測試此欄進行中

2019年9月6日 星期五

沒有「苦盡」如何「甘來」

別以為人地30歲有樓就係有錢仔有父幹有運氣,其實可能只係你沒有捱出黎,層樓漸行漸遠。

一命二運三風水,
四積陰德五讀書。

大家係香港人,一命就算合格啦,唔會成身寄生蟲,有水有野食,氣候宜人,當然你要頂級就再投胎吧.....希望你唔會出世在家畜裡面.....

二運都OK丫嘛,基本上香港人就算拎綜援都係全球資產淨值表的上層人士,金字塔中上層。

三風水呢,香港唔係地震帶,打風又有菲律賓台灣頂住,火山都冇個,面向南海,真係背山面海,正啦。

頭3個被動因素都咁好,其實真係個優良的創富地。無奈係彈丸之地競爭大,大到令人精神扭曲,以為自己迫唔到上去就係地底泥,其實香港的地底泥仍然屬於金字塔的中層,真不可思議。

你食最低工資,仍然係屬全球薪金中上層,只恨身在福中不知福。

我其實咪又係食最低工資長大的,又冇父幹,D表堂兄弟姊妹個個學歷好過我。我畢業出黎做200蚊一日真係做黎為咩?不過我都係慳慳慳,每日仲有170蚊剩,每月咪月供股票3500蚊,借下錢槓桿下D公用股房託股,不知不覺個倉愈來愈大。

好多野係要仆過去實踐下先會實現,唔好見到人每日洗30蚊點樣做人,當你去實際做下,原來30蚊日都冇咩分別姐,甚至25蚊20蚊都得得地喎,就更有動力做落去。(當自己減肥)

呢個時候會想起新加坡,近排佢一定好開心,居然香港班人成日搵我呢個一黨專政的國家做參考甚至想移民過黎,明明我呢度駡下人都打你幾鞭,世界變......

我呢,就一半係實幹一半係槓桿,槓桿果一半要多謝哂D人老老實實定期存款入銀行,銀行先可以將果筆錢借左俾我,我先可以實現彎道超車,如果個個都月供股票,銀行都唔會低息借錢俾我,我也許還在拉牛上樹...




12 則留言:

  1. 當你知道自己拎住一蚊可以買兩蚊嘢去賺回報,咁駛錢時就會諗多幾次究竟用黎買嘢好定拎黎投資好。久而久之自然會慳左呢。

    學識點槓桿,知道自己受得幾大風險後,賺錢的速度自然會加快。錢搵錢慢慢就會快過你用自己黎搵錢呢。

    回覆刪除
    回覆
    1. 沒錯,所以我都借很大,超樂意借錢,賺息差之外仲可以有股價利潤,買reits果D,之後筆股票又去玩抵押。

      而家我控制到利息支出=股息收入,主動收入用黎抵消股息下跌風險或息口上升用。

      目前年股息約12萬

      刪除
  2. 我成日覺得你地几位基層出身冇乜讀書既后生仔講呢啲嘢最有感染力,可惜好多人都係充耳不聞, 扮醉既人永遠都叫唔醒吧!

    回覆刪除
    回覆
    1. 移民去新新的確係令人難忙.

      刪除
    2. 好多同輩,都唔信做得到,冇自信嗎?一句就否定我了,所以我的朋友很少......
      我覺得佢地的諗法係經年累月形成,我不可能說服,只能擰轉面一笑而去。
      D同輩不少都係覺得深圳河外有隻猛獸要食左香港,唉,大家都係黃皮膚,用中國姓氏,用中文,點解會咁......

      刪除
    3. 对,不要說你們年青一代不能接受你,我這中年人也是極少朋友,皆因不斷被他們否定,但層次離他們卻越來越遠,連溝通我都覺得無謂,哈哈!

      刪除
  3. 回覆
    1. 睇下D紀錄片...人真係好幸福,仲要成為香港人,衣食無憂,用心就能富
      每條人命由N條雞命豬命積累出黎,生存於世等於每日係度破壞環境,仲要自己打自己。
      用神視角去睇,我會....

      刪除
  4. Lok Lok 兄很好的分享

    回覆刪除
  5. 多謝分享,看完覺得自己是個幸運兒,即使銀行存款低,投資股票一直失敗。你的賺錢能力比我這個所謂的高學歷人士高,我買股票踩中多次大雷,虧損嚴重,也不懂怎麼用信用卡免息或低息借錢買股票。

    回覆刪除
    回覆
    1. 買股票我求穩定回報,所以買公用股穩穩贏算了,波動大我也頂唔順。
      香港地總有辦法和渠道可以爬頭,不過呢D似係打機的隱藏關卡,我公開左D方法去俾大家玩,但實踐還是靠你們。

      刪除
  6. 我想問您係借私人貸款,然後每月股息還息+主動收入還本?
    謝謝

    回覆刪除