長建電能業績，又收息

電能業績微升2%，意料之外，畢竟都冇咩發圍空間，現金又派到七七八八，預期電能只能向港燈埋手，搞下D土地轉換益下長實了。由於電能的業務同長建高度重疊，業績非常穩健，仲有些少增長空間，未來派息料持平微增，遠好過年金。

而長建呢，增長比電能多D，未來假設收購不成都仲有自然增長，唔會死錯人，末期息都係升架啦，如果澳洲單大鵰俾澳洲政府通過就可以再派多D息喇。

都係穩穩陣陣揸住佢地慢慢收息，最近加入持倉的煤氣都唔錯紅股除淨前16蚊，而家又16蚊，多謝四叔。

最近大市普遍下調，我D公用收息冇咩郁，重倉的新意網最近更加爆升，咩事？不過都唔沽，唔關我事啦。

電能+長建的中期息，我大約收息近兩萬。