２，我的信用卡限額牛市一浪高一浪

　　之前講到我係２０１１至２０１３年左右的狀況，到２０１４年，我在大新卡及恆生卡早前已被我主動調升至各六萬，並申請中銀卡(費時用人地果張供股)。

　　中銀卡申請我冇俾入息證明，只係俾了過去三個月的大新ＶＩＰ及恆生優越戶口結單，兩戶口資產值都破一百萬的，當然裡面很多都是家人持股，最後批左十二萬，一舉成為我最高額的一張卡。多謝中銀！！

　　中銀批左咁多，我當然老實不客氣，每月供股金額六萬蚊，之後玩「卡冚卡」，將中銀卡供股果六萬蚊債射落大新卡度，月月玩。不過供六萬蚊真係用得太盡，只要有紅日出現令截數日延遲，我就玩唔盡果164日。所以，又部署加額。

　　２０１５年大時代前夕，就再膽粗粗實行加額行動，由於２０１４年月供的股票已積壓逾五十萬市值，剛好大時代我就將月供股票清倉九成(果陣26000點)，一口氣清還所有信用卡債，之後我主動申請調升大新卡，並再另申請張恆生卡(我想要多個截數日)。這次我比較沒有把握成功得逞，我都係俾過去三個月的大新ＶＩＰ及恆生優越戶口結單，資產值隨市上升。

　　帶著十五十六的心情日日看信箱，果陣爆升到28000點，有點後悔早左一步實行加額行動。還好，最後又俾我得逞左不然就......至２０１５年我恆生又多張卡，又多八萬，大新加至十三萬，我總信用卡額４０萬了。

　　講到呢度，講緊我係２０１４至２０１５年左右的狀況，仍然係散工一名。

中銀卡，0萬  升至> 12萬
大新卡，6萬  升至> 13萬
恆生卡，6萬  升至> 6萬+8萬

回帶相關貼文：

2018年2月21日 星期三，如何「卡冚卡」買股票？信用卡可以這樣玩

2018年2月20日 星期二，１，我的信用卡限額牛市一浪高一浪

2018年2月15日 星期四，信用卡好好玩
2018年1月19日 星期五，冇汗錢，實在太好搵

業績前部署電能實業

本月底電能實業將公佈邊一日為業績揭盅，我將在三月初再增持電能實業，亦將月供股票金額上調至信用卡額上限。

我用中銀信用卡來月供電能實業，過去一直月供兩萬，每逢業績期就加碼。希望一如所料宣派特別息五至七元，好讓我再次財色雙收。

如何「卡冚卡」買股票？信用卡可以這樣玩

　　之前講到我一直利用家人中銀信用卡月供股票，每月買成兩萬蚊，之後用大新卡，付１％手續費「冚」中銀條數，再用恆生「冚」大新卡：

２０１３年的時候，我：
假設截數日為：
中銀卡每月１０日，大新卡每月４日，恆生卡每月３０日，三卡均沒有負債。

１月１１日，中銀卡月供電能實業兩萬蚊，中銀卡結餘負20000，獲二萬分。
２月１１日，中銀卡月供電能實業兩萬蚊，中銀卡結餘負40000，獲二萬分。
２月１３日，收到中銀月結單，只有一月供股交易，提醒你３月６日找數。
３月　５日，用大新卡「冚」中銀卡，手續費１％。
３月１１日，中銀卡月供電能實業兩萬蚊，中銀卡結餘負40000，獲二萬分。
３月１３日，收到中銀月結單，只有二月供股交易，提醒你４月６日找數。
４月　５日，用大新卡「冚」中銀卡，手續費１％。
４月　７日，收大新月結單，只有二月中銀卡交易及$200手續費，５月２日找數。

４月１１日，中銀卡月供電能實業兩萬蚊，中銀卡結餘負40000，獲二萬分。

４月１３日，收到中銀月結單，只有三月供股交易，提醒你５月６日找數。

５月　１日，用恆生卡「冚」大新卡，手續費０％。

５月　５日，用大新卡「冚」中銀卡，手續費１％。

５月　７日，收大新月結單，只有三月中銀卡交易及$200手續費，６月２日找數。

５月１１日，中銀卡月供電能實業兩萬蚊，中銀卡結餘負40000，獲二萬分。

５月１３日，收到中銀月結單，只有四月供股交易，提醒你６月６日找數。

６月　１日，用恆生卡「冚」大新卡，手續費０％。

６月　３日，收到恆生月結單，只有四月大新卡交易，提醒你６月２８日找數。

６月　５日，用大新卡「冚」中銀卡，手續費１％。

６月　７日，收大新月結單，只有四月中銀卡交易及$200手續費，７月２日找數。

６月１１日，中銀卡月供電能實業兩萬蚊，中銀卡結餘負40000，獲二萬分。

６月１３日，收到中銀月結單，只有五月供股交易，提醒你７月６日找數。

６月２７日，終於由自己儲蓄戶口嘔出20200蚊交恆生卡。

　　　　　　已積累十二萬元的電能實業，及十二萬分（換到４張百佳100蚊了）

工具：大新卡中銀卡恆生卡的信用額每張必須大於４００００，我當時最細果張都六萬。

　　　　　　　　中銀卡，大新卡，恆生卡，股票戶，恆生儲蓄戶
於１月１０日時，ＮＡ　　ＮＡ　　ＮＡ　　ＮＡ　　　　0
於６月２６日時，負40000　負40400 負40400　120000　　　ＮＡ
於６月２８日時，負40000　負40400 負20200　120000　+賣股+工資+股息-20200
　　　　　　　　　　　　　　　　　　　　　　　　(儲蓄結餘因人而異)

＊＊＊現在中銀月供股票信用卡積分已下調至每月上限一萬＊＊＊
＊＊中銀卡，大新卡，恆生卡截數日可致電客服更改＊＊

唔好同我講，你冇錢買唔起股票，如果我當初選擇月供騰訊，我想……我已經出書了！

回帶相關貼文：

2018年4月18日 星期三，＜精華＞玩冇汗錢不能沒有恆生信用卡
2018年2月20日 星期二，１，我的信用卡限額牛市一浪高一浪

2018年2月15日 星期四，信用卡好好玩
2018年1月19日 星期五，冇汗錢，實在太好搵

１，我的信用卡限額牛市一浪高一浪

　　首先呢，我做散工，真係冇入息證明可言，我手上的信用卡去申請前都真係只用資產：

　　第一張申請係恆生信用卡，七年前左右？我當時特意升到優越理財，果陣優越理財係五十萬起的，我申請前已維持資產淨值在五十萬以上，完全冇俾入息證明，都批左我五萬。此前，一直是恆生用戶，由０上到五十萬級。不過，當中有唔少錢都是家人ＡＢＣ的，看來借外力揼大個資產淨值係有用的。

　　之後，再去大新銀行，開ＶＩＰ理財並再一併申請大新ＯＮＥ＋白金，ＶＩＰ都係五十萬級，冇俾入息證明，都批左兩萬。

　　恆生信用卡可以玩「卡冚卡」，想賺冇汗錢的話，這是必須！！整過「卡冚卡」過程可以幫你再遲最多56天才找數：例如以下：
　　　
　　３月１日大新信用卡負一萬，假設大新截數為每月２８日
　　４月２６日要為大新找數
　　４月２５日用恆生卡交一萬俾大新，假設恆生截數為每月２４日
　　４月２５日恆生負一萬，大新為零，恆生「卡冚卡」０％手續費
　　６月２２日要為恆生找數
　　６月２２日才由儲蓄戶嘔出一萬還恆生

３月１日簽１００００，俾你拖到６月２２日！
恆生信用卡截數日可以叫客服更改，改到最正果日，爽！！

　　在此時，我一直利用家人中銀信用卡月供股票，每月買成兩萬蚊，之後用大新卡，付１％手續費「冚」中銀條數，再用恆生「冚」大新卡，維持近一年，期期準時找數，好像形成了高信用評分的樣子，部署下一步先。自獲得首張信用卡後，再申請多一張恆生卡，並主動要求調升大新信用卡限額，都係冇俾入息證明，果陣有客服打黎叫我補文件但我都係咁同佢講，佢覆我可能影響批核結果，不過還是順利得左喎，恆生共十二萬大新六萬。過去一年，我兩間銀行戶口的資產淨值都在五十萬以上。

　　講到呢度，都仲係講緊我係２０１１至２０１３年左右的狀況

回帶相關貼文：

2018年2月15日 星期四，信用卡好好玩

政府派錢唔派錢

派錢，18歲以上人人受惠，唔派，留存政府，有人得米有人乞米。

派，剛成年未貢獻的一班最開心，剛來港又係未貢獻的又最開心，算死草著數計到盡的人都開心（我？）。

由於唔派的話，錢最終十之有九流向長者或草根或富裕的人，對而家剛畢業或畢業唔耐的青年無甚幫助（我呀），加埋澳門做壞榜樣。而且派和唔派，D基層和長者等等都已經係受惠的一班。財爺也許小小地意思一下，派一屆都好。

我身邊有很多同學都是低薪一族的，派一次對佢地幫助有限，好過冇囉。大學畢業的出來起薪點已不高仲要俾家人搲家用，中五出來的做藍領用汗水換金錢，搵得仲多過大學生，不過入職訓果段學徒時間得月薪幾千。也有一出來做司機跟車或sale屎，月入得果一萬，個個月得番幾千蚊剩下，拍下拖充下大頭鬼又冇左。佢地已經洗左上次果6000蚊，冇左影了，不過我例外。

因為我對長建頗有信心，又奉行單身主義（其實係，不能為子女提供較佳起跑線不如唔鬼生！既然唔打算生，拍拖做咩，做玩家浪費別人時間嗎？）又冇咩支出，我覺得果6000丟進長建，按每年增長一成，十年左右已經翻一番。我真心想政府派，我會將果6000馬上再投資唔會洗左佢，我喜歡睇住D數字上升，好好睇，睇住佢一日比一日大。

信用卡好好玩

　　有信用卡對於我來說，等於多了一個可以跌穿負值的戶口，信用額就是負值限額，假設有張大新卡信用額為２５０００蚊，３月１日透過支付寶及微信轉賬５０００元給家人，再由家人轉回到銀行儲蓄戶口：

假設信用卡截數為每月２６日，大新信用卡為ONE+白金，回贈為1%：

　　　　　　　　大新信用卡　家人支付寶　家人微信　　儲蓄戶口

　２月２８日　　　　　　０　　　　０　　　　　０　　　　　０

　　３月１日　負１００００　５０００　　５０００　　　　　０

　　３月５日　負１００００　　　　０　　　　　０　１００００

　３月３０日信用卡收到月結單，提示你４月２５日找數，並獲回贈１００

　　４月１日　負１９９００　５０００　　５０００　１００００

　　４月５日　負１９９００　　　　０　　　　　０　２００００

　４月２５日　負　９９００　　　　０　　　　　０　１００００

　４月３０日信用卡收到月結單，提示你５月２５日找數，並獲回贈１００

　　５月１日　負１９８００　５０００　　５０００　１００００

　　５月５日　負１９８００　　　　０　　　　　０　２００００

　５月２５日　負　９８００　　　　０　　　　　０　１００００

　５月３０日信用卡收到月結單，提示你６月２５日找數，並獲回贈１００

　　６月１日　負１９７００　５０００　　５０００　１００００

　　６月５日　負１９７００　　　　０　　　　　０　２００００

　６月２５日　負　９７００　　　　０　　　　　０　１００００

直至大新更改賺分條款前，無限無限無限地

ＬＯＯＰ

：

：

：

　　每月５日至２５日戶口有２萬現金，２６日至翌月４日為１萬現金。

上面仲有進階版本可以玩，完全零付出，無汗錢！！
上面戶口使用本金為０元，年回報為１２００元，回報率為ＥＲＲＯＲ！

繼續持有電能實業靜待三月業績

我對三月業績有特別息有信心，連同恆常派息料派七元以上。早前，電能曾升至69蚊，可惜股市調整，跟市回落到65蚊附近，剛剛好就到我月供股票的日子，能以65蚊左右月供電能實業，買多十幾股。

誠哥，我作為小股東都揸了電能好幾年，收齊哂你D特別息。

新意網荃灣改劃項目

路經此地，拍照留念。

新意網業績繼續上升

昨日新意網公佈業績，升45%，新意網的將軍澳數據中心料會成為未來數年增長動力，之後由荃灣項目接力。估計，未來數年會以10至30%速度增長。
新意網目前仍然是我第一二大持股，擇機增持，執筆時美股又插千點，我全不擔心。
我持有我長建及電能屬公用股，美股跌一萬點都唔會點影響佢地。北控系及光大國際，佢地受國策支持，係環保股又係公用性質，驚咩？
之後香港電訊基礎收入穩固，派息在競爭增加下仍保持上升，有強大龍頭優勢，股息因素可支持股價，現價七厘邊度搵？
基本我只剩科技股騰訊及新意網，仲有平保會隨市上落，三只加埋都係影響有限。由20000點揸到33500，回果幾千點，唔洗震過貓王喎。

於今早十時以5.28再增持11000股新意網。

20180201，一月結

　　1月我月供股票繼續是電能實業，本月，用5.63元增持了北控水務（0371.HK）。得力於新意網、長和系和騰訊上升，賬面一個月就上升22萬，真係個好開局。

截至20180201，目前持股：
00001　- 長和　　　　　４０００股  -＄１０５.５０
00392　- 北京控股　　　６０００股  -＄　４７.９０
08008    - 新意網　　　８３０００股  -＄　　６.１３
02318　- 中國平安　　　１０００股  -＄　９１.１０
01038　- 長江基建　　　５０００股  -＄　６８.９５
06823　- 香港電訊　　３５０００股  -＄　　９.６６
01928　- 金沙中國　　　　４６３股  -＄　４５.３５（月供股票）
00006　- 電能實業　　　３４３３股  -＄　６８.６０（月供股票）
00257    - 光大國際　　１００００股  -＄　１１.８６

00257    - 北控水務　　２００００股  -＄　　５.６４（扣除家人後持有）
00772    - 閱文集團　　　　４００股  -＄　８０.７０（扣除家人後持有）
00700    - 騰訊控股　　　１１７５股  -＄４６０.００（扣除家人後持有）
87001    - 匯賢產業　　１０４２１股  -＄　　３.２２（人民幣）
80737    - 合和公路基建　４０００股  -＄　　３.８７（人民幣）

股票總市值：$3116123

物業供滿率：30.21%(25%已付首期+75%x9/144)
加上手上現金再減負債後，計入物業後淨資產：$1399233

對比2017年12月31日淨資產：$1175933，上升+18.99%

回帶相關貼文：

2017年12月31日 星期日，20171231，十二月結

2017年12月3日 星期日，20171203，十一月結
2017年11月3日 星期五，20171103，十月結

2017年10月3日 星期二，20171002，九月結

2017年9月3日 星期日，20170903，八月結