我相當能夠負債的人，比不能負債或難以大額負債的人更具實力。
你要破百萬，好簡單，月入一萬五，月儲一萬，一百個月就得啦，都唔使九年。
但係呢，想負一百萬喎......
壞結局，
月入一萬五，搵銀行借，月薪俾夠15倍啦，咪22萬丫，你想再多D？銀行唔批你啦，再搵財仔咪又係借多20萬丫，加埋都係四五十萬，信用評級仲花哂，你想負債破百萬就只能唔還錢之餘由得佢滾大，用法定最高年利率，大約3年你就負百萬啦，不過係之前你應該已經俾人申請破產，所以未到百萬負債級就出左局啦。
中性結局要靠外人，
月入一萬五，月儲一萬，到了第七年，有現金84萬，結婚，聯名，再買樓，仲要過到壓測，俾埋什費結婚錢，仲要九成按，買400萬樓，即係負360萬，一人一半，你終於負180萬啦，恭喜，你用7年時間達標。
中性結局不結婚靠自己仍然有排都未達標，
月入一萬五，月儲一萬，申請信用卡，首張信用卡額介乎一萬至八萬左右，信用卡額備用為主，白紙一張的信用評級要慢慢執正，用信用卡交下水電煤，準時還。
次年，現金有12萬全買公用股，申請第二張，可能有五至十萬，信用卡額備用為主。
第三年，有現金12萬再買公用股及上年公用股12萬及上年股息，又去加大信用卡額及申請信用卡，估計總信用卡額不難突破20萬。
第四年，估計已有50至60萬市值的資產，用抵押透支槓桿出30萬再射到其他銀行，申請信用卡，信用評級果度睇唔到證券抵押的。銀行只會以為你有90萬，抵押透支前的最新月結單，之後再槓桿出來的30萬開儲蓄戶口再一併申請信用卡，果一刻，神鬼都唔知你有30萬負債，順利又可提升總信用卡額，可能升到30萬左右，成功買入將錢射回，即係撒佢資。
第五年，可以接下銀行電話推銷的私貸，借15萬月平息0.2%應該冇問題啦，借款全買公用，呢一年又儲左12萬，又買公用啦，資產多左又可以申請多張信用卡，升到35萬左右冇咩問題，咁你應該手持90萬左右資產，35萬信用卡額，15萬私貸，40萬抵押透支額度。
第六年，還清私貸又儲左12萬，加埋股息，都係90至100萬資產，在一百萬的一刻去加大信用卡額再申請信用卡都SO EASY，信用卡額破40萬甚至50萬都冇問題，你信用評級咁好，又淨資產近百萬，好客呀！呢個時候，你即時玩信用卡套現又借私貸，都係負60至70萬，你的抵押透支不出現在信用評級，你都唔算負百萬，呢個結局，推演至第六年都未能夠隨隨便便負百萬，但係你的淨資產值卻已經係百萬級。
你話，負百萬仲難過搵百萬，我地要敬佩負百萬的人，我一直都認為「你欠銀行百幾萬呀」係好勁好厲害，最利害係銀行信你喎，願意批百萬俾你，呢樣野分分鐘有錢都買唔到。
所以，當你地聽見人地話有一百萬，不必葡萄，你也許可串佢，那麼你能夠負一百萬嗎？手持一百萬都唔能夠由銀行借番一百萬走，叻個屁！
目前我總信用卡額已暴漲至130萬(光是恆生都38萬...)，另有少量私貸，我隨時隨地可以挾帶私逃130萬走，我最喜歡用呢幾句串我D大學生同學，而我只係中五畢業，真係串到佢地反擊不能，我好希望有更多人做到。
渲洩一下情緒，皆因我身邊太多高學歷，知道我學歷後仲自以為高人一等。
回帶相關貼文：
月入一萬，十年不變，怎樣破百萬？
信用額130萬真係勁，我用開2張信用卡，加埋都唔夠10萬。
回覆刪除今時今日，學歷已經成為入場卷，但不是必要條件。
初時佢地有張什麼什麼大學的信用卡，覺得好正，我就彈張優越理財信用卡俾佢睇啦，好叻咩，雖然唔係黑卡，但我覺得我最終比佢地更有機會獲得。
刪除而家學位泛濫，學歷都通漲
估計已有50至60萬市值的資產，元抵押透支，槓桿出30萬再射到其他銀行，申請信用卡，信用評級果度睇唔到證券抵押的。銀行只會以為你有90萬，抵押透支前的最新月結單，之後再槓桿出來的30萬開儲蓄戶口再一併申請信用卡。
回覆刪除請問申請信用卡時，是否要說明想要批較高的信用額才需要交資產證明？用30萬開儲蓄戶口，30萬放到信用卡批出即轉走？
不用說明目的，這會增加麻煩，銀行一般都能批幾多就幾多。
刪除果30萬一收卡即走，目的已到馬上撒軍，呢30萬玩草木皆兵，做個樣。
部分銀行的次一級XX理財，會要求你20萬呀10萬呀，但通常有豁免或玩出糧就可豁免，玩出糧仲簡單，自稱現金出糧，再玩恆常指示轉賬大法，每月射兩萬，轉頭提走
天道酬勤，別為身邊的嘈音而打亂自己的節奏。
回覆刪除渲洩一下如解決便秘，舒服哂
刪除我當然冇咩理佢地啦，不過佢地有時會展示下D年薪36萬果D卡出黎，之後我真係串下佢地，心裡還滿高興呢
無汗錢兄你好，我最近也開始寫投資blog，多多交流。
回覆刪除很認同現在學歷不是最重要
想當初我會考都有12分，如果有父母支援補習下升到大學，不排除仲窮左。
刪除借私貸，信用卡套現
回覆刪除之後孖展買大藍籌已經可以負債過百萬
孖展唔寫入信貸報告，所以唔計佢，如果計佢，太容易達標
刪除學歷是個屁
回覆刪除2008至2012年，如果去左進修，就輸左5年賺有汗錢時間，價值60萬，期間你讀書仲會坐食山崩，畢業先負十幾萬，而果D中五畢業出黎就已經賺左首期買樓，假設佢成功結婚通過壓測冇問題，之後就順便坐上樓市升浪，推演5年後樓價升五成，絕殺果班大學生，讀多幾年書輸左起跑線囉。
刪除欣賞你！ 向你學習中
回覆刪除沙士期我中五畢業 、人工得五叉、呢十几年 借下借下錢、早幾年試過用citib 借 左十萬、（ 果時都成 0.33 月平息、而家諗番借貴左、不過當交學費:( ）、準時還款、信用額都比左十幾萬我、 兩年前冇咩資產、其實都係得強積金、儲儲下再抄抄下有廿萬老強放左係滙豐 、最後滙豐仲借左50 萬（0.15 月平息）同埋升埋張visa signaure 比我, 呢几年都有用類似你方式玩中銀月供、最近先有十萬額玩、不過就唔識用埋恒生同大新咭玩（ 最近先申請緊試用你方法、剛批左大新咭六萬額）不過我就讀下讀下書讀左成十几年、呢兩年就讀多個top up degree. 因為經歷過沙士、真係冇學歷又冇經驗真係輸晒比人、我就一定冇樓主你咁靈活變通。
加油努力，欠幾百萬為目標啦，唔好計孖展喎。
刪除我正努力打爆我個信用卡額，唔知可唔可以爆200萬呢，諗起都興奮。
Lok Lok 你用邊間黎做抵押投資？ 完全唔未試過可否分享下心得同經驗。
刪除剛申請左張大新咭用tap and go loop 埋迎新：）
如果比你負都五百萬 到時你係咪玩樓不玩股了？
刪除我用恆生的，息率當然冇劵商咁好，但張月結單好使好用。
刪除息率是P。網上自己開個抵押透支就P+1%。圍起月平都係0.25%咁上下，仲暫時唔洗還本
玩樓風險愈來愈大啦，無意加注，既然有了自住樓暫時仍努力增加被動收入先
刪除同問抵押透支 利息係每月計定每日計？ （半伸手黨：邊問邊上網睇緊資料中！）
刪除每月計，自動扣數，唔洗主動入錢
刪除大概1月5日負100000，2月6日就負100416.67(未計小量什費)
thanks lok sir！
刪除再請教抵押透支係唔係同私貸一樣跟tu分比利率客人？ tu分低批既金額同機會都會細d？
唔睇TU，放心啦。
刪除Lok SIR! many thanks!!! =))))
刪除感謝又一編好文~
回覆刪除我都係中五仔成日都自卑學歷，
好在家人支持下(帶飯少家用)打份萬幾蚊工都儲到d錢買到d資產，
先慢慢可以係d偽中產身上攞返少少樽鹽(佢地餐餐清)。
而家讀完埋編，就再多個理由相信自己其實都唔差架，嘩哈哈哈~
Leo Yuu
通常中產就只係中產，既有美滿家庭又有豐厚資產，不少人已經失去上流動力，所以我地可預期佢地四十幾歲後果條增長曲線變得平緩。
刪除而D中五仔或者弱勢D的一班，若能夠突破眼前第一道困境，通常能保持果種氣勢一路上，勇於冒險，令佢地比較高機率維持增長曲線一直去，可謂先苦後甜
師兄，我都讀書唔多，揾又搵得少過人，靠死儲爛儲的本錢，慢慢買吓資產甘。
回覆刪除咁你已經不知不覺超越大部分人，恭喜你。
刪除有大把人月月清，去到三四十歲一個仙都冇，仲去埋怨人地或政府。
真係! 識得唔少人都只會怨三怨四，然後繼續食好著好，邊"享受人生"咁月月清，邊麻怨冇機會。Cat已經好生性
刪除係呀，已經係金字塔中上層上游緊。
刪除不要理其他人，你既目標應該係賺千萬、億，別人有幾多信用額這些小事就不用理了。
回覆刪除這些小事用來暗地歡喜的，目標不變。
刪除其實Lok兄都係另類博士生,博士論文係"如何攻破支付系統"!
回覆刪除首先我唔係黑客呀
刪除我都是在條款容許下賺下D冇汗錢，大部分人視如無物，我就用到可以撐起半邊天呀！
唉,我都好想樓主有今多信用額,
刪除但我仲讀緊書,同埋又冇資產證明,
只能用每張$10000信用額玩住AAVS先
要慢慢積累，
刪除「中性結局不結婚靠自己仍然有排都未達標」可供參考
慢慢加大個額，愈大愈好玩有用。
呢個世界實有啲狗眼看人低，以為自己果套就係真理覺得其他人不務正業的人。咪當佢地係在旁邊幫你打氣，要你向上流的階梯，無必要為此動氣o既。
回覆刪除P loan 呢個我都有借，借完成舊扔去IB 買債，中間賺少少息差都好吖! 我實在唔明點解銀行肯定息3% (半年前一般都係呢個息口，近排唔知了)借五年俾你都唔借...
有人唔借錢，有人冇錢借，唉，
刪除年利率5%以下我都扑倒去，買長建都抵，雖然表面實收3.5%股息自己仲要貼1.5%，都係便宜。