

恆基身上近四成的煤氣已經係一寶,如果實物分派,李家都仲有多數控制權三成,同另一個李家一樣。

之後就係一大堆唔見光的舊樓重建項目,唔係有心搵,你都根本唔知佢係邊度就快收夠籌強拍,總之年年都見報,近排又強拍左大角咀和紅磡啦,其實佢手持的舊樓市值到底有幾多架,唔該。

恆基油塘灣項目有幾百萬尺樓面,可售資源係幾千伙,幾百億級項目,呢幾年會黎料,人工島果堆麵粉講緊203X年先有,呢個油塘灣搣到2022都得。

而農地轉換的話,恆基又大把農地。而恆基租金年收入70億賺五十幾億,年年五十幾億冇汗錢足夠公司任何發展。

暫時睇呢真係,論增長阿媽比阿仔稍勝,論股息又多過阿仔,論估值唔洗問,比起阿仔非常便宜。

由今日起,即下月開始,以月供恆地取代煤氣。




2019年3月21日 星期四

東亞銀行卡冚卡又送錢俾你啦

拿,唔好以為你張東亞銀行信用卡的限額小就玩唔到!!!

目標係賺盡300蚊!



假設你:
東亞銀行信用卡額為60000,不須理會截數日
恆生銀行信用卡額為60000,不須理會截數日
截至今日,兩卡結欠為零

我假設信用卡額各得60000,數字上唔夠上一次咁親民~
1,上網登記左先(請查看電郵或信件),今次東亞銀行表明不需登記,慳番,優惠期即日起至3月28日
2,登入東亞銀行網上銀行,按「繳款」>「 賬單」>「商戶分類選銀行及信用卡服務」>「選咩發卡銀行」>「 之後寫你自己果張恆生銀行信用卡號碼」>「繳款賬戶寫你張東亞銀行信用卡」
3,金額寫57000,東亞會扣你57000及翌日扣你2850手續費,假設是3月21日做。
 4,東亞銀行信用卡於3月22日會有59850結欠
5,恆生銀行信用卡於3月25日(23號星期六順延)收到東亞銀行繳款,由0升至57000淨現金
6,恆生銀行信用卡於3月25日即日設定「繳款」到東亞卡,金額59850
7,恆生銀行信用卡於3月27日由57000淨現金降到2850結欠
8,3月27日東亞銀行收到繳款恆生,由59850結欠回到零結欠,即日3月27日在東亞再重複第2步和第3步
9,3月28日東亞卡會有59850結欠
10,恆生銀行信用卡於3月29日收到東亞銀行繳款,由2850結欠至54150淨現金
11,恆生銀行信用卡於3月29日即日設定「繳款」到東亞卡,金額59850
12,恆生銀行信用卡於4月1日由54150淨現金降到5700結欠
13,4月15日,東亞銀行將手續費2850及2850及回贈一併存入東亞卡內
14,東亞卡,6000淨現金,恆生卡5700結欠。 

由於今期推廣時間太急,東亞銀行信用卡限額低的人只能玩兩轉,但如果你張東亞卡有11萬額就一次搞定。




2019年3月20日 星期三

酌量減磅新意網

近日新意網太強了,持倉市值今日一度升穿65萬,酌量減持4000股,尚有90000股可以慢慢搣。如果新意網短期內升穿7.2蚊,持股市值將再次突破65萬蚊,到時再搣走幾千股。

對上一次沽出已經係炒轉主板時候了,果陣7.09左右沽左少少。今次套現2萬幾,主要作減債及未來彈藥之用。

於20190320約十時以6.88沽出4000股。

呢幾日會出文講東亞卡冚卡,東亞近日又出優惠貼錢俾你玩卡冚卡啦,快D玩謝東亞銀行啦!


2019年3月15日 星期五

超級權重長和系下周放榜

我加加埋理就快二百萬都係長和系,名富其實「靠李啦!」。今次重點想睇長和3和電能方向。

過去一年經濟還算平穩,對長和電訊業長建公用業影響不大,咪又係D匯兌因素囉,我預期長和長建派息將繼續增長,料股息增長5%左右。之於電能呢,可能維持派息,變左隻房託。

如果呢期業績冇啥特別消息,我都要考慮幾電能減持,用來換馬或減債。


2019年3月11日 星期一

中銀信用卡月供股票

我又黎重複推薦啦,香港邊度可以買股票用信用卡仲有分賺?嘩,D股票仲免收使費,仲可以用正股價格沽出碎股?

就係中銀啦,原來我已經連續月供左5年啦,我2014年有中銀卡,期間風雨不改,期期月供。中銀信用卡係我將手上冇用的信用卡額度轉化為投資的工具,真係冇中銀冇而家o既我呀!

初初幾年谷大左個信用卡額後,2015至16年左右我中銀卡10萬大新卡10萬恆生卡10萬。

每月中銀卡供5萬,之後大新冚中銀,再之後恆生冚大新,果陣我真係借唔到咩平錢,上面呢個卡冚卡,實際年利率6至7%,都好抵架啦,對於我當時來講。

這樣冚,計好D還款日用盡D免息期,3張卡長期係負5至10萬間浮動,平均俾我套左20萬出黎買公用股,將公用股果3.5%息用黎俾利息,自己就倒貼果少少差額去等升值,基本上只要有通漲D公用股派息肯定跟升,股價都跟埋,諗黎諗去都覺得輸面太低,一直咁做落去。

D股票由中銀倉轉去恆生倉,加埋自己D儲蓄,都幾廿萬架,再玩埋抵押透支,又槓桿多20萬買公用股,又係自己倒貼果少少利息,就好像人地買樓搵租客交供款一樣。

幾年過去,資產淨值一升我就加大信用卡額,個卡額一升,可槓桿額就升,再加大個抵押透支,再買公用股,丫,D公用股又慢慢升,最後D資產淨值又升,我又去加大個信用卡額,再去谷大個槓桿,連續幾年,銀行又批我喎,咁我咪繼續去囉,信用卡額由2014年0蚊升到今日124萬8千,我真係一名冇收入證明的人,俾文件去申請我一定被定義為資料不足的「爛料」申請人

一直以來多謝哂中銀信用卡替我「將信用卡額轉化為投資」。而家我終於將無職的老媽子也申請了中銀大新恆生卡,我射部分錢去阿媽度,已經將阿媽由0蚊谷到去4萬幾蚊,阿媽目前也在卡冚卡,佢仲話買煤氣,佢話慳番D紅股手續費,而且係中銀沽煤氣可以用正股股價沽,因為係其他銀行收煤氣紅股的碎股不划算,阿媽受我影響也變得醒目,仲話D信用卡原來可以咁樣玩。




2019年3月5日 星期二

新意網會否在靜悄悄地起革命?

新意網不知不覺已經由4蚊低位升穿5蚊,昨日更觸及6蚊邊。新意網係升穿5蚊後交投活躍(比4蚊幾時比較),我都係對你好有信心架。

雖然新意網在公布業績後下跌,但又重拾升浪了。高PE股還真要心血足夠才行,還好我拉均5蚊幾平均價,不然還真難頂。

最近有消息指英國數據中心營運商Global Switch來港上市,如屬實市值吹到去900億港元。

而在較早前,新意網高價奪地,在香港數據中心地皮稀缺下再下一城,前景普遍都是偏好的,此地皮如建成將令新意網急增近一倍可供出租面積,而期間並沒有什麼新競爭者。

與此同時,新意網亦正準備為荃灣沙咀道的數據中心改建,目前該數據中心樓高不足十層,鄰近荃灣西站,真係賣俾阿媽補地價起納米樓都仲得(反正對面都係咁)。

新意網業績內亦提到正在打官司,詳情我唔貼出黎啦,內容主要係如果新意網贏左官司,就有班人冇得平租數據中心,要出黎老老實實俾市價租金去用,咁我當然你贏啦,阿門。


2019年3月4日 星期一

20190304,二月結

截至20190304,目前持股:
00001 - 長和     5000股  -$ 83.50
08008    - 新意網   94000股  -$  5.66
02318 - 中國平安   1000股  -$ 84.25
01038 - 長江基建  17500股  -$ 65.00
01928 - 金沙中國    463股  -$ 38.30(月供股票)
00006 - 電能實業  10791股  -$ 54.25(月供股票)
00003 - 中華煤氣   6449股  -$ 18.10(月供股票)
00012 - 恆基地產   1572股  -$ 44.45(月供股票)
00257    - 光大國際  13760股  -$  7.80
00371    - 北控水務  60000股  -$  4.74
01257    - 光大綠色   5000股  -$  6.16
00700    - 騰訊控股   1175股  -$336.20(扣除家人後持有)


股票總市值:$3824720
物業供滿率:34.64%(25%已付首期+75% x37/288)
減去負債後淨資產:$1220787



2019年3月1日 星期五

閃賺沽和電,多謝誠哥特別股息

業績前一日3.07買左20000股,今日用3.27沽清。原預期和電一炮過派哂,嘩,現實只派果3成幾,正常股息仲少左。

我睇你都係分幾次派哂呢筆百億現金架啦,唉,再派業績表時我再來討個紅包。

怎樣都好,兩日就搲左兩三千蚊,多謝誠哥。




2019年2月28日 星期四

出清殘貨,換和電,賣產又一年唔知有冇特息呢

今日以開市價沽出閱文及上實環境等殘股,再將早前280幾蚊撈底的少少騰訊沽出,維持基本1175股。

之後用六萬幾蚊買左20000股和電香港,佢今日會公布業績,早前管理層表示會係呢份業績最後決定筆百億現金的去向,他們曾表示真的沒有合適投資就派息,玄妙到同當年電能一樣。

今日等佢業績「審判」。

2019-02-28 11:52,以新高位18.18元減持了2000股中華煤氣,15蚊買到18蚊,減一半抖抖先。


2019年2月26日 星期二

豬年冇汗錢展望,做懶豬也不做牛

支付寶,
一家四口,全部玩大新ONE卡,每月5000x4x1%,每月賺200蚊

微信支付, 一家四口,全部玩大新ONE卡,每月5000x4x1%,每月賺200蚊 

PAYME, 一家四口,全部玩大新ONE卡自己就渣打1.5%卡,每月5000x3x1%+5000x1.5%,每月賺225蚊 

八達通O易俾, 一家四口,全部玩渣打1.5%卡,每月10000x4x1.5%-25x4(轉出手續費),每月賺500蚊 

電子支付超級冇汗錢加埋每月1125蚊,一年13500蚊。

呢D電子支付仲產生一筆介乎8至16萬的現金擺係我收銀機56日先還,但每還一筆又有新一筆由支付工具套現出黎,再利用恆生卡冚卡效果,將呢筆錢再延54日,嘩。變成我常駐16至24萬現金或以上你我戶口生息。

呢廿萬銀行的存款,當然俾我丟哂去買收息股,一年收番8000蚊,仲俾我用黎谷大資產規模搲加額,爽到彈起,自己根本一蚊都冇出過。

所以呢個豬年,呢8000蚊同13500蚊賺硬你,總共21500蚊冇汗錢。

之後今年劏自己間屋賺冇汗租金,反正我無意拉埋天窗,不如租出去了。呀,有點覺得豬年後我會變懶豬,隨便一間劏房都5500蚊,咁我就年收入66000租金,21500冇汗錢,仲未計我個股票倉的股息。

目前我的煩惱竟然係!!
PPS交繳交賬單的單日上限係十萬,天呀,神呀,鬼呀,我好多張卡都十幾萬要交,我要分兩日交,超麻煩呀!

呢D都唔係什麼神級人先做到,你地都得,你能夠負得愈多,潛力愈高,將冇用的信用卡額化為股票或其他資產生息增值,你已經贏人地幾條街。係香港,你輸個馬鼻隨時都注定呢世係只牛。




2019年2月20日 星期三

每年主動谷大一下信用卡額

有D野你唔主動做,佢真係唔會黎。

我知道有不少人都會收到銀行主動調升閣下信用卡額,但又唔係人人有,即使大家背景接近,甚至永遠A級都唔加額。

所以收唔到呢D信的人真係要主動D,否則真係蝕哂章啦,又俾人爬頭啦…基本上你只要數數自己有冇不良信用紀錄,再計一下目前欠款和總額。

我的經驗係,永遠保持「零不良信用紀錄」,即係總之記得找數啦。之後,你的信用卡年資有返幾年好D,太細可以非常容易地做數做出黎,可信性低左少少。再黎,欠款與總額比33%或以下都得啦,最好曾經有幾次打上近99%仲好。如果你總額100000,欠緊33333(曾經仲欠99999但又冇爆額喎)都仲可以申請下加額。

為左更易一擊即批,我仲會呈上資產淨值又多左的連續6個月月結單,你有薪酬證明仲好啦,不過我唔比佢都批我加額。

一年主動加一兩次額,總額破百萬不是夢(實際上仲有唔少操作令佢地覺得你真係有錢又還得起,既然你又想加我又搵唔到咩唔妥冇理由唔加額丫係咪)

能夠負得起都係實力黎,唔好用有色眼鏡睇「信用卡」,我每次見到文章話新一代年輕人欠卡數幾十萬嚴重缺乏理財觀念我都忍不住恥笑這班人。(因為佢罵埋我囉,哼)


2019年2月17日 星期日

自住樓落實分租賺冇汗錢

經過一年折騰,終於說服家人,裝修自住樓,順便整多單套房,預期裝修開支約20萬,歷時6個月。

樓係我買,錢又我俾,但最難都係點樣踢走屋企人去ABC地方暫住而已。之後真係唔知好彩定黑仔,我個單位外牆有塊石屎想跌落去,仲收到張屋宇署的鬼文件。

咁無輪如何都係要裝棚架,沙塵滾滾點都要走,即係唔順便裝修埋就笨柒啦,終於唔洗點出牙力就達成裝修方案。而分租方案啦喎,「大哥,無啦啦洗一筆裝修,錢從何來,梗係要搵辦法搲番黎先得」。就咁,分租方案都PASS埋。

裝修開支20萬
間一個獨立小套房,俾埋個廁所,水電錶連簡單裝修
之後自住個大套房
預期租金5500元起(我家離地鐵站5分鐘腳程)
預期第37個月回本有賺。

裝修金額視為投資的話,年回報率33%
期間,其他電子支付冇汗錢繼續賺


2019年2月12日 星期二

送狗迎豬,祝大家發個豬頭

嘩,好耐冇寫啦,真係唔好意思。

我過去仍一直月供煤氣,恆基和電能,目前全倉市值大約380萬,整體變動不大。早前騰訊插穿300時入左一手,昨日減持番果一手,另外亦沽清左果D上實環境呀閱文呀果D佔比小的股份,沽出所得,用黎月供股票,不過真係沒想到煤氣咁堅。

而家已經積累逾8500股煤氣,17500股長建不變,電能供很少而已但仍有10791股,新意網仍然94000股不變。我留意到新意網近日造好,我真係睇好你架。

如果我今年冇咩變動,估計收息12萬。新的一年,新的開始,祝大家步步高陞呀!

(近日又收到D借錢CALL,又手痕用月平息0.18%搲左20萬,有錢唔借?又話減息啦!真係......唔借就笨啦!)