早前設立了買賣盤，穿65蚊買一手長和，早前長和閃穿65蚊（好忙，冇睇，心中無股了），我都係收到存倉通知先知道買左。
長和跌到就快4厘息，咁穩陣，又買定D，而家香港的收租股都唔多穩陣啦，睇下新城市廣場，睇下太古，又唔想買咁多中資股蝕哂股息稅，又唔想睇多幾只股票，只好在現有持股清單進入增/減持了。
之後其實連公用股都一般般咋，中電和港燈利潤管制下調，長建長和電能又俾脫歐陰霾籠罩緊，昨日黎業績的煤氣都頂唔得順啦，賴香港本地需求跌大陸增長少，大行仲話佢2022年要減派息，嚇到今日插左成蚊。
鉅哥最近D新收購都食柴，黎緊D經濟都麻麻地，說不定可以去撈人地底，希望長建之後有新收購成功啦，等你增派息呀！
長和持股上升至6000股。
恆基地產今個月又月供左兩萬幾蚊。
近期真係嫌時間唔夠用，我想要分身呀......
//鉅哥最近D新收購都食柴?
回覆刪除means ?
apa?
刪除意思係話佢D收購都打到入最後，總係撻Q，而且係政治問題居多，唉
刪除作者已經移除這則留言。
回覆刪除12業績好似麻麻地，有排插
回覆刪除我相信係入市時機，畢竟我認為現屆政府無力增加土地供應，私樓需求爆炸，恆地舊樓農地勁多，慢慢搣都得，除非睇到土地大增，否則佢仍係我首選之一。
刪除想問 大新張卡如果玩卡冚卡要1%手續費。咁如果卡冚證券行呢?
回覆刪除另外想問東亞卡除咗間唔中有手續費利息豁免嘅結餘轉換之外。係唔係冇乜價值?
東亞卡除左果個東亞日就廢廢地，不過佢D信用卡套現計畫好抵好快，佢常常主動推廣，實際年利率曾經做到3%超正（而家要4%）
刪除