測試此欄進行中

2018年4月26日 星期四

增持光大綠色及雲南水務

成個月都冇調倉,今日終加注各少許,用7.29增持3000股光大綠色及以2.98增持5000股雲南水務。

今個月的月供股票供了中華煤氣及恆基地產,在3月設定的,果陣電能實業冇跌得咁甘,否則我應該繼續供電能實業。下個月會平均月供三只,煤氣恆基電能。

電能現價吸引,但我認為還會再跌,並會穿56蚊見5%股息率,跟我入貨會仆直架。

連同月供股票新增部分,今年收息快13萬了,應該能淨收息八九萬,唉,個人因為咁懶左。手上大部分股票未來兩年亦看唔到會減派息,反而看到會增派多少息?對下半年的股息有期待,股價就冇咩期待lu,死侵侵阻人發達如殺人父母,哼。

因應即將升P,我部分抵押透支的息率會隨之上升,已經持部分持倉調去耀才玩月供計畫。

12 則留言:

  1. 師兄,為何現在才來月供煤氣?

    回覆刪除
    回覆
    1. 冇話咩現在才來月供,煤氣多年來估值都冇咩變,幾時供都係咁貴。

      刪除
    2. 貴你又買XD HEHE~
      煤氣除淨後通常會再跌多少少,所以寧願轉供中電,再留少少錢大手買煤氣

      刪除
    3. 月供5000玩下啦,煤氣呢種紅股傳統,一定要玩月供股票先得,否則收手續費收到我窮

      刪除
    4. 新手。唔明分紅股點解要收手續費?月供唔使手續費?

      刪除
    5. 月供股票大多免一切手續費,你正常係銀行收股息一大堆手續費,代收紅股又係錢,現金股息又收你錢

      刪除
  2. 師兄,題外話,D 人話申請多信用卡就會影響個評級,而我想問係如果信用卡個額度要求加大,會唔會都影響個評級?

    回覆刪除
    回覆
    1. 會,因為信貸查閱次數上升,你要求加額,銀行可以名正言順查你一次,每月查一次已經係極限,會變C級。一季一次差唔多,我一年會俾佢查4至12次,都是加額,新卡及私貸申請。

      刪除
  3. Lok Lok Sir, 如果玩Alipay或O易PAY玩信用卡套現, 因為沒有對手,是否可買香港電話卡,接收SMS取得Create Account的password之後,便可產生一個Alipay或O易PAY戶口, 便可互相轉錢, 賺取飛行里數?

    回覆刪除
    回覆
    1. Alipay:
      果個分身用一陣後,會因為從沒有外來資金,分身只靠一名金主獲得增值、從未消費等原因,出現交易異常被凍結戶口,如果你剛剛轉了幾千蚊先俾佢凍結就有排煩啦,仲可能禍連真身,都係搵個真身開第二戶口,叫父母幫手啦。

      刪除
    2. O易PAY:
      O易PAY玩信用卡套現要做8仔自動增值,過程中已交身分證做認證,相對穩陣,只須一個O易PAY戶口就可連結20張8仔,唔洗開分身玩,一日增20次都10000蚊啦,賺1%再減手續費0.5%=每日執50蚊。

      刪除
  4. 長和變左主力發展電訊公司
    長和與Etisalat Group協議合併斯里蘭卡業務

    回覆刪除