測試此欄進行中

2018年2月21日 星期三

如何「卡冚卡」買股票?信用卡可以這樣玩

  之前講到我一直利用家人中銀信用卡月供股票,每月買成兩萬蚊,之後用大新卡,付1%手續費「冚」中銀條數,再用恆生「冚」大新卡:

2013年的時候,我:
假設截數日為:
中銀卡每月10日,大新卡每月4日,恆生每月30日,三卡均沒有負債。

1月11日,中銀卡月供電能實業兩萬蚊,中銀卡結餘負20000,獲二萬分。

2月11日,中銀卡月供電能實業兩萬蚊,中銀卡結餘負40000,獲二萬分。
2月13日,收到中銀月結單,只有一月供股交易,提醒你3月6日找數。
3月 5日,用大新卡「冚」中銀卡,手續費1%
3月11日,中銀卡月供電能實業兩萬蚊,中銀卡結餘負40000,獲二萬分。
3月13日,收到中銀月結單,只有二月供股交易,提醒你4月6日找數。
4月 5日,用大新卡「冚」中銀卡,手續費1%
4月 7日,大新月結單,只有二月中銀卡交易及$200手續費,5月2日找數。
4月11日,中銀卡月供電能實業兩萬蚊,中銀卡結餘負40000,獲二萬分。
4月13日,收到中銀月結單,只有三月供股交易,提醒你5月6日找數。
5月 1日,用恆生卡「冚」大新手續費0%
5月 5日,用大新卡「冚」中銀卡,手續費1%
5月 7日,大新月結單,只有三月中銀卡交易及$200手續費,6月2日找數。
5月11日,中銀卡月供電能實業兩萬蚊,中銀卡結餘負40000,獲二萬分。
5月13日,收到中銀月結單,只有四月供股交易,提醒你6月6日找數。
6月 1日,用恆生卡「冚」大新手續費0%
6月 3日,收到恆生月結單,只有四月大新交易,提醒你6月28日找數。
6月 5日,用大新卡「冚」中銀卡,手續費1%
6月 7日,大新月結單,只有四月中銀卡交易及$200手續費,7月2日找數。
6月11日,中銀卡月供電能實業兩萬蚊,中銀卡結餘負40000,獲二萬分。
6月13日,收到中銀月結單,只有五月供股交易,提醒你7月6日找數。
6月27日,終於由自己儲蓄戶口嘔出20200蚊交恆生卡。
      已積累十二萬元的電能實業,及十二萬分(換到4張百佳100蚊了)

工具:大新卡中銀卡恆生卡的信用額每張必須大於40000,我當時最細果張都六萬。

        中銀大新,恆生,股票戶,恆生儲蓄
於1月10日時,NA  NA  NA  NA    0
於6月26日時,負40000 負40400 負40400 120000   NA
於6月28日時,負40000 負40400 負20200 120000 +賣股+工資+股息-20200
                        (儲蓄結餘因人而異)

***現在中銀月供股票信用卡積分已下調至每月上限一萬***
**中銀大新,恆生截數日可致電客服更改**

唔好同我講,你冇錢買唔起股票,如果我當初選擇月供騰訊,我想……我已經出書了!


回帶相關貼文:

66 則留言:

  1. 回覆
    1. 冇汗錢!
      當我聽到有人話「冇錢買唔起股票」時,我就會微笑地搖頭,拂袖而去。

      刪除
  2. 讚!
    咁你當年選擇月供什麼呢?

    回覆刪除
    回覆
    1. 就是電能實業了。
      你張渣打1.5%卡有冇玩8達通增值、PAYME同支付寶?
      渣打1.5%卡有6個月0%優惠,拖足5期再用恆生卡冚,勁好玩。

      刪除
    2. 我張係渣打白金信用咭,link 咗八達通自動增值,payme, 微信支付,支付寶,仲有四台手机月費同寬頻月費。都成日見有唔少 Cash back, 當然冇好似你咁冚來冚去,所以問吓你。

      刪除
    3. 八達通自動增值用大新1%、渣打1.5%卡或安信2%卡或1%卡最好
      一申請了八達通自動增值就不打算轉卡,要小心選擇用咩卡玩,因為八達通的O2PAY程式會收0.5%作為轉錢入銀行手續費,要玩就要搵賺分多過0.5%的,否則就白玩了。

      刪除
  3. 只玩一張8達通咭咋,支付宝又無現金回贈。
    你玩9張8達通咭是否綁不同信用咭?兌現時是否去不同銀行戶口呢?

    回覆刪除
    回覆
    1. 我試支付宝有現金回贈,微信就真係冇。
      9張8達通咭:
      我,3主拖3副(家人ABC),6張
      家人A,1主拖2副(家人BC),3張
      家人B,1主拖2副(家人AC)<--申請中

      刪除
    2. 我不會把錢提現到用八達通自動增值的銀行,我自己用渣打大新安信增值的,換言之我之後會提現到其他銀行,絕不提現到渣打大新。

      刪除
    3. 你好 想問點解唔會提現到用八達通自動增值的銀行?

      刪除
    4. 咁樣你即係擺明賺分啦,銀行可以隨時結束你戶口,你A轉B,B轉C,大家唔知就吹你唔脹啦

      我的方法係賺A銀行積分,並將A銀行信用卡錢轉俾B銀行擺,益B銀行啦,那麼B銀行有著數而且可以陷A銀行於不利,就會默許你做啦,假設而已,切勿當真。

      刪除
  4. 純吹水,師兄其實今樣可唔可行?
    中銀-->恆生-->大新-->另一個恆生戶口
    今樣唔係拖得仲長?

    回覆刪除
    回覆
    1. 中銀卡冚恆生卡要4%手續費,
      1.大新卡冚中銀卡
      2.恆生卡冚大新卡
      3.大新卡冚恆生卡
      4.恆生卡冚大新卡
      5.大新卡冚恆生卡
      :
      :
      上述可以無限LOOP,但每次經大新轉手就會被收1%手續費

      刪除
  5. loklok 兄,

    請問中銀-->>大新--->恆生----,咁是不是三個戶口都有積分呢?
    請指教,謝謝

    回覆刪除
    回覆
    1. 只有中銀有分,
      之後兩項大新恆生很久很久前有分,但我一開始玩已經冇.....

      刪除
  6. 請問安信2%卡是否免兩年年費呢??

    回覆刪除
    回覆
    1. 鑽石銀聯卡免2年,普通銀聯卡免5年但冇2%
      安信寫2%優惠去到2018年底,我因為咁都一直心大心細冇去申請。

      刪除
    2. 我以為你已經有,我剛申請了鑽石銀聯卡,唔知批唔批。
      我而家用simply cash咭消費和玩O2pay,每月有$300-400現金回贈,其實不錯。
      支付宝係點玩? 用唔同銀行戶口增值和兌現,咁簡單??

      刪除
    3. 支付寶用掃碼轉賬5000錢入傀儡家人戶口,
      傀儡戶口用你張附屬卡或佢自己卡掃碼轉錢俾你,
      兩戶口的電子錢包都有5000,各自按提現到自己戶口,信用卡各負5000,視你們用咩卡,有分或冇分的

      刪除
    4. I see,咁我唔玩這個了,唔想打擾家人 :D

      刪除
    5. LOK LOK SIR
      話咁快收到安信鑽石銀聯卡喇!
      仲賺咗迎新禮品共$700現金回贈,yeah.
      不過2%優惠只去到2018年底和只能免兩年年費。

      刪除
    6. 恭喜你話咁易賺左一筆冇汗錢
      迎新簽賬要求八達通都計,真係擺明送錢,同渣打1.5%卡一樣咁爽。
      希望2%會延續啦,我由於已有安信visa卡,不能享受2%冇汗錢,靠你賺窮安信啦。

      刪除
  7. 作者已經移除這則留言。

    回覆刪除
  8. 係咪由7月27開始都要由戶口找20200恆地卡數,之後再循環。
    如果將每月投資的二萬現金,存款於定期,咁樣是否比較好,萬一有事也可以全數找卡數,不需要每次沽出股票

    回覆刪除
    回覆
    1. 恆生卡6月27日找第一筆20200
      之後,7月27日找第二筆.....一路去
      「卡冚卡」買股票就是為了透支未來6個月的購買力,把錢存款於定期再變大後才投資,就先輸一步,如果投資要愈早愈好,你就輸左6個月的起跑線
      「卡冚卡」買股票進行的同時,自己也在賺工資,股票又有息收,信用卡供股仲賺信用卡積分。
      而實戰上,我並沒有每次沽出股票找回卡數,我都是成功等到有賺才一口氣沽出,財息雙收,用公用股玩既容易又穩陣。
      在2014-2016年更有東亞銀行結餘轉戶計劃玩,東亞貼錢將你某銀行卡數轉至東亞卡,我當時賺左150蚊仲可多賺56天,賺到笑,唔使本錢,而家東亞又重推結餘轉戶計劃。

      刪除
  9. loklok sir,
    如果中銀-->恆生-->大新-->其它信用卡-->其它信用卡
    咁還款期係咪可以再拖長D

    回覆刪除
    回覆
    1. 中銀-->恆生-->大新-->匯豐白金-->建行雙幣白金

      呢個最長,成本只係大新果一下的1%手續費
      理論值是280日免找數期。

      我而家係中銀-->恆生-->大新就算了
      即係用,現金冚恆生,恆生冚大新,大新冚中銀

      刪除
    2. 無恒生卡都可以咁玩?

      刪除
  10. Hello LOK SIR
    想問下以怛生卡冚中銀卡數,再以大新冚恒生卡數,咁可以省到2期大新1%手續費,因為TOTAL只係用左次大新卡3次,
    但如果以恒生冚大新卡,個1%手續費就要收5次,
    請問咁樣WORK唔WORK??

    回覆刪除
    回覆
    1. 只以恆生大新互冚,一年俾近6次1%,其實不太抵,只適合救命用,不過仍然遠便宜過財仔啦。

      刪除
  11. 我用大新英航咭,用Apps 去繳費,無中銀,是否用轉賬形式,再用咭找中銀數,現在是否可行?

    回覆刪除
  12. 其實$120000 card 數就一定要找,只不過頭幾個月就延遲找數?而大新及恒生是沒有積分?謝謝你

    回覆刪除
    回覆
    1. 卡冚卡冇分,視乎個人對息率持什麼態度,其實可以大新恆生互LOOP直至永遠,不過每次經大新就要俾1%手續費。
      建議玩埋東亞卡,視緣分啦,有時有推廣,貼錢俾你玩卡冚卡。
      我遲人地半年先找數,已經比佢優越200%以上,不應睇小佢,有時,能否超越人,就只看這些所謂優勢。

      刪除
  13. 求教,想問下匯豐白金-->建行雙幣白金 好似唔work 喎..登入匯豐網無得選選擇..建行雙幣白金....唔知點禁呢?唔該曬....

    回覆刪除
  14. 想問下如果用恆生卡cum 其他卡數,TU會變低分嗎?

    回覆刪除
  15. 想問一下「卡冚卡」買股票,甘果3張信用卡個截數日應該要點安排先最好?
    THX

    回覆刪除
    回覆
    1. 甘我仲想問問3張卡入邊,得大新卡係有56日免息找數期?唔洗自己申請?
      月供開始就中銀射落->大新射落(有56日免息期)->恆生(用自己錢找) 岩嗎?
      THX

      刪除
    2. 係呀,理論值就56日,其實得50日左右啦,預鬆D好,不然有紅日阻後效應就煩啦。
      大新冚其他卡,要填表寫哂你想冚的卡號碼簽名俾銀行即可,一星期搞定

      刪除
  16. 你好,看到你信用卡的策略不禁佩服,自己亦想一試,但想問問現時BLOG所分享的方法,例如這個方法,是否仍然可行? 如果黎緊股巿跌巿, 我可以用同樣方法套現直接一手手買入股票, 而非月供? 這技術上可行嗎? 抑或你有何法?謝謝你!! 不過有一個疑問,大新信用卡有1%手續費,為何不轉用其他沒有手續費的卡? 是技術上不可行嗎? 謝謝! 希望賜教~!

    回覆刪除
  17. 你好, 請問是否由6月27日起, 每逢27日恆生就還款200200? 而大新和中銀卡基本上各維持4萬元負債? 我有理解錯嗎? 希望得到解答

    回覆刪除
  18. lok sir, 你好, 想問如果呢個方法, 我係半年後一次還清120800, 然後再由頭再黎一次卡冚卡既玩法(目的賺半年時間買股票), 這樣會否較半後後每個月要一直俾20200的好呢? 請指教!

    回覆刪除
  19. Lok lok sir, 研究左好耐,始終都諗唔到點樣先可以唔用自己錢一直卡冚卡落去。
    其實係咪去到第7個月就已經要停左個月供計劃,還清晒d錢再開始下一輪?

    回覆刪除
    回覆
    1. 第7月睇你大新恆生申有冇額,否則應暫停月供,但不需調撥資金還錢。
      第7月後,一直大新恆生互冚。

      去到第7月理論上你已利用供股把信用卡額大部分取出,仍打算再套現的話要提升信用卡額。此時,一直大新恆生互冚就可以長期維持此狀況不斷去運用果筆錢。

      刪除
  20. 真係佩服!! 我開頭唔係好明 揾返呢個post 好detail! 多謝分享!

    回覆刪除
    回覆
    1. 拎7個杯,當中6個有水,倒來倒去就明白

      刪除
    2. 倒倒吓變成700個杯,699個有水。智慧的確係靠自己發掘。讚。

      刪除
    3. 杯=信用卡
      水=套現的錢
      新水流入=中銀卡月供股票或支付工具套現
      倒來倒去=卡冚卡

      刪除
    4. 杯的高度=信用卡額
      (所以整個玩法取決於最矮的杯)

      刪除
  21. Lok sir想問下如上面講3月5日,用大新卡「冚」中銀卡,手續費1%,但點解可以5月2日找數呢,照計免息還款期咪有成60日?

    回覆刪除
    回覆
    1. 下,我寫係5月1日喎,用恆生冚回大新。
      3月5日至5月1日都係五十幾日。

      刪除
  22. LOK Sir 請教下你 中銀開左三張信用卡我 中銀VS 中銀master 同一張大灣區卡 係咪邊張用黎月供都得?多謝

    回覆刪除
    回覆
    1. 3張冇分別,截數日一樣嗎?搵張截數日係1至8號較好。

      刪除
  23. 全部一樣 識做喇 祝你揾多啲 多謝

    回覆刪除
  24. 你好師兄,我問過中銀佢話信用卡截數日唔可以改做10日,如果改做9日,最遲還款日係5日,而大新截數日最早係4日(同你上面個例子一樣),變左時間好趕,咁係味做唔到你講個樣野?想請教你實際係點做,謝謝

    回覆刪除
  25. 師兄有冇tg group?
    可以討論下

    回覆刪除
  26. 如何「卡冚卡」買股票?信用卡可以這樣玩
    有2021update ver.?

    回覆刪除