測試此欄進行中

2023年2月26日 星期日

2009至2022年,回憶錄

 



黃線是淨$$(物業除外)

藍線是恆生指數,中值22500。

______________________


2009年才剛開戶,還在讀書呢
直至2012年的所謂收入也不過是利是錢零用錢什麼的,2011年有一支棒急升是老爸退休金,醒了我些少。

2013年開始買下D公用股內銀股,冇咩升,收下息咁啦。2013年5至6月,身家隨大市升到23000點而達到40萬。
然後,2014年8月,身家隨大市升到25000點而達到60萬。2013至2015年有做散工咁啦,但當時人工很低,200至280蚊一日咋,仲咩柒都唔包。

2015年5月,身家隨大市升到28000點而達到70萬。2016年1月左右,身家隨大市急插至18000點而跳水插穿40萬。搞咩呢,好似係歐債危機。因為我收息的,冇沽,熬過整過升浪和跌浪...

2016年大家都黎料啦,大牛市了。這年開始,我湊巧成功搵屋企人科水,私貸信用卡套現咩都好啦,我有借有還,總之唔借就笨啦,而且D電子錢包開始出現,我低息卡冚卡又賺分套現,槓桿有咁大玩幾大,現在回頭看,計及隱藏家人負債後,似乎達到400%+,而我正是2016至2017年入市,港股2018年才見頂,基本上幸運地坐上牛市火車,港股雖在2018年1月見頂惟我卻在6月才見頂,高見158萬。在大牛市期間,有入市有換馬有套現,不得不提我在這期間買下屋企人的物業,因為物業引致支出急升,或多或少令我從股市套現而且也沒那麼冒進擴大槓桿,槓桿在牛市後減至200%。

大牛市時都係覺得公用股運桔的,同屋企人一齊轉為騰訊,這就是後來的敗筆,成功陪伴騰訊見200蚊...

2016年起,人工多左少少,日薪300咁上下,主要係凡得益於最低工資...我冇咩消費,雖收入微不足道但其他奇怪項目補助不少...2018至2020年呢,大市在25000之上浮沈,我也在100至150萬浮沈,2020年3月急插一度令我低見50萬。

2021年1月重回3萬點,我也再摸一下頂見155萬然後隨大市江河日下不忍直視。2021至2022年疫情大流行,我收入急跌,這兩年主動收入極少,心灰意冷都冇寫BLOG,加上支出仍舊,再加上我恆常高槓桿,而且一直有撈底,淨$$自然一瀉千里然後撈底再加速下滑直情愈跌愈有,跌至恆指14597,我淨$$跌至負15萬,看上去資不抵債,但要留意物業唔計,當時還有幾注錢再入市的...期間所有公用電訊股早已全清,手上剩下的已變成高啤打的ETF平保騰訊和唯一收息用270,1686,12。

2022年11月恆指絕地反彈,之前撈底的貨全面轉色,一度浮盈近50%。至2022年12月最後一日重上2萬點,我由負15萬急彈至100萬,這什麼過山車...哈哈。
2022年疫後復常加上人口流失,我的工作現在有日薪500,1日有2單就500+500=1000。

2023年1月,隨大市升到22700點而達到163萬,見歷史新高。上一次歷史新高是2018年6月,當時大市3萬點。





14 則留言:

  1. 師兄槓桿完個資產走勢都仲係同恆指咁似既

    回覆刪除
    回覆
    1. 畢竟以前買的,而家買的,都係成份股居多,2022年後更加直情買恆科指和A50 ETF,基本我而家就像一張恆指三倍槓桿ETF

      刪除
  2. 師兄果然勇者無懼。高槓桿也能處理。

    回覆刪除
    回覆
    1. 只要唔係3萬點去槓桿,2萬點的話點都整唔死我既大概,2萬點估值中間位,咪收息,反正股息=利息支出。2022年第3季超級大平賣怎可以錯過,我準則,只有過錯不會錯過,入市支持,血肉長城。

      刪除
  3. 回覆
    1. 沒錯,我睇好自己插回50萬,最近會換馬或增持但無意沽出

      刪除
  4. 極強大的心臟,師兄應該玩美股

    回覆刪除
    回覆
    1. 玩美股冇得訓...而且隔山買牛不易,還是香港好,其實我都冇咩進出,只係因為槓桿將我的資產值舞高弄低,每月實際賺的息差股息基本上每年上升,定力夠就行

      刪除
  5. 樓負資產聽得多, 股都可以負資產? 而且沒被強迫清貨? 估計師兄應該唔係普通借孖展, 方唔方便透路吓邊度有借平錢的好方法?

    回覆刪除
    回覆
    1. 因為好多錢都是信用卡賺分搞出黎,仲有電子錢包0使費套出來,每月都套出後,等於恆常有幾廿萬現金,呢D唔會追孖展

      刪除
    2. 舉例,最簡單就以下
      渣打信用卡轉數快每月10萬
      MOX信用卡轉數快每月5萬
      花旗信用卡PAYALL每月5萬
      然後其他錢包八達通

      刪除
    3. 而且我將同樣方法複製給家人,由於我會轉錢打大佢地戶口幫助提高信用卡額度,佢地一般樂於接受,所以我正是運用上述信用卡x人數去玩的,搞一下就近百萬....(細聲...)

      刪除
  6. 沒想到竟然是信用咭 draw cash 大法, 謝分享

    回覆刪除