電能實業派特息兼增中期息，發喇

　　今日收市後，電能實業公布截至今年6月底止中期業績，純利40.24億元，按年升15.77%，派中期息77仙及一次性特別股息7.5元。

　　我以月供股票持有電能實業，至今已累計增至1578股了，特別股息7.5元可收取11835元，再加中期息77仙的1215元，八月尾有約13000元袋袋平安。

　　另外，長江基建又繼續增派息神話喇，中期息由63仙增至67仙，呢度八月尾又收1300元。電能實業身上現金不多了，冇收購的話明年可能還有一次特別股息，之後就看看有冇財技觀賞了，即使冇動作，電能實業餘下資產仍足以應付以往派息。

家人叫我幫佢買2198三江化工，真心唔想買

　　2198三江化工，咩黎架？下午收到電話叫我幫佢買，有D事阻一阻忘了買，OH NO!!仲要尾市升多下，下周再不買入2198就進入對賭局面了。

　　家人有錢身痕，涉足小型股票，令我不安，呢個訊號值得我提高警覺。

北京控股今顯著上升，仲有其他可考慮

　　早前於除淨前以38.35買入了00392北京控股，就是覺得便宜，簡單一計旗下上市公司應佔權益已經係自己市值，又係果句，餘下資產又係送俾你的，仲倒貼添。

　　隨便一看就見到北京控股持有：
北京燃氣藍天
中國燃氣
北控水務集團
北京控股環境集團
中生北控
　　隨便算一下就四百幾億，就算今日升８％都係便宜

　　唔睇佢都仲有幾只大股係咁，仲比北京控股更便宜更便宜更便宜，就係恒隆集團、會德豐、太古等等，佢地旗下上市公司本身並非高市賬率一族，作為地產股已經打折了，要說子公司估值高實在零說服力，除了「真-便宜」別無解釋，升到26000都仲有平貨執。

　　呢四只過去曾增持或回購，如能進一步加大力度就好了。

20170702，半年結

　　6月增持6823及392，並收了1883及533息，6月4日再創歷史高位。

　　投資組合除了股票或現金，今年新增「物業」，出現多項一次性支出，今年馬上由升轉跌，倒插10%，「物業」自此每月定期吸血，中了異常狀態的我預期今年的不計物業淨資產將有一成下跌空間，未來有減持股票誘因。

截至20170702，目前持股：

00001 　-     4000股 　- $ 98.00

00083 　-     4000股 　- $ 12.80

00392 　-     3000股 　- $ 37.65

01038 　-     2000股 　- $ 65.60

06823 　-   35000股　 - $ 10.24

00266     -   14000股     - $   8.89

00006　 -     1355股　 - $  68.95  (月供股票)

00008     -       711股     - $   4.44  (月供股票)

00533     -   18000股    -  $   3.48
01883     - 150000股    -  $   2.50

87001　 -   96402股 　- $   3.11 (人民幣)

80737　 -     5000股 　- $   3.92 (人民幣)

組合總市值：$2066180

加上手上現金再減負債後，不計物業淨資產：$626491

物業供滿率：1.389%

2016年12月31日的淨資產：$702127，變動為-10.77%