倉已滿，牛市做咩好？

由熔斷風暴至今，我一直重倉，大部分時間持倉比例超過100%，插到22000附近時已經逐步增持至200%或以上。目前仍在月供電能實業，持倉仍然緩緩上升，至昨天我手持142萬控制304萬股票。

近來股票九升一跌，升幅的賬面利潤日日上跳，個心難免跟著一齊跳。不過都係小兒科，2015時跌一千點咁去我都冇感覺啦。

而家有貨的，繼續坐，冇貨的，都唔好勉強入市，不過如果你真係後者，入市時希望話俾大家知。

之前一直話好忙好忙，至今都冇買股票，甚至連股票戶口都冇，我坦然你以往可能是「你不理財，財不理你」。

我早已準備好，就是為了牛市冇野做，牛市裡面就是看你坐貨功力了。我的300萬股票正在等候時機逐步退出，即使時機未到，每次股息都會自動幫我減槓桿，雖然我欠款頗高，但果d欠款都是在低潮時儲落的，而家升左咁多，還款都還得特別疏爽。

目前就是等，日日行夠一萬步，食清d，有工就開，得閒搵下d收息股名單，研究下賺分賺冇汗錢。