做左食蕉已經8個月，夜更，每晚打著瞌睡，半只眼工作。然後，近幾個月我逐漸適應左呢種節奏，可以安排日間去秘撈，夜間做保安，碎片時間都被我用了，連寫個網誌都冇力，一有時間就打瞌睡。
一星期七日，逢一三五日或者二四六，隔日秘撈，最近3個月計，秘撈連同保安薪金，而家每月搵3萬幾，比起上年搵銀更多，其實本人並無打算那麼［搏］，但以前班老闆問我有沒有空去安裝，我反正材料工具齊全，送上門的兼職，老闆又能遷就我早開工早收工，仲可以用［我要補眠］為藉口早退，想著還不錯還行。
隔日秘撈令我睡眠時間大減，秘撈日可能只能睡2小時，之後就靠係保安室打瞌睡補回了，沒秘撈果日就一回家光速昏迷但都係訓10個鐘左右，拉平均每日睡6½小時。
股票方面，沒任何變動，一波冲上23000果個浪減持套現的現金還在哂日光。
