新意網會否在靜悄悄地起革命？

新意網不知不覺已經由4蚊低位升穿5蚊，昨日更觸及6蚊邊。新意網係升穿5蚊後交投活躍（比4蚊幾時比較），我都係對你好有信心架。

雖然新意網在公布業績後下跌，但又重拾升浪了。高PE股還真要心血足夠才行，還好我拉均5蚊幾平均價，不然還真難頂。

最近有消息指英國數據中心營運商Global Switch來港上市，如屬實市值吹到去900億港元。

而在較早前，新意網高價奪地，在香港數據中心地皮稀缺下再下一城，前景普遍都是偏好的，此地皮如建成將令新意網急增近一倍可供出租面積，而期間並沒有什麼新競爭者。

與此同時，新意網亦正準備為荃灣沙咀道的數據中心改建，目前該數據中心樓高不足十層，鄰近荃灣西站，真係賣俾阿媽補地價起納米樓都仲得（反正對面都係咁）。

新意網業績內亦提到正在打官司，詳情我唔貼出黎啦，內容主要係如果新意網贏左官司，就有班人冇得平租數據中心，要出黎老老實實俾市價租金去用，咁我當然你贏啦，阿門。