市值創新高了

今日收升三百，收市埋單喜提歴史新高，市值雖高達800萬，但扣除雜七雜八的槓桿（例如孖展），其實得二百多萬流動資金（不計物業）。

今日恆科ETF盤中突破6蚊，再升一小截我就會沽出，都是之前方法咁沽，100萬市值升到變成105萬就搣5萬走，盡量搣來搣去都仲有100萬。本來6蚊我應該沽少少的，好像太耐冇野落袋，但我未訓醒，起身已黃昏，6蚊×350000股=210萬，我大概套現10萬蚊，然後等剩下的200萬再次升到210萬又套10萬。

平保原來前天已除淨，好好，收息5萬多，但股息與利息相抵，沒啥影響。

恆指2萬6，距3萬只剩15%，現在入市已沒有著數，以前叫人撈底，佢都罵鬼我，而家我只需睇住佢幾時入市，就能知道自己什麼時候跑路。