測試此欄進行中

2019年3月28日 星期四

2019最新的支付工具現金流

除恆生及大新外的信用卡一家4口總額120000蚊以上
用作高回贈的八達通增值的信用卡一家4口總額80000蚊以上
大新卡用在轉移負債,一家4口總額200000蚊以上
恆生卡用在轉移負債,一家4口總額200000蚊以上
平均每位家人的信用卡額15萬即可,其中必須各有上述一項信用卡而卡額不應低於建議總額的25%,不然操作麻煩。
卡冚卡不需要一定冚自己名的卡數,冚人地都得,靈活有彈性,當然如果每位家人都特高卡額仲好玩。

O易PAY提現月限額10000,一家4口就40000蚊。(用渣打1.5%卡增值,月賺150x4蚊)
微信增值月限額5000,一家4口就20000蚊。
PAYME增值月限額5000,一家4口就20000蚊。
支付寶增值月限額5000,一家4口就20000蚊。
總額100000蚊。

第一個月套左上述10萬
第二個月仲用緊果五十幾日免息期暫不用還,我又套左10萬。累計20萬擺係我戶口。

第三個月將第一個月D數轉哂去大新卡,一家4口大新卡負10萬,仲有1000蚊手續費,我馬上調撥支付工具的回贈支付(我每月1200蚊)交左果筆手續費唔洗煩先,我馬上又去套10萬,累計30萬啦。

第四個月將第二個月時套現果筆卡數轉去大新,大新卡由負10萬變成負20萬,仲有新果筆1000蚊手續費,又馬上用回贈支付,而第一個月套現果筆錢仲用緊大新果五十幾日免息期唔洗還。轉哂D數俾大新我又去套10萬啦,累計40萬。

第五個月,第一個月果筆數轉左俾大新後,終於大新到期找數,將呢筆馬上射俾恆生卡,之後大新卡又空出限額來,我將第三個月套現果筆卡數交俾大新,大新卡由負20萬變成負10萬再變回負20萬,之後我又去套10萬,累計50萬。

第六個月,第二個月果筆數轉左俾大新後,終於大新到期找數,將呢筆馬上射俾恆生卡,之後大新卡又空出限額來,我將第四個月套現果筆卡數交俾大新,大新卡由負20萬變成負10萬再變回負20萬,之後我又去套10萬,累計60萬。

第七個月,第一個月果筆數轉左俾大新後已經轉左去恆生卡度,終於恆生到期找數,我施施然從現金60萬取出10萬繳付,套現額降至50萬。不過,還款後恆生卡空出10萬額,我將即將到期的第二個月卡數的數由大新轉去恆生,之後我又去套10萬,重返60萬。

之後一直loop,運算結果係你個現金戶口長駐50至70萬,第7個月後累積到50至60萬之後不斷套10萬又現金還10萬。

以上例子已實際操作,我一直用緊呢五六十萬無本生利,用回贈冚手續費,仲拎去買公用股收下息。不過,你前提係有真實人頭去玩,如果唔用佢地名下信用卡玩,你可以申請附屬卡玩,年費可以打電話豁免,年費可以打電話豁免,年費可以打電話豁免,年費可以打電話豁免....


43 則留言:

  1. 高人啊....(一拜)
    不過死啦,中途已經睇唔明 XDDD
    返去再慢慢理解下~謝過!

    Leo Yuu

    回覆刪除
    回覆
    1. 你把上面理解為水車啦,第一筒水會轉一圈回到原點,第二,第三筒都係

      刪除
  2. lol lol sir
    請問第一時間是否要開哂個4個電子增值?

    回覆刪除
    回覆
    1. 最好啦,佢地審批啟動需時,早做早著數

      刪除
  3. 師兄,假設我有股票50萬,做抵押透支借左25萬買多的股票,點知買完個市即跌,股票只值番65萬,的息會點計?

    回覆刪除
    回覆
    1. 息仍然係以25萬計算,你不論跌至60萬還是升至1000萬都不變。
      注意(50+25)=75同時欠銀行25,銀行斬倉線50%=25/0.5=50,即75跌至50會收到銀行想斬你倉的SMS。

      刪除
    2. 因為賬面市值變化不影響欠款額,故以欠款值計算之利息不變。

      刪除
  4. 請問哩個動作如何去槓桿呢?

    回覆刪除
    回覆
    1. 果60萬一直以現金形式擺係戶口度,你鍾意幾時去咪幾時去囉,當然我拎左去買股。

      刪除
  5. 即係錢一到手就買股票先。一到期還錢就賣股票還錢?

    回覆刪除
    回覆
    1. 邊洗咁麻煩,果60萬你拎50萬玩股票就得架啦,留低10萬做還款儲備金,咁你就唔洗每月沽10萬股去還啦。

      刪除
  6. 回覆
    1. 太多人話我咁多信用卡,又一主多副,交年費交到窮,我要重申,我一蚊年費都唔洗俾。

      刪除
    2. 对, 年費可以打電話豁免.

      刪除
  7. 唔好意思想問幾個問題:
    1. 支付寶同wechat用邊張信用卡先有回贈? 暫時我只有citi嘅卡,打算去開多幾張好似你咁玩
    2. Payme一家四口你係一個循環咁過錢比屋企人之後提款?咁樣套現賺績分咁明顯會唔會擔心比佢ban account?
    3. 依家屋企人新開嘅支付寶好似唔可以綁定香港銀行卡,得我之前有綁定
    銀行卡可以提錢,咁係咪套唔到現?
    謝謝解答!

    回覆刪除
    回覆
    1. 1,星展大新啦
      2,各自提款啦,之後銀行ATM轉俾我或提現就得
      3,登記轉數快即可

      刪除
  8. Ching上面我都玩左一段時間,但咁樣揚出去,好快比玩串個party,上左報大家既息好快就無啦,拜託唔好做第二個小斯啦��

    回覆刪除
    回覆
    1. 其實D回贈.....我初初係為左搲筆現金流買股票,D回贈係銀行塞俾我。我主要都係卡冚卡,用中銀卡買股票,再過俾大新再射俾恆生冚呀冚。

      刪除
  9. https://hk.lifestyle.appledaily.com/lifestyle/columnist/3530511/daily/article/20091213/13517722

    有板你睇,做咩老鼠最好就要精明低調,低調,低調;重要既野要講3次

    回覆刪除
    回覆
    1. 由於實際操作需要個別銀行信用卡,而且卡額不能小,所以相比起小斯,我的實例較難複製。我已經沒有像小斯開個專頁手把手教你去賺,我好低調,隨著我日常發文,帖子自然沉底,好過佢個專頁日日置頂啦,係咪?

      刪除
  10. 為電子錢包增值 再卡冚卡延長還款期自製免息借貸百萬炒股
    http://s.nextmedia.com/apple/a.php?i=20190401&sec_id=15307&s=0&a=20646464

    回覆刪除
  11. I afraid the hang seng bank will close that service soon

    回覆刪除
    回覆
    1. 抵押透支就唔會,賺息喎佢,卡冚卡就有可能,但其實消息曝光後,想玩的人必須申請恆生卡,由於恆生卡冚卡果度恆生並沒有給予回贈,算起來恆生本身沒有什麼支出就擴大信用卡佔有率,我係恆生高層的話我就唔會CUT了。

      刪除
  12. loklok sir,

    用大新的話唔係有1% charge咩?

    回覆刪除
    回覆
    1. 用大新卡冚卡有1%手續費,同時用大新玩各支付工具有1%回贈。

      刪除
  13. 上咗報好快玩完,唔知係咪有人爆料比apple... 希望唔係Loklok sir 你自己...

    回覆刪除
    回覆
    1. 賺回贈果度玩完係大勢所趨,但卡冚卡就未必,咁樣唱一下,大新銀行手續費收入可望上升。

      刪除
  14. 你自己玩完,上左岸,就上報,最後大家都無得玩,斷人米路咁又何必呢。 Lok Lok sir.

    回覆刪除
    回覆
    1. 當博客積累一定瀏覽量,自然就被動上報,
      每位訪客問我問題我都會詳細解答。

      而家其實就似D轉按搲回贈一樣,都係見哂報,但佢地比我更「冇汗錢」,而玩我卡冚卡,其實我都唔在乎回贈,我剛剛玩就收緊左,我只要筆現金流,銀行仲會賺我利息佢沒有收緊的誘因,呢個卡冚卡還需承受股價波動風險,一下股市跌太盡仲會扑街跳樓,我其實係送把刀俾你地玩,揚左出去上左報其實只係增加刀子供應,重申呢個玩法非必賺,有人因為我成功搲出50萬但撞正跌幾千點家破人亡,有人因為我成功搲出50萬撞正大牛市變左100萬

      我到底係咪斷米路只睇你地點用我把刀子。

      刪除
    2. 無錯 回贈係用黎補貼套現既利息 唔係用黎上岸,銀行推咁多回贈本身就係吸引多d人用d新apps同申請卡,做到個目的收緊係必然,唔係請咁多人反黎計數做咩
      好老實我睇lok sir個blog都係睇佢套現運用支錢流既手法,回贈果part我自問真係無咁好心機研究
      另外lok sir 我都有d野想請問下你 如果用你下面留果個email聯絡方便嗎?

      刪除
  15. 請問OePay要增值轉入,是否只可以用佢自己個張master card?,如果我得兩個人頭,按平例照跟住玩最後每月都可以有25/30萬?
    另外想問下,由微信、payme、支付寶提錢呢一part你會用晒同一張卡轉,之後大新一次過冚同一張卡?定係分幾張卡轉錢,之後大新冚晒個幾張卡?
    可唔可以留email俾我同你交流下,有實際操作問題想請教lok兄你,thank you!!!

    回覆刪除
  16. 1)4大支付都用渣打1.5%卡?
    2)大新1%卡冚其他信用卡都有係1%收費?1%回贈?
    3)大新英國航空卡是否都可以冚其他信用卡?1%收費,可儲飛行里數?

    回覆刪除
    回覆
    1. 1,渣打只玩payme和8仔增值
      2,係,但冚卡不會有回贈
      3,只要係大新卡就可冚所有卡,請填表加入想冚的卡號碼交分行即可。

      刪除
  17. 想問下咁樣卡cum 卡會唔會影響TU?

    回覆刪除
    回覆
    1. 總結欠沒有急增,只係持平,亦沒有新增負面記錄,實際我操作上,評分變動輕微,最差都係C,大致在C和B浮動,一縮槓桿就A

      刪除
  18. 微信今日開始得返$1000限額

    回覆刪除
  19. 微信開始得返$1000限額了

    回覆刪除
  20. 我想追問,而家支付寶、微信支付及payme,渣打simply cash仲有冇優惠?:)

    回覆刪除
  21. 除恆生及大新外的信用卡一家4口總額120000蚊以上
    呢個有咩作用, 唔係主要有恆生同大新就可以
    其他卡的用處係咩野?

    回覆刪除
    回覆
    1. 恆生及大新信用卡,用來互冚,仲邊有額去賺分?
      所以需要恆生大新以外的信用卡去執行賺分任務,並將條數射俾恆生大新互冚

      刪除