總結敗筆展望將來

敗筆A，以前的老毛病［往績息率］，買了粵海投資。新管理層上任把2018年訂下的股息方針干沒了。因為初初條數係計佢9厘股，斬一下得番⅔，新的股息率下，貌似有更多候選股。最後認了，在現有投資組合中挑了中國平安，全數換入中國平安算了。

敗筆B，［涉獵廣］，以前曾經有成十只或以上股票，還是太多了，當全面跌市，要撈底了，每只都跌了10%+，根本忘不過來，十只都加倉嗎？ok你加了，然後萬六，又10%+，十只都加倉？再黎，萬四，還能加？根本應付不來，完全應付不來。

敗筆C，［選股］，某某研究表明，人類選股，真的連猴子擲標都不如，真的會揀上個爛橙的，總是在錯誤的時機做錯誤的決定，真的服了，指的就是我（們？）。

在2023年，把撈底目標定為3032恆科ETF，然後僅加入一只牛市標配股港交所，然後騰訊平保恆基這批老股票繼續等，如果跌，金字塔式咁加注恆科ETF，累跌10%買10手，累跌20%買夠15手，30%就20手咁。然後今年中恆指下試15000哈哈，難熬啊！不過得虧此，平均成本拉低不少。

現在恆指22000，真的是長期均值都未算。論成本，現在入市隨時都比一直撈底的人都要低，未返家鄉者大有人在，我身邊有人熊市待太久了，剛平手輸時間的股票甚至是虧蝕大減仍未返家鄉的帶血籌碼都急不及待全都丟了，你坐貨3年就是為了虧蝕的嗎？

假如真理告訴你鐘擺定律是真的，那麼剩下的就真的是只會遲到不會缺席，我就是個超級大好友，由2022年熬到而家，我不會賺粒糖就走！互勉之！

稍微減倉，近況二

        5月16日一開市恆科4蚊，4蚊×500000股，就是200萬，減下磅先，減持20000股咁大把。下次等到佢又升到200萬市值再搣20000股（下次大概分別是4.167，4,347，4.545，4.762，5元...）美好的想法是...搣極都仲有200萬恆科係倉。

      重倉的平保發威，目前只剩恆基和騰訊未轉色。恆科的浮盈較多，所以首先實行［慢慢搣］，平保才剛轉色浮盈才4%，唉，多飛一會兒才［慢慢搣］吧...

目前持倉：

恆科ETF，480000
平保，55000
港交所，3600
騰訊，1400
京東，66（騰訊送的）
美團，140（騰訊送的）
恆基，24459（月供股票）

        之前提到我係更亭裡面還會操肌，怎麼不來一張近照呢，不過線條始終唔夠明顯，還得進一步［提純］…難啊...

        如果這樣子係健康，是真的能延壽，假設延壽了1年，等於多左最收尾果一年的被動收入，到底有幾多呢？100萬？1000萬？或者果一年值幾多長者福利金呢？只要這樣想，保持健康體魄的動力就湧上來了。

買輸硬的保險想輸少當贏

買保險十之有九點九都冇咩機會中招，除非你......

大部分保險回報大約3至4%，如果冇咩咩掛勾果D，唔好玩埋D投連險，都唔明佢寫咩。

一筆全繳最下策，因為保險你交左第一筆都賠全額，咁快俾哂錢做咩？年繳或月繳為上策，相信99%人都咁做。

之後，揀邊間保險，我相信冇人去慢慢揀，你地就撞彩吧啦，基本上同質性高，相差不大。

我們能夠做的只是想俾少D和遲D俾，儘量找一間能夠刷卡付款，仲有分賺，通常保險商都會跟銀行合作，會出聯營卡，有更多積分。

以東亞富通信用卡為例，有2倍積分，即大約0.8%回贈，以年繳10000，平均年回報3%，25年為例，25年果日大約52萬3千。（總回報209.38%）

咁如果你每次都有0.8%回贈，年繳變成9920元（總回報211.07%）
由於你刷卡有56天免息期，累計有25次，即係果10000元有1400日（3.84年），未完。恆生卡可以冚東亞卡，假設銀行條款不變，成功再延長54天，1400日變成2750日（7.53年），以定期存款3%每年重新定期一併計算，

10000元x3%的7.53次方。
變成12493元。

總成本由250000保費降至248000再降至245507元（總回報由209.38%升至211.07%再升到213.21%）

（買保險都係果句，輸梗免問，除非你死快D）
（部分保險商接受親身刷卡，咁你用花旗就有1%，但條例隨時變，如果呢間保險商幾年後不接受親身刷的話又扑X啦）

「並無計算紅利變動部分」

健康是財富，從食開始

　　早在三年前，我已經十分注重飲食，既要有益，又要便宜，食落肚的全是數一數二的好食物！健康要趁早積累，一個小習慣隨時令你長多一年命，之後就收多一年息！

　　　　　　　「多彩飲食」　「晚上無飯」　「日行萬步」

我目前正奉行：「日攝千八卡」「咪做大嘥鬼」「低糖飲食」

　　　　　　　「每日八杯水」「減排不食牛」「多菜少肉」

　　我很少外出食飯，能免則免，主要是唔喜歡有杯冷熱飲跟尾。別以為食健康野使費高，我至今平均都係每日四十多元都搞定（1800卡路里），又健康又慳錢，相不相由你。

　　每週五至七次：食紫薯干紅棗干各１５克，加埋每日兩三蚊

　　每日調味料係：高級超市調味部果Ｄ粉，全部撈埋，拎十克每日食，每日一蚊

　　每日第一款早餐係：　十穀燕麥免煮乾啃，每日五蚊

　　每日第二款早餐係：　冷藏豆腐半塊，每日三蚊

　　每日零食係：　堅果類十至三十克，每日三蚊
　　每日蔬菜係：　有咩特價就食咩，每日三至七蚊

　　每日生果係：　蘋果奇異果提子紅莓等等，每日三蚊
　　每日其他係：　太多種類了，總之是素食，每日不超十五蚊
加埋就會係四十蚊，而且已經滿足一日能量所需。

回帶相關貼文：（以下連結會轉移至另一網誌）

2017年12月25日 星期一，多彩飲食，紫色系，紫番薯

2017年10月5日 星期四，多彩飲食更健康