新意網互換物業好兆頭

新意網業績後公布和母公司新地互換物業，雖然仲要倒貼幾億，但吞併果座工廈業權意義大。

新鴻基物流中心（沙田）目前俾新意網租左一半，意味日後做左業主就可以一腳伸走其他租戶，用黎做埋數據中心，變相以工廈價增持數據中心，有著數。

另外，仲令新意網自己更專注本行，D收租物業只會拉低自己估值，早D甩手仲好。

香港短期內已無什麼數據中心專有地賣，之前的好野已經俾新意網中標哂，有個好老豆出手都霸道D。換言之，除左D唔見得光的大公司要自營數據中心（匯豐中移？），絕大部分都要靠新意網了。

最後啦，新意網仲特地係業績講派息不減喎，我作為小股東，好開心，好開心你講到咁白咁有信心咁款。

目前持有新意網（01686.HK）九萬股。