又搲到筆現金番黎

　　屋企又有人拎錢去定期，不如俾我用黎搏番鋪，我俾息。今日成功搲到果筆現金番黎，金額二十萬，息率跟人仔定期差不多，每年俾番3%息俾家人，期限五年。資金將清還銀行欠款，等同平均買入0001長和、0266天德地產及0105凱聯國際酒店，因為我近期係以槓杆買入他們的。

　　呢二十萬，由於成本低，而且息率已經鎖死，年期長，基本上不胡亂投資勝算頗高。分配比例為50%係0001長和，50%係0266天德地產及0105凱聯國際酒店。

　　0266天德地產及0105凱聯國際酒店息率有5.3%，0001長和亦有3%，光是息率淨流入1.15%，由於年期為五年，目標可以高DD，可以坐到長和重見$125(33%升幅)，我當0266及0105千年不變，五年都係收息果5.3%。

　　五年後應該淨收$11500息+長和重見$125=$33333，回報應有$44833。如果0001長和提早達標，或許可以再搏多一轉添。

　　今日0083信和置業業績未有增派息，略感失望，不過下次增派息機會更高了。