20180430，四月結

　　四月我月供股票是恆基地產及中華煤氣，下月重新開始月供電能實業。月尾，增持了很少雲南水務。

　　本月很忙，賺了不少有汗錢，都是別人找我，我都不怎麼主動了。呢個月玩支付寶Ｐ２Ｐ轉賬，拎左過百個＄１.８，簡直係通縮！！買食材成本急降，全部打散買，慳左好多，仲幫其他家人買野套現，正呀。今個月仲係我出生月份，Ｄ積分係咁黎擋都擋唔住。

　　仲有，上月俾人借了三萬蚊求救，今月本利返還，再加埋之前申請信用卡一堆迎新呀推薦獎勵呀，本月有近萬蚊冇汗錢入賬，當中亦包括四大支付工具賺分。

　　呢個月恆生仲送左張優越理財信用卡俾我玩，我恆生信用卡信用額卡升至３８萬元了，唔好以為升到咁高用唔著，其實都係唔夠用架，我兩下就會用到盡，我渣打每月都有１５至１６萬要恆生卡冚，大新果度又有每月１３至１４萬要恆生卡冚，我其實要(１４＋１６) x２=６０萬先可以玩到極限。

截至20180330，目前持股：

00001　- 長和　　　　　５０００股  -＄　９３.１０

00392　- 北京控股　　　６０００股  -＄　３９.５０

08008    - 新意網　　　９４０００股  -＄　　４.６７

02318　- 中國平安　　　１０００股  -＄　７７.７５

01038　- 長江基建　　１２５００股  -＄　６２.１０

06823　- 香港電訊　　３５０００股  -＄　１０.３４

01928　- 金沙中國　　　　４６３股  -＄　４５.７５（月供股票）

00006　- 電能實業　　１０６４１股  -＄　５８.４５（月供股票）

00003　- 中華煤氣　　　　８５８股  -＄　１６.４４（月供股票）

00012　- 恆基地產　　　　１０６股  -＄　５０.０５（月供股票）

00257    - 光大國際　　１００００股  -＄　１１.０８

00371    - 北控水務　　６００００股  -＄　　４.６０

01257    - 光大綠色　　　５０００股  -＄　　７.３６

00807    - 上實環境　　　５０００股  -＄　　２.５７

06839    - 雲南水務　　１００００股  -＄　　３.１０

00772    - 閱文集團　　　　４００股  -＄　６３.５０（扣除家人後持有）

00700    - 騰訊控股　　　１１７５股  -＄３９１.００（扣除家人後持有）

股票總市值：$4018135

物業供滿率：31.25%(25%已付首期+75% x12/144)

加上手上現金再減負債後，計入物業後淨資產：$1322274

對比2017年12月31日淨資產：$1175933，上升+12.44%

回帶相關貼文：

2018年3月30日 星期五，20180330，三月結

2018年3月4日 星期日，20180304，二月結

2018年2月1日 星期四，20180201，一月結

2017年12月31日 星期日，20171231，十二月結

增持光大綠色及雲南水務

成個月都冇調倉，今日終加注各少許，用7.29增持3000股光大綠色及以2.98增持5000股雲南水務。

今個月的月供股票供了中華煤氣及恆基地產，在3月設定的，果陣電能實業冇跌得咁甘，否則我應該繼續供電能實業。下個月會平均月供三只，煤氣恆基電能。

電能現價吸引，但我認為還會再跌，並會穿56蚊見5%股息率，跟我入貨會仆直架。

連同月供股票新增部分，今年收息快13萬了，應該能淨收息八九萬，唉，個人因為咁懶左。手上大部分股票未來兩年亦看唔到會減派息，反而看到會增派多少息？對下半年的股息有期待，股價就冇咩期待lu，死侵侵阻人發達如殺人父母，哼。

因應即將升P，我部分抵押透支的息率會隨之上升，已經持部分持倉調去耀才玩月供計畫。

＜精華２＞玩冇汗錢要玩精明「卡冚卡」

　　之前講到，恆生信用卡是重中之重，不能沒有，其他信用卡都要睇住恆生信用卡黎申請：

恆生信用卡可以免息免手續費「冚」以下銀行信用卡或私貸：
渣打信用卡及循環貸款
Manhattan 信用卡、私人貸款
東亞銀行信用卡及私人貸款
大新銀行信用卡及私人貸款
匯豐銀行信用卡
招商銀行一卡通　　　　　　（此銀行的信用卡優惠太廢，ＯＵＴ！！）
交銀香港信用卡　　　　　　（此銀行的信用卡優惠太廢，ＯＵＴ！！）
創興銀行信用卡及私人貸款　（此銀行的信用卡優惠太廢，ＯＵＴ！！）
工商銀行信用卡　（此銀行最新的宇宙１.５％信用卡仲未有細則出，中性）
永亨銀行信用卡、私人貸款　（此銀行的信用卡優惠太廢，ＯＵＴ！！）
大眾銀行信用卡、所有貸款　（優惠太廢，ＯＵＴ！！但可冚供樓/車，中性）
上海商業銀行信用卡　　　　（此銀行的信用卡優惠太廢，ＯＵＴ！！）
永隆銀行信用卡及私人貸款　（此銀行的信用卡優惠太廢，ＯＵＴ！！）
永隆財務信用卡及私人貸款　（財仔唔要，ＯＵＴ！！）

---------------------------------------------------------------------------------------------

　　有了首選恆生信用卡後，我建議的亞軍次選是呢張，因為可以「卡冚卡」：
大新ONE+信用卡 ，有現金回贈１％，可玩ＰＡＹＭＥ、微信、支付寶及八達通。集中玩微信。有特殊用途可以倒過來「冚」恆生卡，所以即使現金回贈輸俾渣打仍被我評為稍勝一籌。

　　之後是季軍，現金回贈１.５％呀，仲可以用恆生卡「冚」：
渣打Simply Cash Visa 信用卡 ，有現金回贈１.５％，可玩ＰＡＹＭＥ、支付寶及八達通。集中玩支付寶。

　　殿軍Ａ有兩名，佢地輸個馬鼻係因為恆生卡「冚」唔到，但微信有１％賺。
花旗 Cash Back Visa 信用卡及星展DBS Eminent Card信用卡，有現金回贈１％，可玩ＰＡＹＭＥ、微信、支付寶及八達通。集中玩微信。

　　殿軍Ｂ有兩名，佢地因為可以俾恆生卡「冚」到，評分急升，但賺分少，或者係賺里數，唔合我，評分稍降。
大新英國航空白金卡，６蚊１里數，可玩ＰＡＹＭＥ、微信、支付寶及八達通。集中玩微信。
滙豐Visa Signature卡，咩分都冇，但可以「冚」建行雙幣白金卡，是另一組「卡冚卡」項目，申請呢張就要申請埋後者，不然都係廢左。


＊＊＊微信極限可玩三萬，但要三張卡以上，因每卡月額度一萬，轉賬及ＱＲ轉各五千＊＊＊


人的信用卡額度總有個天花板，建議各位集中申請上面五張信用卡及皇牌恆生卡，仲要盡可能打大恆生卡的信用卡額度。冇咩用果Ｄ，尤其回贈仲係０.５％以下的，ＣＵＴ左佢好過。

得閒我就出個＜最正信用卡組合＞的文章。


回帶相關貼文：

＜精華＞玩冇汗錢不能沒有恆生信用卡
如何「卡冚卡」買股票？信用卡可以這樣玩
用信用卡買股票，電能實業例子


歡迎發問。

＜精華＞玩冇汗錢不能沒有恆生信用卡

　　恆生信用卡可以「卡冚卡」，免手續費冚其他信用卡的數，又多左56日免息，唔用就笨！！！！如何用呢，見以下連續圖：

登入恆生網上理財，按「繳費服務」

捲到下面，找出「登記表格」

按入，彈出ＰＤＦ檔案，按指示，輸入你其他銀行的信用卡號碼，郵寄申請。

此檔案最下面有寫，恆生能夠替你「冚」的發卡行。

我睇你地都唔明架啦，已經替你們打圈了，紅圈可以玩冇汗錢！！

以後申請信用卡，只搵紅圈的發卡行吧！！

恆生銀行另外有一頁面介紹，睇死你地都搵唔到個網頁架啦

按我睇睇先

申請成功後（約一星期後），

你其他銀行的信用卡號碼會出現在藍箭頭裡，以後可「卡冚卡」！！

回帶相關貼文： 

如何「卡冚卡」買股票？信用卡可以這樣玩

用信用卡買股票，電能實業例子

用信用卡買股票，電能實業例子

　　例子由２０１６年９月開始月供電能實業(我其實已經連續供股48月以上了)，由最高見７８蚊，到而家收市５９蚊，好慘呀！但係睇清楚先講，跌左咁多，原來有賺喎！

　　以下例子連續月供１９期，平均價為５０蚊多Ｄ，仲賺左十九萬分，等於７６０蚊未兌現：

以收市５９蚊計：
市值１７７２３６蚊
成本１５２２４６蚊
積分７６０蚊

１７７２３６＋７６０—１５２２４６＝２５２７０
　　　　　　　　　１５２２４６
＝１７％總回報率

我供左１９期，由於最尾果兩期食正截數日，我仲未還錢呀，所以暫時未俾喎！！咁如果我只計我還左錢果首１７期的話，回報率會再升少少：

用了１７個月或１９個月賺左２５２７０蚊。

使用的是中銀GOOD DAY卡，我當初申請時中銀卡時，我明顯不符恆地會卡的入息要求，用唔到恆地會卡玩:：
GOOD DAY卡年蔪要求$48000
恆地會卡年蔪要求$150000

申請中銀卡時係2012至2013年間，我淨值有限，搬資產證明都困難呀，而家就當然易過借火啦，但近期我信貸資料庫好多動作，申請恆地會卡再排下期先了。


回帶相關貼文：
如何「卡冚卡」買股票？信用卡可以這樣玩

步入小康都係覺得好窮

上年買左樓，背了一身債，收入冚到供款好似冇咩壓力咁，之前儲落的股票又升左少少（真係少少咋），七除八扣好似仲窮左？

信用卡額而家有125萬，俾我玩到剩30萬，個個月都係，每月還full pay60萬，之前30日內又積累60萬卡數，總之信用卡日日都欠60萬又唔洗俾息月月full pay。另外35萬係私貸，仲有12至54月不等。

因為腦袋經常要記掛截數日呀優惠呀積分呀，精神都幾緊張下，信用卡玩積分每年都賺冇汗錢近三萬，零成本，都係值得！

手上400萬股票，市值400萬物業未供完，流動負債含卡數有近200萬，加埋物業供款加埋家人特低息貸款，負600萬差不多了，不過因為我仍然只用買入價計算物業價值，我計算自己只值100萬咋。

而家收入等於支出，今年是2018年，物業供到2029年尾就供完啦。假如，過多幾年仲可以繼續玩信用卡免息套現，也許數年後具備條件換大屋再玩大個槓桿或者可以收縮槓桿規模，減風險兼安心收息賺下息差平穩過日子。

多左信用卡套出來的現金流，我的資產規模波動急增，又可以擴大槓桿賺多D息差，信用卡仲賺埋分貼錢俾我賺，致近年淨資產值爆增，你地對各大支付工具玩信用卡套現歡迎發問，有錢齊齊賺，我好難寫篇超詳細教學俾你地，太多人跟風做其實只會招來封殺，呵呵！遲早都會冇分賺，我繼續把握最後賺分時光。

回帶相關貼文： 

2018年4月3日 星期二，支付寶過錢俾朋友即賺$1.8至$88

快Ｄ透過支付寶轉賬一毫落５２４４５８４５電話號碼啦，咁你就賺至少１.８啦！

2018年3月30日 星期五，20180330，三月結

支付寶信用卡套現日日賺冇汗錢

　　一家４口，４個戶口，其中一條友有渣打Simply Cash Visa 信用卡玩就行，一個主卡拖三附屬卡，勁爽，年費又可以豁免，最重要係支付寶信用卡套現都有１.５％分冇額外支出或手續費。

　　４個戶口就有２００００蚊限額玩，每月兩萬就有３００落袋，一年就３６００蚊啦。

真係好大隻蛤乸隨街跳！我已經努力周圍唱通街！但係冇人知呀！點解會咁？

就算你冇渣打Simply Cash Visa 信用卡，都仲有大新ＯＮＥ＋信用卡，年薪６萬就申請得，有１％回贈呀，一年都２４００蚊啦！！

回帶相關貼文： 

支付寶過錢俾朋友即賺$1.8至$88

快Ｄ透過支付寶轉賬一毫落５２４４５８４５電話號碼啦，咁你就賺至少１.８啦！

每日一條蕉 香蕉帶皮吃 營養不浪費