測試此欄進行中

2019年3月11日 星期一

中銀信用卡月供股票

我又黎重複推薦啦,香港邊度可以買股票用信用卡仲有分賺?嘩,D股票仲免收使費,仲可以用正股價格沽出碎股?

就係中銀啦,原來我已經連續月供左5年啦,我2014年有中銀卡,期間風雨不改,期期月供。中銀信用卡係我將手上冇用的信用卡額度轉化為投資的工具,真係冇中銀冇而家o既我呀!

初初幾年谷大左個信用卡額後,2015至16年左右我中銀卡10萬大新卡10萬恆生卡10萬。

每月中銀卡供5萬,之後大新冚中銀,再之後恆生冚大新,果陣我真係借唔到咩平錢,上面呢個卡冚卡,實際年利率6至7%,都好抵架啦,對於我當時來講。

這樣冚,計好D還款日用盡D免息期,3張卡長期係負5至10萬間浮動,平均俾我套左20萬出黎買公用股,將公用股果3.5%息用黎俾利息,自己就倒貼果少少差額去等升值,基本上只要有通漲D公用股派息肯定跟升,股價都跟埋,諗黎諗去都覺得輸面太低,一直咁做落去。

D股票由中銀倉轉去恆生倉,加埋自己D儲蓄,都幾廿萬架,再玩埋抵押透支,又槓桿多20萬買公用股,又係自己倒貼果少少利息,就好像人地買樓搵租客交供款一樣。

幾年過去,資產淨值一升我就加大信用卡額,個卡額一升,可槓桿額就升,再加大個抵押透支,再買公用股,丫,D公用股又慢慢升,最後D資產淨值又升,我又去加大個信用卡額,再去谷大個槓桿,連續幾年,銀行又批我喎,咁我咪繼續去囉,信用卡額由2014年0蚊升到今日124萬8千,我真係一名冇收入證明的人,俾文件去申請我一定被定義為資料不足的「爛料」申請人

一直以來多謝哂中銀信用卡替我「將信用卡額轉化為投資」。而家我終於將無職的老媽子也申請了中銀大新恆生卡,我射部分錢去阿媽度,已經將阿媽由0蚊谷到去4萬幾蚊,阿媽目前也在卡冚卡,佢仲話買煤氣,佢話慳番D紅股手續費,而且係中銀沽煤氣可以用正股股價沽,因為係其他銀行收煤氣紅股的碎股不划算,阿媽受我影響也變得醒目,仲話D信用卡原來可以咁樣玩。




32 則留言:

  1. 勁呀~
    我都考慮緊申請中銀信用卡黎供股賺分,
    不過近黎先發現原來中銀轉倉好貴又冇上限....
    唔知Blog主大人轉倉大約用左幾錢?

    Leo Yuu

    回覆刪除
  2. 為什麼要轉倉恆生?

    回覆刪除
    回覆
    1. 玩恆生個抵押透支,同埋想谷大恆生張信用卡,恆生信用卡可以免息免手續費冚其他信用卡。

      刪除
  3. 借問恒生邊張咁好免息免手續?

    回覆刪除
  4. 用中銀信用卡月供股票, 真心值得推薦, 我等收息者慳返唔少手續費。

    回覆刪除
  5. 恆生邊張卡啊?

    回覆刪除
  6. 想問用中銀卡月供, 上限係咪10000積分?

    回覆刪除
  7. lol lol sir,
    我有一些問題想問:
    1.想問信用咭加大信用額,之後是否現金套現?
    2.卡冚卡之後都要還款,咁點有咁多錢還呢?
    3.本人十分愚蠢,可否用有數字嘅實例解釋一下。
    謝謝

    回覆刪除
    回覆
    1. 唔係現金套現果D呀
      其實實例我發過文,我得閒又發一次啦

      刪除
    2. lok lok sir,

      之前你的實例我都睇過好幾次,不過都係唔明。實在太愚蠢了。
      唔係現金套現又是什麼呢?
      我唔明白,如果套咗現金出嚟買股票,卡冚卡的話最後都係要還錢架。當卡冚卡半年後要還錢喇,咁何來有幾十萬還錢呢?
      至於恆生個個抵押透支又是怎樣的。我有上過恆生個網度睇,都唔係好明。可能聽得太多孖展斬倉的事。好自然聯埋當同一件事。

      刪除
    3. 第一步係信用卡月供股票,你供左半年,已經有半年份量的股票,由於我當初月供電能,股價平穩有息收,基本上1月供的係7月沽都財息雙收,我是沽出部分股票去還的。

      咁當然,我都經歷過股市低潮一刻,真係唔想低價或平手套現還,咪SET月供1000蚊囉,吊住條連續月供月數紀錄賺積分。係月供1000蚊的時候,你基本上冇咩新增卡數,果每月1000蚊供款連果幾百蚊息打兩三日散工都消滅左啦,你此時可以大新恆生大新恆生一直互冚,你仍然不需還本。

      呢個玩法就千萬不要搵騰訊呀果D高啤打股份,穩穩陣陣公用做膽,不然多多都唔夠心血用。

      之後抵押透支呢
      你有50萬股,可以係網銀按申請,兩三日就得,都唔洗親身又唔洗同佢吹水,至少要申請20萬額,高D都得,當你申請40萬
      50萬可按50%玩,你有25萬可買股或提現,我買20萬股
      變成70萬股,70萬的50%係35萬但你用左20萬,你仲有15萬玩或者當係緩衝用,要恆生CALL你就要由70萬跌至55萬就收到溫馨提示,剛好跌走果15萬額。

      刪除
    4. 中銀有沒有抵押透支?還是恆生最好?

      刪除
    5. 中銀要升到咩理財,100萬級,恆生唔洗

      刪除
  8. lok lok sir,
    多謝你的發文,我正準備月供電能,應該用邊張卡最好? Thanks!!

    回覆刪除
    回覆
    1. 中銀卡冇話邊張好,只係想用佢將卡額變股票,恆地會果張首選

      刪除
  9. 多謝你的資訊,你好好人呢

    回覆刪除
  10. 感謝版主,請問恆生抵押透支利息多少?如何付利息?

    回覆刪除
    回覆
    1. 利率為細P,自用扣數,例子如下
      1月1日你有100萬股票成功申請左50萬額玩,即時用40萬額買哂中電。
      2月1日,你連續玩左30日,戶口由400000DR變成401758.33DR(1708.33系息,50蚊係手續費)
      3月1日,變成403524.17DR
      7月1日,410562.55DR,收息7500蚊,變成403062DR,此時中電股價隨通漲升左1.5%,市值406150元。
      以下略,可繼續推落去

      刪除
    2. 所以現實世界,我一蚊息都好似冇出過一樣,佢地雖然頭幾年派息冚唔到利息,但隨股息按年上漲,但利息息率不變,漸漸收息冚到利息,股價又升,最後你知點樣啦XDD
      其實我只係做個風險承擔者,玩的時候留D緩衝額度,之後就等增長,就係咁簡單

      刪除
  11. 請問你系邊度做抵押透支呢?

    回覆刪除
  12. sorry, 之前 load 吾到啲留言,依家睇到喇,原來你系恒生做抵押透支,我會搵搵HSBC 可吾可以做 抵押透支, 因為大部份股票都系HSBC

    回覆刪除
    回覆
    1. 匯豐有,但門檻又高,D息又高恆生1%

      刪除
    2. 恆生抵押透支都要20萬,即40萬股票

      刪除
  13. 請問月供是計邊日? 提交申請果日嗎

    回覆刪除
    回覆
    1. 11號幫你買,紅日打風或六日一路向後順延

      刪除
  14. 我用中銀信用卡月供,不能成功,顯示 "交易資料接收不清楚,可能引致未能成功遞交,請即查閱交易紀錄或致電本行專人接聽電話投資交易專線查詢。 (EJ905)", 有 ching 試過,應該點解決

    回覆刪除