測試此欄進行中

2018年2月25日 星期日

2,我的信用卡限額牛市一浪高一浪

  之前講到我係2011至2013年左右的狀況,到2014年,我在大新卡及恆生卡早前已被我主動調升至各六萬,並申請中銀卡(費時用人地果張供股)。

  中銀卡申請我冇俾入息證明,只係俾了過去三個月的大新VIP及恆生優越戶口結單,兩戶口資產值都破一百萬的,當然裡面很多都是家人持股,最後批左十二萬,一舉成為我最高額的一張卡。多謝中銀!!

  中銀批左咁多,我當然老實不客氣,每月供股金額六萬蚊,之後玩卡冚卡」,將中銀卡供股果六萬蚊債射落大新卡度,月月玩。不過供六萬蚊真係用得太盡,只要有紅日出現令截數日延遲,我就玩唔盡果164日。所以,又部署加額。

  2015年大時代前夕,就再膽粗粗實行加額行動,由於2014年月供的股票已積壓逾五十萬市值,剛好大時代我就將月供股票清倉九成(果陣26000點),一口氣清還所有信用卡債,之後我主動申請調升大新卡,並再另申請張恆生卡(我想要多個截數日)。這次我比較沒有把握成功得逞,我都係俾過去三個月的大新VIP及恆生優越戶口結單,資產值隨市上升

  帶著十五十六的心情日日看信箱,果陣爆升到28000點,有點後悔早左一步實行加額行動。還好,最後又俾我得逞左不然就......至2015年我恆生又多張卡,又多八萬,大新加至十三萬,我總信用卡額40萬了。

  講到呢度,講緊我係2014至2015年左右的狀況,仍然係散工一名。

中銀卡,0萬  升至> 12
大新卡,6萬  升至> 13
恆生卡,6萬  升至> 6+8


回帶相關貼文:


15 則留言:

  1. 師兄可唔可以講下:
    假如當日你遇到熊市既話,你會如何應對?
    THANKSS

    回覆刪除
    回覆
    1. 當初月供電能實業,足見我早已嚴防熊市
      真係連電能實業都插33%都影響不大,我可以即時減月供金額,並以大新恆生「互冚」,實際年利率升為6%,但我當時預料未來5年電能實業增長率10%以上,輸面甚低。

      刪除
  2. 請教一下,信用卡互冚165日後你都要找卡數的,只是將找數期延遲,師兄可以指教一下嗎?

    回覆刪除
    回覆
    1. 請問hk credit card 係咪沒有透資利息的?
      轉wechat也沒有嗎?

      刪除
    2. 支付工具一律當飭零售交易,但未必有積分,不當透支。

      刪除
    3. 165日或之前會等到有賺沽出電能實業找數
      如果未到價,先用165日內賺到的工資(已積累40400蚊)交第一期20200元
      165+30日又未到價,又用工資(已積累40400-20200+6733蚊)交第2期20200
      165+30+31日又未到價,又用工資(已積累40400-20200-20200+6733+6733蚊)交第3期20200
      165+30+31+30日又未到價,又用工資(已積累40400-20200-20200-20200+6733+6733+6733蚊)交第4期20200
      歷時9個月先入肉,積累9次x20000=180000電能
      除非跌浪持續9個月而且每次月供價格均比上月低,反彈浪又低於上月月供價格,否則我仍長線勝率高於50%。

      刪除
  3. 6733$是每月存款嗎?

    如第三期工資已經不夠交錢。

    請問恆地卡透資是否沒有利息,因為我是澳門,感謝師兄耐心回答

    回覆刪除
    回覆
    1. 恆地卡是指哪間銀行的?
      6733$是每月平均存款
      如第三期工資已經不夠交錢,則歷時8個月先入肉,積累8次x20000=160000電能
      除非跌浪持續8個月而且每次月供價格均比上月低,反彈浪又低於上月月供價格,換言之,你最遲要第八月決定沽出減磅或:
      1.大新卡冚中銀卡
      2.恆生卡冚大新卡
      3.大新卡冚恆生卡
      4.恆生卡冚大新卡
      5.大新卡冚恆生卡
      :
      :
      上述可以無限LOOP,但每次經大新轉手就會被收1%手續費

      刪除
    2. 感謝師兄的教學。
      上述的卡是因為係尊貴客戶才免卡冚卡的利息嗎?
      據我理解透支有3.5%以上息,而且是日算

      刪除
    3. 進入恆生網上銀行按「繳費」可以選擇大新卡,不是透支。
      進入大新網上銀行按「繳費」又可以選擇恆生卡,不是透支,但寫明交任何金融機構有相當於金額1%手續費。
      絕非透支絕非透支絕非透支絕非透支絕非透支
      大新任何卡都係1%手續費
      恆生任何卡都係0%手續費
      就我而言,所有銀行我都只係得張白金卡,沒有尊貴客戶
      我用以下的:
      大新ONE+白金
      中銀GOODDAY白金
      恆生白金好普通
      但要注意,想在網上銀行的「繳費」繳交大新或恆生或中銀卡,要問銀行拎表格填上果幾間銀行的卡號碼才行,一星期左右完成。

      刪除
    4. 感謝大大分享!
      因為澳門沒有網上繳交銀行卡這環節。
      使用這個操作,感覺在行走鋼缐,感覺必須清楚自己的現金流,否則一身債。

      刪除
  4. 文中提及(不過供六萬蚊真係用得太盡,只要有紅日出現令截數日延遲,我就玩唔盡果164日。所以,又部署加額。)

    請問紅日令截數日延遲與加額有什麼關係?

    回覆刪除
    回覆
    1. 係咪因為中銀12萬額,所以大新和恆也要加大?

      刪除
    2. 截數日遲左,咁你打算7號用a卡交b卡,A截8號,而你a卡真係7號去找數咪得番28日免息期,當下一期截數日冇遲就會出現兩筆數重疊,呢兩筆要同日找數即是會變成40400。
      就唔正日子隨時出現一結單內有三筆數,如果每筆係20200,你的信用卡額會打穿六萬,因為我得六萬額,所以我要頻頻加額,實戰中找到這些技術性問題。

      刪除
    3. 如果你要用盡56日免息期
      假設月供股票20000蚊
      中銀卡會在供股後55天積累40000負債,
      大新卡找中銀,找兩次數後持續負債20200至40400之間,如撞上延遲截數日,或者會有數天是負債60600
      之後恆生找大新,找兩次大新後持續負20200至40400,如截數日遲左,有幾日會負60600
      由此,中銀卡額要40400以上,大新及恆生60600以上
      如打算大新卡互交恆生,這兩張更要60600x2,即各至少少121200。

      刪除