測試此欄進行中

2018年6月10日 星期日

人工唔加又要繼續撈就只能...........

只好找尋自己長處了.......
1,興趣(自小有收藏紙幣,面值加兩三成買入,而家面值加兩三倍
2,吹水(起個BLDG賺丁點兒廣告錢)

不過最實用似乎係.......
如果你沒有借貸,你可以從零開始培養良好的信用評分,呢方面可謂所有人的起跑線都一樣。訂下目標,集中申請最多回贈及最多功能的信用卡,不能看小呢D小功夫,日後借唔借到便宜錢靠過去多年功夫喇!!

而家想整靚個信用評分簡直容易過幾年前啦,你地可以玩支付寶套現八達通套現,先唔好理有冇分賺,但都已經零成本長期使用信用卡,之後將套來的現金期期準時還款,兩三下就信用評分ABC級啦!!

過一段日子就可以利用信用卡年資,及之前積累的信用評分,主動申請加大信用卡額,逐張申請,半年至一年一次就差不多,同時也可申請其他新信用卡。

其實,大約四五年,你已經可以申請左四五張卡,呢四五張卡亦可能已經各加大一次信用卡額了,月入一萬應該都可以將自己的信用卡總額打到幾十萬,如果配合資產證明(如藍籌股一堆),更可能迫近百萬級(我用五年打到去125萬)

重申,年費可打電話取消,電話錄音黎,唔洗真人對話!!

玩信用卡唔係鼓勵消費,我從來都是低消費一族!我覺得銀行在我身上賺唔到多少錢囉,呵呵!另外,在我積極打大個信用卡總額時,並沒有料到現在D支付工具會如此好賺錢!!!

當你有需要借錢,即時叫停你D支付工具套現,一陣間就能回到特高餘額狀態,你的信用卡變得總額又大可用額又高信用評分又靚,一定有平錢俾你借,你會在此刻贏下沒有準備整靚信用評分的人,佢地此時可能仍在搲頭好難借平錢。而你,就先贏左呢個機會/時機!

我當初叫做,窮得只剩下A級信用評分!我由第一次借私貸到而家,平均實際年利率從不超過5%,即月平息0.24%以下,唔明白有部分年青人月平息0.48%都覺得便宜,比我月入更高的人更便宜到月平息0.12%,果D係咩?(如果我唔係炒散的話應該可再便宜D,目前我的私貸平均實際年利率3.9%左右

你初初窮,但你可以用時間為未來準備,係為左節省未來借錢的利息成本,係賺緊未來的冇汗錢!我認為係香港,冇先天支持的情況下老老七七去賺錢,又唔用工具輔助......只會慢慢成為金字塔底層。(而家我隨便就可運用呢125萬信用卡總額周圍玩,係信用卡領域傲視同

今日路經曾經流連的麵包店,買左一包麵包皮你食嗎?會食嗎?你能鼓起勇氣買嗎?還有......別以為會肯買肯賣,部分麵包店你俾幾多對方都唔賣,佢話用黎丟的!!!


回帶相關貼文:

月入一萬,十年不變,怎樣破百萬?
今個月開展新事業
信用卡好好玩
2,我的信用卡限額牛市一浪高一浪
1,我的信用卡限額牛市一浪高一浪


20 則留言:

  1. 我都覺得我賺銀行信用卡錢, 多過銀行從我身上賺到

    回覆刪除
    回覆
    1. 係囉,唔通真係咁多人大頸蝦忘記找數,俾左好多錢銀行賺,抵消哂我地D專家???

      刪除
  2. 回覆
    1. BLOG要先運作一段時間,先有果粒按鈕出現,到時就可以賣廣告

      刪除
    2. 純粹八下,以師兄的經驗,每一萬個View,大約有多少廣告費呢?

      刪除
    3. 最近,本BLOG每千次曝光可獲36.86港元
      萬次曝光=368.6港元

      計唔通佢係咩公式。

      刪除
    4. 謝謝回覆!又長知識了!

      刪除
    5. 剛剛加入了您的網誌到「我的網誌清單」
      來互相添加連結吧~ ^^

      刪除
  3. 想問加大信用額需唔需要收費同有咩手續?

    回覆刪除
    回覆
    1. 我渣打張1.5%張卡上網申請加大信用額時 佢要我填寫想加到幾多?我點填好

      刪除
    2. 填你其他信用卡的額落去,假如渣打非最大額果張,假如你中銀30萬渣打20萬,就申請30萬啦,如成功到就輪到中銀申請加到40萬,之後又黎,渣打申請加到同中銀睇齊。
      我係咁做,當然,都要俾多D資產證明啦

      刪除
  4. Lok Lok Sir,

    Unbelievable!

    Crust ... You eat it today?

    Please share with us! (Just your thinking.)

    ^_^

    回覆刪除
    回覆
    1. 其實麵包皮味道OK,硬一點點而已,順手減廚餘,裡面仲有蛋揵麥包,「包」羅萬有,有時候更有肉有蛋。

      刪除
  5. Lok Lok Sir, 睇咗你wechat pay教學, 請問
    1. 是否QR Code 同轉帳每個月都有$5000, 即係可轉$10000比對方。
    2. 我冇做認證,但信用卡已set密碼,wechat pay兌現是否每個月$8000, 一年額度$100,000。
    3. 如果我比$8000對方, 對方畀我$8000,之後我兌現$8000到銀行,額度是否用了$16000。如果係,玩6個月個額度就差唔多玩完???

    回覆刪除
    回覆
    1. 做認證好D
      wechat pay兌現額特高(自稱不限),不用擔心,前提係要高級認證
      QR Code 同轉帳每個月都有10000, 即係可轉$20000比對方
      但單卡限5000,所以:
      A卡用QR Code 同轉帳各5000,共10000
      B卡用QR Code 同轉帳各5000,共10000
      10000+10000=20000

      每月轉20000俾人地,自己又提現20000,都沒問題(高級認證wechat pay兌現額自稱不限)

      刪除
    2. 學到賺冇汗錢, 好開心, 多謝你的回覆

      刪除
  6. 請問香港有冇好似大陸余額寶咁既工具 可以放現金流落去收息

    回覆刪除
  7. 多謝blog主分享!!
    睇得有d遲,而家先收到安信張卡,準備申請自動8仔增值,不過信用額好低冇得4卡賺到盡,而家開始我都做定準備黎升評級!再次多謝!!

    回覆刪除