下星期大豐收，收息七萬

　　今月底將收取長和、長建、‵電能及香港電訊的股息，分別兩萬幾、一萬幾、兩萬幾、一萬幾，共七萬三千多元冇汗錢！辛苦哂誠哥，股息又多左，雖然D股價表現就.................

　　另外，終於要兌現渣打信用卡Ｄ現金回贈，主要係因為張卡得果三十萬額，居然唔夠用喎！數日前已經用到去２９ＸＸＸＸ了，焗住提早還款，下星期收到４６１５蚊冇汗錢。

　　我賺冇汗錢就叻，但D入市時機同選股就麻麻了，由20000點揸長和系揸到30000點，你話丫，唉！之前買左北控水務，一買就插喇，而家彈番D，我個圖表立馬好睇左，仲就快破頂添。

　　黎緊六月，仲有平保、北控、北控水務、煤氣、恆基、金沙、光大綠色、光大國際的股息。啦啦啦.......工作意欲一天比一天低，冇汗錢一天比一天多，之後再準備一下，去一通開戶買碎股，職業股東，又食又拎笑呵呵。