測試此欄進行中

2019年3月26日 星期二

月供股票變更,主力供恆基

早前,已經酌量減持煤氣2000股,目前最新仍持有7577股,恆基地產就升至1904股了。

恆基地產身上全是寶,雖則我對佢投得美利道項目感憂慮,但身上眾多的寶貝足夠踢走呢個因素。

恆基身上近四成的煤氣已經係一寶,如果實物分派,李家都仲有多數控制權三成,同另一個李家一樣。

之後就係一大堆唔見光的舊樓重建項目,唔係有心搵,你都根本唔知佢係邊度就快收夠籌強拍,總之年年都見報,近排又強拍左大角咀和紅磡啦,其實佢手持的舊樓市值到底有幾多架,唔該。

恆基油塘灣項目有幾百萬尺樓面,可售資源係幾千伙,幾百億級項目,呢幾年會黎料,人工島果堆麵粉講緊203X年先有,呢個油塘灣搣到2022都得。

而農地轉換的話,恆基又大把農地。而恆基租金年收入70億賺五十幾億,年年五十幾億冇汗錢足夠公司任何發展。

暫時睇呢真係,論增長阿媽比阿仔稍勝,論股息又多過阿仔,論估值唔洗問,比起阿仔非常便宜。

由今日起,即下月開始,以月供恆地取代煤氣。




5 則留言:

  1. 本人持有恒基實股,未开始月供股票,現也盤算供阿媽定仔,供阿仔其實变相買內地燃氣股会有政策風險,若供阿媽又會覺得地產業跟利率有週期性,當然加息期已結束,變相有放生咗D地產股,起碼來緊三五年也不太差吧

    回覆刪除
  2. 作者已經移除這則留言。

    回覆刪除
  3. 師兄 我想月供恒基 一個月供15000 一直長供一隻 會不會風險過大?

    回覆刪除
    回覆
    1. 我覺得一般,相比起風險最高的輪證和風險最低的定存。
      既然有財力月供15000,真係覺得風險大,不如5000蚊公用5000蚊恒基5000蚊恆指或國指。

      刪除