卡冚卡沒得玩只能搞孖展

 

近年來，沒了卡冚卡的現金流，就是靠孖展槓桿了，之後都係走呢條路的了，大概。假設牛市只會遲到不會缺席，那麼我只要守好紀律，風來了逐級逐級沽出，終會迎來零槓桿的時候。當清零後我就打算按表格規劃搞搞個上限，為下次搏命做準備。

上述250萬的額度我2022年早就用爆，所以在一個月前的過去3年裡面是多麼難熬，很多人叫我投資美股...我有口難言，我全身港股...搬錢買美股就要先去槓桿，等於為手上港股結帳，我最後都是選擇傻呼呼繼續捱，真的怕買了美股剛好摸頂而港股又剛好翻身，那就真是左右一巴了。

七除八扣後，未計少量信用卡分期和卡冚卡，但也猜到我目前大概賬面10蚊負債5蚊咁上下，談不上很好，畢竟近年來要動用主動收入持續輸血去抵消孖展利息，感覺像白干活，冇返個合理回報怎麼都繼續等，都等那麼久，也不差那一時半載......這3年的套牢股票代價我有以下一個算法：

總成本 =  買入成本假設100萬x( 時間 , 同期定存息率 , 複利)

=  100萬x(3年，4%複利)

=  100萬x1.124864

=  1124864元

這樣算...你如果揸3年以100蚊買入再以111元沽都算輸了...所以我現在即使22000點都還是不怎麼減持，平均成本18000至20000左右，再x12%就真是剛22000而已，現在就毛毛細雨這樣沽住先否則「到此一遊」就痛苦了.....。

22000！行情來了心要定

        由於組合今早再次食正升浪，之前說的「組合還差5%升幅」，今早達標，假設升幅能維持至今日收市，我淨值突破歷史高位，相當於2018年高位，謝謝阿爺，今早以5蚊搣走恆科20000股又食下糊先，每日暴漲有點手震。

        目前仍然超級重倉所以都仲有排搣，今日減持金額都還不及今日升幅，跟上一個交易日比又憑空多了筆錢，真是活久見。

       執筆時恆基地產爆發升8%，恆指22000了，見鬼，行情來了心要定。

目前持倉：

恆科ETF，420000

平保，55000

港交所，2700

騰訊，1400

京東，66（騰訊送的）

美團，140（騰訊送的）

恆基，24459（月供股票）

21000，牛來，速歸？

        太快了，來得太快了，今日中午以4.6搣走恆科20000股，按公式分注搣都仲有排搣。得益於我在熊市獲得的［麻木］debuff，心理質素還行，就是有點手震，不然肯定掟鬼走哂，每次症狀過了4點10分就會立馬痊癒，收市立馬精神爽利。

        各位苦撐三年，好不好為了眼前的［三瓜兩棗］痛快止盈呢，實在無法判斷，能夠有賺離場已經好好，我呢...繼續逐點搣算了，今個十一假期大家食好D，我單身主義者呢幾日都會主動食好D等個大腦開心下，個腦足足壓抑了幾年。

        連漲三千多點後，我的淨值重新迫近22年高位，組合還差5%升幅就能突破，果然跟指數高度正相關。短期內不會換馬，目前雖然被恆基拖後腿但整體仍然跑贏大市，維持目前組合，但求繼續與大市同步便足矣。

目前持倉：

恆科ETF，440000

平保，55000

港交所，2700

騰訊，1400

京東，66（騰訊送的）

美團，140（騰訊送的）

恆基，24459（月供股票）

20000點，熬出頭了嗎?

          9月26日以4.2減持20000股，翌日9月27日再以4.4減持20000股，仲有460000股。300元減持了港交所900股。仍然200%看好，就是一直以來高槓桿，先鎖定一部分。

          減倉後持貨市值高達600萬，而且好像跟8月持貨市值差不多的樣子，就像憑空多了筆錢，當然沒把孖展呀抵押呀各種套現計落去。難以想像9月初還在萬七苦苦掙扎，月尾卻在歡天喜地。

          十分慶幸今輪升浪我都有貨，都算食到應，為免股市僅屬「到此一遊」必須減下磅......希望一切向好，兩萬之後三萬！這批股票斷斷續續由2022年坐到2024年，苦苦支撐3年，最遠的一批就是騰訊可追溯到2018年，不容易啊......

          隨著賬面數字愈來愈大，未來更趨保守了，大概不輕易槓桿到100+%了吧，現在只能惜售慢慢搣，搣完就沒下次200+%咁玩了。

目前持倉：

恆科ETF，460000

平保，55000

港交所，2700

騰訊，1400

京東，66（騰訊送的）

美團，140（騰訊送的）

恆基，24459（月供股票）

接回恆科

         5月22日一開市不久又買回2萬股恆科ETF，又返番去500000股。微調一下減磅公式。下次等到佢升到200×105%萬=210萬市值先搣走10萬蚊（下次大概是4.2元...）同樣仍然是美好的想法是...搣極都仲有200萬恆科係倉。

目前持倉：

恆科ETF，500000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）

昨日抽空親臨大新銀行，開個孖展戶口，年利率是5.25%（佢話），嘩咁咪平過券商一丟丟（我見佢地介乎P+1%至+2%左右），咁就申請個玩下，不過銀行效率慢，佢話要搞十幾日喎，搞成又多百幾萬額度搞搞震，好不好掃些股賺息差呢～

稍微減倉，近況二

        5月16日一開市恆科4蚊，4蚊×500000股，就是200萬，減下磅先，減持20000股咁大把。下次等到佢又升到200萬市值再搣20000股（下次大概分別是4.167，4,347，4.545，4.762，5元...）美好的想法是...搣極都仲有200萬恆科係倉。

      重倉的平保發威，目前只剩恆基和騰訊未轉色。恆科的浮盈較多，所以首先實行［慢慢搣］，平保才剛轉色浮盈才4%，唉，多飛一會兒才［慢慢搣］吧...

目前持倉：

恆科ETF，480000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）

        之前提到我係更亭裡面還會操肌，怎麼不來一張近照呢，不過線條始終唔夠明顯，還得進一步［提純］…難啊...

        如果這樣子係健康，是真的能延壽，假設延壽了1年，等於多左最收尾果一年的被動收入，到底有幾多呢？100萬？1000萬？或者果一年值幾多長者福利金呢？只要這樣想，保持健康體魄的動力就湧上來了。

近況

        近排身痕行左入商場招聘攤位，見到保安員原來又舒服人工又OK，做替更現金出糧都有800蚊日，心動左，唔知痂左邊條筋，真係仆左去讀保安，讀兩日，兩日中途都有人上黎「獵頭?」請人。

        佢地真係幾用心打電話叫人見工，反正我舊職業而家正處於「開工不足」和「拖糧」，而且自2018年已經沒咩加人工仲想減，反而保安連年上漲令人羨慕，反觀自己著實令人氣餒，最後真係轉左去做食蕉，仲特登做夜更，有冷氣，又少人，仲有WIFI，而家係更亭補睇海賊王，以前我煲到600+集，睇黎有望跟上進度，仲有鬼滅、咒術等等一大堆都未得閒睇...

        今年第二季開始我就hea緊......嘆冷氣嘆WIFI嘆動漫仲嘆住收人工，又剛好渡過最熱的月份又能追上動漫進度，收入雖然好像輕微下降左(每月16XXX)，但對於生活質量而言卻是上升左，真係唔知有冇賺。

        為左保持身體質量，係更亭裡面我隔日就練胸做掌上壓和翌日練二頭肌做彎舉，有固定上班時間地點令我能配合身體制定飲食計劃和訓練計劃，居然體重輕左2KG，根據運動手表連續31天平均值，正是脂肪下跌了2KG，同期肌肉量水份量均持平，只減脂不減肌？如果是，好開心～～～

目前持倉：

恆科ETF，500000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）

        今年大市希望翻個身吧，隨著連跌4年間投入資金愈來愈多，股數上升槓桿愈來愈大，如重返22700，我的淨值就足以突破歷史高位了。

        股息收入大於工作收入（表面上），但仲有D信用卡套現和免息家人借款，都是一般吧，睇下hea完個新人獎有冇得升其他崗位，冇就轉場搲另一個新人獎兼逗個利是。

        唔好睇少食蕉呀，可能你樓下個夜更正是像我一樣...