5月22日一開市不久又買回2萬股恆科ETF，又返番去500000股。微調一下減磅公式。下次等到佢升到200×105%萬=210萬市值先搣走10萬蚊（下次大概是4.2元...）同樣仍然是美好的想法是...搣極都仲有200萬恆科係倉。
目前持倉：
恆科ETF，500000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）
昨日抽空親臨大新銀行，開個孖展戶口，年利率是5.25%（佢話），嘩咁咪平過券商一丟丟（我見佢地介乎P+1%至+2%左右），咁就申請個玩下，不過銀行效率慢，佢話要搞十幾日喎，搞成又多百幾萬額度搞搞震，好不好掃些股賺息差呢～
5月16日一開市恆科4蚊，4蚊×500000股，就是200萬，減下磅先，減持20000股咁大把。下次等到佢又升到200萬市值再搣20000股（下次大概分別是4.167，4,347，4.545，4.762，5元...）美好的想法是...搣極都仲有200萬恆科係倉。
重倉的平保發威，目前只剩恆基和騰訊未轉色。恆科的浮盈較多，所以首先實行［慢慢搣］，平保才剛轉色浮盈才4%，唉，多飛一會兒才［慢慢搣］吧...
目前持倉：
恆科ETF，480000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）
之前提到我係更亭裡面還會操肌，怎麼不來一張近照呢，不過線條始終唔夠明顯，還得進一步［提純］…難啊...
近排身痕行左入商場招聘攤位，見到保安員原來又舒服人工又OK，做替更現金出糧都有800蚊日，心動左，唔知痂左邊條筋，真係仆左去讀保安，讀兩日，兩日中途都有人上黎「獵頭?」請人。
佢地真係幾用心打電話叫人見工，反正我舊職業而家正處於「開工不足」和「拖糧」，而且自2018年已經沒咩加人工仲想減，反而保安連年上漲令人羨慕，反觀自己著實令人氣餒，最後真係轉左去做食蕉，仲特登做夜更，有冷氣，又少人，仲有WIFI，而家係更亭補睇海賊王，以前我煲到600+集，睇黎有望跟上進度，仲有鬼滅、咒術等等一大堆都未得閒睇...
今年第二季開始我就hea緊......嘆冷氣嘆WIFI嘆動漫仲嘆住收人工，又剛好渡過最熱的月份又能追上動漫進度，收入雖然好像輕微下降左(每月16XXX)，但對於生活質量而言卻是上升左，真係唔知有冇賺。
為左保持身體質量，係更亭裡面我隔日就練胸做掌上壓和翌日練二頭肌做彎舉，有固定上班時間地點令我能配合身體制定飲食計劃和訓練計劃，居然體重輕左2KG，根據運動手表連續31天平均值，正是脂肪下跌了2KG，同期肌肉量水份量均持平，只減脂不減肌？如果是，好開心～～～
目前持倉：
恆科ETF，500000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）
今年大市希望翻個身吧，隨著連跌4年間投入資金愈來愈多，股數上升槓桿愈來愈大，如重返22700，我的淨值就足以突破歷史高位了。
股息收入大於工作收入（表面上），但仲有D信用卡套現和免息家人借款，都是一般吧，睇下hea完個新人獎有冇得升其他崗位，冇就轉場搲另一個新人獎兼逗個利是。
唔好睇少食蕉呀，可能你樓下個夜更正是像我一樣...
粵海投資，150000
中國平安，30000
騰訊，1400
京東，66（騰訊送的，遲早掟走）
美團，140（騰訊送的，遲早掟走）
恆基地產，24459（月供股票）
3032恆生科技ETF，80000
2823安碩A50ETF，20000
之前把新意網掟了，減息，後來平保被唱，我認為為流料居多，加上都7%，在38.5和今日36.6元增持了。
最近沒啥好搞的，電子錢包賺分已經窮途末路，但以前做落的間接效果是大大提高了我的信用卡額度。之前申請了mox信用卡，勁賺，可以0%信用卡套現，然後我玩左兩三個月試下水，操他的第3個月把我mox信用卡額度腰斬仲停左我轉賬功能，你ma的。
目前偶有電話推銷借錢，在冇收入證明情況下即批了我的係花旗和安信，現在美國國債5+%，花旗仲批到我實際年利率4.49%，好喇我要。然後安信呢個財仔，居然都做到實際年利率4.8×%就是現在港鐵站內的廣告月平息0.2%那個，居然低於P，財仔你直接買美國國債不好嗎？是但，低於P我都借，多多都要。我投資組合平均收息如無特別都是大於或等於P的。
最後，近日有張sim 信用卡，我申請左，睇下有沒有搞作先。
