除恆生及大新外的信用卡一家4口總額120000蚊以上
用作高回贈的八達通增值的信用卡一家4口總額80000蚊以上
大新卡用在轉移負債，一家4口總額200000蚊以上
恆生卡用在轉移負債，一家4口總額200000蚊以上
平均每位家人的信用卡額15萬即可，其中必須各有上述一項信用卡而卡額不應低於建議總額的25%，不然操作麻煩。
卡冚卡不需要一定冚自己名的卡數，冚人地都得，靈活有彈性，當然如果每位家人都特高卡額仲好玩。
O易PAY提現月限額10000，一家4口就40000蚊。（用渣打1.5%卡增值，月賺150x4蚊）
微信增值月限額5000，一家4口就20000蚊。
PAYME增值月限額5000，一家4口就20000蚊。
支付寶增值月限額5000，一家4口就20000蚊。
總額100000蚊。
第一個月套左上述10萬
第二個月仲用緊果五十幾日免息期暫不用還，我又套左10萬。累計20萬擺係我戶口。
第三個月將第一個月D數轉哂去大新卡，一家4口大新卡負10萬，仲有1000蚊手續費，我馬上調撥支付工具的回贈支付（我每月1200蚊）交左果筆手續費唔洗煩先，我馬上又去套10萬，累計30萬啦。
第四個月將第二個月時套現果筆卡數轉去大新，大新卡由負10萬變成負20萬，仲有新果筆1000蚊手續費，又馬上用回贈支付，而第一個月套現果筆錢仲用緊大新果五十幾日免息期唔洗還。轉哂D數俾大新我又去套10萬啦，累計40萬。
第五個月，第一個月果筆數轉左俾大新後，終於大新到期找數，將呢筆馬上射俾恆生卡，之後大新卡又空出限額來，我將第三個月套現果筆卡數交俾大新，大新卡由負20萬變成負10萬再變回負20萬，之後我又去套10萬，累計50萬。
第六個月，第二個月果筆數轉左俾大新後，終於大新到期找數，將呢筆馬上射俾恆生卡，之後大新卡又空出限額來，我將第四個月套現果筆卡數交俾大新，大新卡由負20萬變成負10萬再變回負20萬，之後我又去套10萬，累計60萬。
第七個月，第一個月果筆數轉左俾大新後已經轉左去恆生卡度，終於恆生到期找數，我施施然從現金60萬取出10萬繳付，套現額降至50萬。不過，還款後恆生卡空出10萬額，我將即將到期的第二個月卡數的數由大新轉去恆生，之後我又去套10萬，重返60萬。
之後一直loop，運算結果係你個現金戶口長駐50至70萬，第7個月後累積到50至60萬之後不斷套10萬又現金還10萬。
以上例子已實際操作，我一直用緊呢五六十萬無本生利，用回贈冚手續費，仲拎去買公用股收下息。不過，你前提係有真實人頭去玩，如果唔用佢地名下信用卡玩，你可以申請附屬卡玩，年費可以打電話豁免，年費可以打電話豁免，年費可以打電話豁免，年費可以打電話豁免....
高人啊....(一拜)
回覆刪除不過死啦，中途已經睇唔明 XDDD
返去再慢慢理解下~謝過!
Leo Yuu
你把上面理解為水車啦，第一筒水會轉一圈回到原點，第二，第三筒都係
刪除lol lol sir
回覆刪除請問第一時間是否要開哂個4個電子增值？
最好啦，佢地審批啟動需時，早做早著數
刪除師兄，假設我有股票50萬，做抵押透支借左25萬買多的股票，點知買完個市即跌，股票只值番65萬，的息會點計？
回覆刪除息仍然係以25萬計算，你不論跌至60萬還是升至1000萬都不變。
刪除注意(50+25)=75同時欠銀行25，銀行斬倉線50%=25/0.5=50，即75跌至50會收到銀行想斬你倉的SMS。
因為賬面市值變化不影響欠款額，故以欠款值計算之利息不變。
刪除請問哩個動作如何去槓桿呢？
回覆刪除果60萬一直以現金形式擺係戶口度，你鍾意幾時去咪幾時去囉，當然我拎左去買股。
刪除即係錢一到手就買股票先。一到期還錢就賣股票還錢？
回覆刪除邊洗咁麻煩，果60萬你拎50萬玩股票就得架啦，留低10萬做還款儲備金，咁你就唔洗每月沽10萬股去還啦。
刪除年費可以打電話豁免
回覆刪除太多人話我咁多信用卡，又一主多副，交年費交到窮，我要重申，我一蚊年費都唔洗俾。
刪除对, 年費可以打電話豁免.
刪除唔好意思想問幾個問題：
回覆刪除1. 支付寶同wechat用邊張信用卡先有回贈? 暫時我只有citi嘅卡，打算去開多幾張好似你咁玩
2. Payme一家四口你係一個循環咁過錢比屋企人之後提款？咁樣套現賺績分咁明顯會唔會擔心比佢ban account?
3. 依家屋企人新開嘅支付寶好似唔可以綁定香港銀行卡，得我之前有綁定
銀行卡可以提錢，咁係咪套唔到現？
謝謝解答！
1，星展大新啦
刪除2，各自提款啦，之後銀行ATM轉俾我或提現就得
3，登記轉數快即可
Ching上面我都玩左一段時間，但咁樣揚出去，好快比玩串個party，上左報大家既息好快就無啦，拜託唔好做第二個小斯啦��
回覆刪除其實D回贈.....我初初係為左搲筆現金流買股票，D回贈係銀行塞俾我。我主要都係卡冚卡，用中銀卡買股票，再過俾大新再射俾恆生冚呀冚。
刪除https://hk.lifestyle.appledaily.com/lifestyle/columnist/3530511/daily/article/20091213/13517722
回覆刪除有板你睇，做咩老鼠最好就要精明低調，低調，低調；重要既野要講3次
由於實際操作需要個別銀行信用卡，而且卡額不能小，所以相比起小斯，我的實例較難複製。我已經沒有像小斯開個專頁手把手教你去賺，我好低調，隨著我日常發文，帖子自然沉底，好過佢個專頁日日置頂啦，係咪？
刪除為電子錢包增值 再卡冚卡延長還款期自製免息借貸百萬炒股
回覆刪除http://s.nextmedia.com/apple/a.php?i=20190401&sec_id=15307&s=0&a=20646464
噢
刪除I afraid the hang seng bank will close that service soon
回覆刪除抵押透支就唔會，賺息喎佢，卡冚卡就有可能，但其實消息曝光後，想玩的人必須申請恆生卡，由於恆生卡冚卡果度恆生並沒有給予回贈，算起來恆生本身沒有什麼支出就擴大信用卡佔有率，我係恆生高層的話我就唔會CUT了。
刪除loklok sir,
回覆刪除用大新的話唔係有1% charge咩?
用大新卡冚卡有1%手續費，同時用大新玩各支付工具有1%回贈。
刪除上咗報好快玩完，唔知係咪有人爆料比apple... 希望唔係Loklok sir 你自己...
回覆刪除賺回贈果度玩完係大勢所趨，但卡冚卡就未必，咁樣唱一下，大新銀行手續費收入可望上升。
刪除你自己玩完，上左岸，就上報，最後大家都無得玩，斷人米路咁又何必呢。 Lok Lok sir.
回覆刪除當博客積累一定瀏覽量，自然就被動上報，
刪除每位訪客問我問題我都會詳細解答。
而家其實就似D轉按搲回贈一樣，都係見哂報，但佢地比我更「冇汗錢」，而玩我卡冚卡，其實我都唔在乎回贈，我剛剛玩就收緊左，我只要筆現金流，銀行仲會賺我利息佢沒有收緊的誘因，呢個卡冚卡還需承受股價波動風險，一下股市跌太盡仲會扑街跳樓，我其實係送把刀俾你地玩，揚左出去上左報其實只係增加刀子供應，重申呢個玩法非必賺，有人因為我成功搲出50萬但撞正跌幾千點家破人亡，有人因為我成功搲出50萬撞正大牛市變左100萬
我到底係咪斷米路只睇你地點用我把刀子。
無錯 回贈係用黎補貼套現既利息 唔係用黎上岸，銀行推咁多回贈本身就係吸引多d人用d新apps同申請卡，做到個目的收緊係必然，唔係請咁多人反黎計數做咩
刪除好老實我睇lok sir個blog都係睇佢套現運用支錢流既手法，回贈果part我自問真係無咁好心機研究
另外lok sir 我都有d野想請問下你 如果用你下面留果個email聯絡方便嗎？
請問OePay要增值轉入，是否只可以用佢自己個張master card?，如果我得兩個人頭，按平例照跟住玩最後每月都可以有25/30萬？
回覆刪除另外想問下，由微信、payme、支付寶提錢呢一part你會用晒同一張卡轉，之後大新一次過冚同一張卡？定係分幾張卡轉錢，之後大新冚晒個幾張卡？
可唔可以留email俾我同你交流下，有實際操作問題想請教lok兄你，thank you!!!
Ip624153@yahoo.com
刪除1）4大支付都用渣打1.5%卡？
回覆刪除2）大新1%卡冚其他信用卡都有係1%收費？1%回贈？
3）大新英國航空卡是否都可以冚其他信用卡？1%收費，可儲飛行里數？
1，渣打只玩payme和8仔增值
刪除2，係，但冚卡不會有回贈
3，只要係大新卡就可冚所有卡，請填表加入想冚的卡號碼交分行即可。
想問下咁樣卡cum 卡會唔會影響TU?
回覆刪除總結欠沒有急增，只係持平，亦沒有新增負面記錄，實際我操作上，評分變動輕微，最差都係C，大致在C和B浮動，一縮槓桿就A
刪除微信今日開始得返$1000限額
回覆刪除微信開始得返$1000限額了
回覆刪除我想追問，而家支付寶、微信支付及payme，渣打simply cash仲有冇優惠?:)
回覆刪除渣打simply cash只可賺payme八達通
刪除除恆生及大新外的信用卡一家4口總額120000蚊以上
回覆刪除呢個有咩作用, 唔係主要有恆生同大新就可以
其他卡的用處係咩野?
恆生及大新信用卡，用來互冚，仲邊有額去賺分?
刪除所以需要恆生大新以外的信用卡去執行賺分任務，並將條數射俾恆生大新互冚