測試此欄進行中

2019年8月21日 星期三

增持長和

早前設立了買賣盤,穿65蚊買一手長和,早前長和閃穿65蚊(好忙,冇睇,心中無股了),我都係收到存倉通知先知道買左。

長和跌到就快4厘息,咁穩陣,又買定D,而家香港的收租股都唔多穩陣啦,睇下新城市廣場,睇下太古,又唔想買咁多中資股蝕哂股息稅,又唔想睇多幾只股票,只好在現有持股清單進入增/減持了。

之後其實連公用股都一般般咋,中電和港燈利潤管制下調,長建長和電能又俾脫歐陰霾籠罩緊,昨日黎業績的煤氣都頂唔得順啦,賴香港本地需求跌大陸增長少,大行仲話佢2022年要減派息,嚇到今日插左成蚊。

鉅哥最近D新收購都食柴,黎緊D經濟都麻麻地,說不定可以去撈人地底,希望長建之後有新收購成功啦,等你增派息呀!


長和持股上升至6000股。
恆基地產今個月又月供左兩萬幾蚊。

近期真係嫌時間唔夠用,我想要分身呀......


8 則留言:

  1. //鉅哥最近D新收購都食柴?
    means ?

    回覆刪除
    回覆
    1. 意思係話佢D收購都打到入最後,總係撻Q,而且係政治問題居多,唉

      刪除
  2. 作者已經移除這則留言。

    回覆刪除
  3. 12業績好似麻麻地,有排插

    回覆刪除
    回覆
    1. 我相信係入市時機,畢竟我認為現屆政府無力增加土地供應,私樓需求爆炸,恆地舊樓農地勁多,慢慢搣都得,除非睇到土地大增,否則佢仍係我首選之一。

      刪除
  4. 想問 大新張卡如果玩卡冚卡要1%手續費。咁如果卡冚證券行呢?

    另外想問東亞卡除咗間唔中有手續費利息豁免嘅結餘轉換之外。係唔係冇乜價值?

    回覆刪除
    回覆
    1. 東亞卡除左果個東亞日就廢廢地,不過佢D信用卡套現計畫好抵好快,佢常常主動推廣,實際年利率曾經做到3%超正(而家要4%)

      刪除