測試此欄進行中

2018年4月30日 星期一

20180430,四月結

  四月我月供股票是恆基地產及中華煤氣,下月重新開始月供電能實業。月尾,增持了很少雲南水務。

  本月很忙,賺了不少有汗錢,都是別人找我,我都不怎麼主動了。呢個月玩支付寶P2P轉賬,拎左過百個$1.8,簡直係通縮!!買食材成本急降,全部打散買,慳左好多,仲幫其他家人買野套現,正呀。今個月仲係我出生月份,D積分係咁黎擋都擋唔住。

  仲有,上月俾人借了三萬蚊求救,今月本利返還,再加埋之前申請信用卡一堆迎新呀推薦獎勵呀,本月有近萬蚊冇汗錢入賬,當中亦包括四大支付工具賺分。

  呢個月恆生仲送左張優越理財信用卡俾我玩,我恆生信用卡信用額卡升至38元了,唔好以為升到咁高用唔著,其實都係唔夠用架,我兩下就會用到盡,我渣打每月都有15至16萬要恆生卡冚,大新果度又有每月13至14萬要恆生卡冚,我其實要(14+16) x2=60萬先可以玩到極限。


截至20180330,目前持股:
00001 - 長和     5000股  -$ 93.10
00392 - 北京控股   6000股  -$ 39.50
08008    - 新意網   94000股  -$  4.67
02318 - 中國平安   1000股  -$ 77.75
01038 - 長江基建  12500股  -$ 62.10
06823 - 香港電訊  35000股  -$ 10.34
01928 - 金沙中國    463股  -$ 45.75(月供股票)
00006 - 電能實業  10641股  -$ 58.45(月供股票)
00003 - 中華煤氣    858股  -$ 16.44(月供股票)
00012 - 恆基地產    106股  -$ 50.05(月供股票)
00257    - 光大國際  10000股  -$ 11.08
00371    - 北控水務  60000股  -$  4.60
01257    - 光大綠色   5000股  -$  7.36
00807    - 上實環境   5000股  -$  2.57
06839    - 雲南水務  10000股  -$  3.10
00772    - 閱文集團    400股  -$ 63.50(扣除家人後持有)
00700    - 騰訊控股   1175股  -$391.00(扣除家人後持有)


股票總市值:$4018135
物業供滿率:31.25%(25%已付首期+75% x12/144)
加上手上現金再減負債後,計入物業後淨資產:$1322274

對比2017年12月31日淨資產:$1175933,上升+12.44%

回帶相關貼文:

20 則留言:

  1. 師兄,有兩個問題想問。
    1)想請教你的股票係用恆生,中銀,大新,定渣打持貨?2)另外想問恆生孖展息率係P-1%,可同時申請恆生抵押透支?貸款50%,利息5%(只還利息?是12個月後才還本金?)
    用左成朝追哂16,17年師兄發跡史,平凡的人也可成為不平凡,有否考慮出書,哈

    回覆刪除
    回覆
    1. 息率係P%
      只還利息,利息每月結算,1月1日用了60000,2月1日會變成60250,3月1日60501.04
      出書教人玩支付工具嗎?

      刪除
    2. 恆生的抵押透支跟股票孖展可否同時進行?抵押透支可不還利息本金?直至透支額大過股票市值50%會收取十多厘息? 網上很少人分享抵押透支

      刪除
    3. 可同時進行
      股票孖展要真人開戶,抵押透支網銀按幾下就行。
      我從不讓透支額穿50%,不太清楚,你100萬股票抵押透支出50萬玩,共150萬股,如果呢150萬跌到100萬就會收到訊息警告隨時斬倉,由於斬完都仲有40幾萬,唔會欠佢錢,唔會有十多厘息。

      刪除
    4. 咁如果呢100萬股票入邊有50萬係孖展貨呢(即本金50萬,孖展50萬),仲可以股票抵押透支100萬的50萬?定50萬的25萬?又或者$0?謝謝!

      刪除
    5. 100萬股票孖展出50萬貨,果50萬仲可以孖展出25萬玩,如此類推
      所以100萬股票孖展出50萬貨的按倉比率看似50%實則33.3%

      刪除
    6. 謝謝!期待你分享更多

      刪除
  2. Lok Lok Sir,

    真心佩服你的本事:小弟有以下幾件事請教:

    1)你指的”四大支付工具賺分”應該係Wechat Pay,Payme,Alipay同O!ePay.你有冇玩過其他工具,例如:TNG Wallet,Apple Pay,Android Pay同Samsung Pay等?依d工具可賺分嗎?

    2)近排聽到有人玩Wechat Pay俾銀行收費,另在官方Wechat Pay“常見問題”亦見提及最近有用戶俾銀行收費.想問問除Wechat Pay外,有冇聽過其他工具俾銀行收費?

    3)同一間銀行同一張信用卡最容易申請附屬卡.如此一張主卡加三張附屬卡, 一個月玩4萬Wechat Pay,個個月玩,會唔會出問題.冇積分係小事,最怕俾銀行收費同cut卡,或影響信貸評級.例如你玩好多O!ePay,主卡同附屬卡日日自動增值$500,之後再存入銀行.由於金額唔小,發卡行同接受存款銀行會唔會有咩行動?銀行肯定知道我地玩卡賺分及免息借貸,會唔會有問題?

    4)知道你玩信用卡同四大支付工具玩到出神入化,可以指點下嗎?例如每次交易幾多錢?要唔要齊頭(如:$1000,$500等)?同一張信用卡同一支付工具,幾耐交易一次較好(太密應該唔好)?同一張信用卡或附屬卡玩多種支付工具會唔會有問題?除左四大支付工具賺分用信用卡外,平日要唔要有其他消費碌卡(怕純玩轉賬賺分冇咁好)?

    5)除銀行問題外,聽聞有人玩Payme俾銀行凍結賬戶.如果賬戶有幾千結餘,咁將會好麻煩.其他支付工具你有冇聽過俾人凍結賬戶?點可以減少機會發生?

    6)我先前透過HSBC信用卡貸款30萬(年利率3.25%,分60期還)用來買股票.3~4個月後申請渣打的Simply Cash信用卡被拒(樓按轉按亦有d問題,原因係HSBC信用卡貸款30萬).想問一下係唔係要等還完款先會上調信貸評級.

    7)近一個月已冇返工(打算自己開公司),想問冇收入証明情況下,點樣可以申請多d信用卡同高d信用額?

    Thanks.

    回覆刪除
    回覆
    1. Apple Pay,Android Pay同Samsung Pay不能賺分
      Wechat Pay俾銀行收費呢,除了大眾外暫無,建行都冇事了
      Wechat Pay唔會知道附屬卡的主卡是誰,除非主卡附屬卡同號,例如渣打。
      玩Payme俾銀行凍結賬戶九成係佢用同一手機開幾個戶口玩啦,登出登入果頭增值呢頭提現,仲要轉入同一戶口提款,又俾D自動程式搵到了。
      O!ePay狂增值轉入銀行,你地日日轉會俾自動程式捉到,有電話問下你,但你做到一日有20張增值咁堅?我都係一星期轉1.5次左右咋。
      銀行肯定知道我地賺分,但最近只是逐步收緊賺分條件。
      冇收入証明情況下,塞埋份樓契影印本會易D,借家人錢打大個資產俾銀行睇,見你有樓又有幾百萬股票實批啦。
      你剛剛貸款30萬,又玩轉按,梗係查詢太多了,銀行怕你有鬼會唔批。

      刪除
    2. Apple Pay,Android Pay同Samsung Pay純粹支付,食下佢D優惠,冇得玩增值提現。

      刪除
    3. O!ePay 每日增值四張八達通$500 x 4, 儲夠$5,000金額左右才轉去銀行會不會有問題?

      刪除
    4. 儲到九千先啦,唔好累積咁多交易,一個月轉六七次

      刪除
  3. Lok Lok Sir, 可吾寫弄下如何用Wechat 賺分嗎?我有睇你教用,Payme,Alipay同O!ePay賺現金回贈, 現在依你的方法賺錢. 非常多謝!

    回覆刪除
    回覆
    1. 會的,但要COPY很多圖,要我本人實際再操作多次才COPY完整的連續圖俾大家睇,今個月我都仲未進行Wechat 賺分,要等等。

      刪除
    2. THANKS!! 期待你的文章

      刪除
  4. 您好, LOK LOK SIR

    您的網站很實用而且清析。請問你是如何加入 總瀏覽量 及 QR code, 請指教下。

    謝謝!

    回覆刪除
    回覆
    1. 總瀏覽量:
      進入BLOG設定,版面配置,新增小工具,找出網誌統計資料後加入。
      QR code:
      進入BLOG設定,版面配置,新增小工具,找出圖片後上載QR code圖片。(QR code圖片要自製)

      刪除
  5. 之前左link 右link 都黎過你呢度,但果時只睇到幾篇支付寶過數,覺得賺得太少唔好煩所以無深究...

    但睇到呢篇,再睇返相關的前幾篇直頭有少少開竅的感覺。好似你咁操作係開頭煩少少,但一設定好,預左每個月邊日做D 乜就好簡單呢! (而且設定點操作呢部份其實有D 似玩game, 本身都幾有趣咁...)

    當然,方法可以參考但唔可以抄。照用又捱唔到價要止蝕的話就得不償失了。

    回覆刪除
    回覆
    1. 一設定好,就好像整好個自動灑水系統,等收成啦。
      唔怕煩人人都可賺。

      刪除