物業管理股？

　　昨日睇經濟通，介紹物業管理股，香港上市得綠城服務、中海物業和彩生活，三只都是小市值，息率低，「可能」高增長的。

　　如果以我用家角度(係香港)，D管理費好像年年上升，同時自己沒有話事權，即使業主法團投票，基本上方案只有+5%定係+10%你選啦。唔知內地係唔係咁呢？

　　表面地睇，物業管理真係一門現金流強勁又穩定的業務。睇番香港的話，本地地產商都冇咩把旗下的物業管理業務放出去? 係唔係變相話你知好好搵？

　　即使真係咁好搵，仲有高增長可以吹水幾年，以現時1%至2%股息率，每年增30%：

　　＝1%x1.3x1.3x1.3x1.3x1.3=五年後才3.713%？現價看來買是買收租股更放心？

　　未詳細找尋內地物業管理業務狀況，或者就算去找，都半信半疑，只會買入少量金額。以綠城服務、中海物業和彩生活，暫時看來也只留意中海物業，圖佢國企信得下，但就唔知佢有冇咁巴閉對母公司管理費大加特加了。綠城服務和彩生活應該是極力南征北伐中，資本壓力可能較高，只好狂對小住戶吸血。