人工唔加又要繼續撈就只能...........

只好找尋自己長處了.......

１，興趣（自小有收藏紙幣，面值加兩三成買入，而家面值加兩三倍）

２，吹水（起個ＢＬＤＧ賺丁點兒廣告錢）

：

：

：

不過最實用似乎係.......

如果你沒有借貸，你可以從零開始培養良好的信用評分，呢方面可謂所有人的起跑線都一樣。訂下目標，集中申請最多回贈及最多功能的信用卡，不能看小呢Ｄ小功夫，日後借唔借到便宜錢靠過去多年功夫喇！！

而家想整靚個信用評分簡直容易過幾年前啦，你地可以玩支付寶套現八達通套現，先唔好理有冇分賺，但都已經零成本長期使用信用卡，之後將套來的現金期期準時還款，兩三下就信用評分ＡＢＣ級啦！！

過一段日子就可以利用信用卡年資，及之前積累的信用評分，主動申請加大信用卡額，逐張申請，半年至一年一次就差不多，同時也可申請其他新信用卡。

其實，大約四五年，你已經可以申請左四五張卡，呢四五張卡亦可能已經各加大一次信用卡額了，月入一萬應該都可以將自己的信用卡總額打到幾十萬，如果配合資產證明（如藍籌股一堆），更可能迫近百萬級（我用五年打到去１２５萬）

重申，年費可打電話取消，電話錄音黎，唔洗真人對話！！

玩信用卡唔係鼓勵消費，我從來都是低消費一族！我覺得銀行在我身上賺唔到多少錢囉，呵呵！另外，在我積極打大個信用卡總額時，並沒有料到現在Ｄ支付工具會如此好賺錢！！！

當你有需要借錢，即時叫停你Ｄ支付工具套現，一陣間就能回到特高餘額狀態，你的信用卡變得總額又大可用額又高信用評分又靚，一定有平錢俾你借，你會在此刻贏下沒有準備整靚信用評分的人，佢地此時可能仍在搲頭好難借平錢。而你，就先贏左呢個機會/時機！

我當初叫做，窮得只剩下Ａ級信用評分！我由第一次借私貸到而家，平均實際年利率從不超過５％，即月平息０.２４％以下，唔明白有部分年青人月平息０.４８％都覺得便宜，比我月入更高的人更便宜到月平息０.１２％，果Ｄ係咩？（如果我唔係炒散的話應該可再便宜Ｄ，目前我的私貸平均實際年利率３.９％左右）

你初初窮，但你可以用時間為未來準備，係為左節省未來借錢的利息成本，係賺緊未來的冇汗錢！我認為係香港，冇先天支持的情況下老老七七去賺錢，又唔用工具輔助......只會慢慢成為金字塔底層。（而家我隨便就可運用呢１２５萬信用卡總額周圍玩，係信用卡領域傲視同儕）

今日路經曾經流連的麵包店，買左一包麵包皮，你食嗎？會食嗎？你能鼓起勇氣買嗎？還有......別以為會肯買肯賣，部分麵包店你俾幾多對方都唔賣，佢話用黎丟的！！！

回帶相關貼文：

月入一萬，十年不變，怎樣破百萬？
今個月開展新事業
信用卡好好玩
２，我的信用卡限額牛市一浪高一浪
１，我的信用卡限額牛市一浪高一浪