終於「的起心肝」玩碎股

　　碎股成本低，贏率高，只係D時間成本同埋精神成本高D囉........

　　近日終於走去一通開戶口，好快，１５分鐘左右，之後第日就玩得，我馬止ＰＰＳ左一萬去玩，而家已經買左２０只啦，都仲有３５００蚊未買完。

　　我唔會咁極端，全部買１股，多數買到２５０蚊成本以上６００蚊成本以下啦，我順手等你地供股呀，如果你地二供一，而我得一股冇得玩供股咪乞米？！？！我買多些少，仲可以冇咁樣衰添！

　　預期呢１００００蚊玩碎股，年回報率或高達３３％(計入手續費後)，有得玩又有得食呀，而家我炒左老闆魷魚，自己做小老闆，實蛇到Ｄ時間去股東大會飲飲食食啦，呵呵～

　　１００００蚊買齊哂Ｄ藍籌，之後會再加碼，會玩埋Ｄ老牌良心港股，果Ｄ係普通主板的股仔，都唔知買唔買得齊........會買下大昌集團呀，生力啤呀果Ｄ囉......

　　識得玩，識得賺，一萬蚊食一世都得丫，呢個簡直係無分貴賤的冇汗錢呀！！我特地開左個新BLOG，集中寫碎股，我下半年將會親身收集各股票的股東大會資料，為大家開闢新財路！！！

你將轉移至其他網誌：
碎股收藏家