測試此欄進行中

2019年2月20日 星期三

每年主動谷大一下信用卡額

有D野你唔主動做,佢真係唔會黎。

我知道有不少人都會收到銀行主動調升閣下信用卡額,但又唔係人人有,即使大家背景接近,甚至永遠A級都唔加額。

所以收唔到呢D信的人真係要主動D,否則真係蝕哂章啦,又俾人爬頭啦…基本上你只要數數自己有冇不良信用紀錄,再計一下目前欠款和總額。

我的經驗係,永遠保持「零不良信用紀錄」,即係總之記得找數啦。之後,你的信用卡年資有返幾年好D,太細可以非常容易地做數做出黎,可信性低左少少。再黎,欠款與總額比33%或以下都得啦,最好曾經有幾次打上近99%仲好。如果你總額100000,欠緊33333(曾經仲欠99999但又冇爆額喎)都仲可以申請下加額。

為左更易一擊即批,我仲會呈上資產淨值又多左的連續6個月月結單,你有薪酬證明仲好啦,不過我唔比佢都批我加額。

一年主動加一兩次額,總額破百萬不是夢(實際上仲有唔少操作令佢地覺得你真係有錢又還得起,既然你又想加我又搵唔到咩唔妥冇理由唔加額丫係咪)

能夠負得起都係實力黎,唔好用有色眼鏡睇「信用卡」,我每次見到文章話新一代年輕人欠卡數幾十萬嚴重缺乏理財觀念我都忍不住恥笑這班人。(因為佢罵埋我囉,哼)


22 則留言:

  1. "我每次見到文章話新一代年輕人欠卡數幾十萬嚴重缺乏理財觀念我都忍不住恥笑這班人。"

    can't agree more
    能夠駕馭信用卡, 理財能力也會大大提升!

    回覆刪除
    回覆
    1. 信用卡係一把雙刃劍,識玩當然斬死銀行啦,唔識就自己斬自己。

      刪除
  2. 支付寶,Oepay...等等都cut哂,你將信用額加到咁大,有什麼作用呀?

    回覆刪除
    回覆
    1. 我從來無理自己有多少信用額!!

      刪除
    2. 用中銀信用卡買股票
      之後用大新信用卡冚中銀。
      之後用恆生信用卡冚大新。

      我話你知,識玩,信用卡額100萬都唔夠用。

      刪除
    3. 東亞信用卡又成日推結餘轉戶,仲貼錢俾你玩,你果愈大愈賺,又購免息期。
      我卡數長期欠50至100萬,幾年黎都冇還過本金,D銀行優惠又貼錢俾我,連使費都冚埋再玩埋電子支付賺分,爽到呢。

      刪除
    4. 每期月結單都唔洗還最低付款額,次次用另一張卡FULL PAY交,銀行真係一蚊都賺我唔到,我仲積累左幾年的強勁還款記錄,呢條友每月找數幾廿萬,果頭又積累左幾廿萬數,之後下個月又能還清,連續五六年都係咁

      刪除
    5. 而家電子支付只使用我三四十萬額左右,剩下八十萬額,我成功將六十萬左右玩信用卡套現,實際年利率4%,月平0.19%左右
      玩信用卡套現手續簡單D,果筆數又可以玩卡冚卡,可以賺下結餘轉戶D優惠

      刪除
    6. 可用信用卡供股的確幾好

      刪除
  3. lok sir 東亞信用卡結餘轉戶點玩法
    我貸款,卡數期期fullpay無遲還 hsbc 恒生申請左4次加額都唔成功 好灰囉!!!

    回覆刪除
  4. 跪求加額秘技!!!

    回覆刪除
    回覆
    1. 慢慢來不要心急,一年主動提一兩次好喇。
      申請前備有3至6個月資產的月結單,淨資產要升,月入我冇俾信不信由你。
      5萬申請加到7萬多8萬好喇,不能急進。

      刪除
  5. 無東亞卡
    想了解下信用卡結餘轉戶玩法
    上個月試完加額唔成功(用盡信用額狀態), 岩岩一炮過找晒兩張卡數 駁唔駁多次好? 駁既試咩金額好呢 宜家HSBC 98000, 恒生 130000

    回覆刪除
    回覆
    1. 唔,
      建議你維持兩個月低結欠,唔去加額,直接去申請新卡,去申請大新卡,如獲批你可玩大新冚恆生冚大新冚恆生冚冚冚,都算係結餘轉戶,但冇東亞卡咁著數。

      仲有,你留番張拒批加額果封信去環聯查下,可知死因,你去拎報告不影響評級的。

      刪除
    2. 剛剛找數要等資料上報環聯再去影響評分因子都有時差的,通常佢地出月結單先上報一次,所以可以有一個月時差,不能急

      刪除
  6. 明白 唔該晒!!!咁唯有5月先再試下, 仲想請教一下恒生做抵押透支手續費係每月點樣計算,同埋咩情況下會唔批呢?

    回覆刪除
  7. 其實知唔知呢, 銀行點睇得出強大還錢能力。因為銀行間間都係上31號個結餘上TU既, 又假設次次月中時月結單限期前卡CUM卡再係月底前再刷一筆數, 係TU個balance永遠都唔會變, 好想知銀行咁樣之下睇唔睇得出有不斷還錢, 個balance永遠都唔變, 同還min pay既情況有D似, 除非還min pay TU 會有唔同既record, lok lok有冇D咩見解LOL

    回覆刪除
  8. 作者已經移除這則留言。

    回覆刪除
  9. lok sir, 請問你覺得"大新冚恒生冚大新恒生" 呢個cycle值得最多做幾多次? 因為大新冚恒生都要收1%
    係咪只有諗住筆錢賺到超過1%先應該咁樣做?
    另外結餘轉戶/套現信用額其實都好高息(4%左右),好次好少產品有咁高回報,你覺得投資乜野可以賺番呢4%?
    唔該晒你嘅分享!

    回覆刪除
    回覆
    1. 結餘轉戶玩東亞啦,東亞貼錢仲免息,東亞年年都做呢D優惠,洗咩4%,倒賺呀

      舊文
      https://90shkplantsmoney.blogspot.com/2018/06/blog-post_27.html

      刪除